പുതിയ ആദായ നികുതി ബിൽ ഫെബ്രുവരി 13ന് പാർലമെന്റിൽ അവതരിപ്പിച്ചേക്കും; നടപ്പാക്കാൻ വൈകില്ല
ന്യൂഡൽഹി: പുതിയ ആദായനികുതി ബിൽ ഫെബ്രുവരി 13 വ്യാഴാഴ്ച പാർലമെന്റിൽ അവതരിപ്പിച്ചേക്കുമെന്ന് റിപ്പോർട്ട്. ബജറ്റിൽ കേന്ദ്ര ധനമന്ത്രി വാഗ്ദാനം ചെയ്ത പുതിയ ആദായ നികുതി ബിൽ ഉടൻ തന്നെ അവതരിപ്പിക്കുമെന്ന് അടുത്ത വൃത്തങ്ങൾ സൂചിപ്പിച്ചിരുന്നു. നികുതി നിയമങ്ങളുടെ ഭാഷ ലളിതമാക്കുന്നതിനാണ് ബിൽ കൊണ്ട് വരുന്നത്. പിന്നീട് പാർലമെന്റിന്റെ ധനകാര്യ സ്റ്റാൻഡിംഗ് കമ്മിറ്റിക്ക് അയയ്ക്കും.
ഇത് നിലവിലുള്ള നികുതി സ്ലാബുകളിൽ മാറ്റം വരുത്തുകയോ നൽകിയിട്ടുള്ള നികുതി ഇളവുകൾ അവലോകനം ചെയ്യുകയോ ചെയ്യില്ല. ഭാഷ ലളിതമാക്കുന്നത് നിയമത്തെ സംക്ഷിപ്തവും വ്യക്തവും മനസിലാക്കാൻ എളുപ്പവുമാക്കും. ഇതിലൂടെ തർക്കങ്ങളും വ്യവഹാരങ്ങളും കുറയ്ക്കുകയും നികുതിദായകർക്ക് കൂടുതൽ നേട്ടങ്ങൾ ഉറപ്പ് നൽകുകയും ചെയ്യും.
നേരത്തെ അവലോകനത്തിന് മേൽനോട്ടം വഹിക്കാൻ സിബിഡിടി ഒരു ആഭ്യന്തര കമ്മിറ്റി രൂപീകരിച്ചിരുന്നു. കൂടാതെ ആറ് പതിറ്റാണ്ട് പഴക്കമുള്ള നിലവിലെ നിയമത്തിന് പകരമായി നിർദിഷ്ട നിയമത്തിന്റെ വിവിധ വശങ്ങൾ അവലോകനം ചെയ്യുന്നതിനായി 22 പ്രത്യേക ഉപസമിതികളും രൂപീകരിച്ചിട്ടുണ്ട്.
നേരത്തെ പ്രസ്തുത ബിൽ തയ്യാറാക്കുന്നതിന് മുന്നോടിയായി, ഭാഷ ലളിതമാക്കൽ, വ്യവഹാരം കുറയ്ക്കൽ, അനുസരണം കുറയ്ക്കൽ, അനാവശ്യ/കാലഹരണപ്പെട്ട വ്യവസ്ഥകൾ എന്നിങ്ങനെ നാല് വിഭാഗങ്ങൾക്ക് കീഴിൽ സർക്കാർ ജനങ്ങളിൽ നിന്ന് നിർദ്ദേശങ്ങൾ തേടിയിരുന്നു. ആദായ നികുതി വകുപ്പിന് ബന്ധപ്പെട്ട ഉപഭോക്താക്കളിൽ നിന്ന് ഏതാണ്ട് 6500 നിർദ്ദേശങ്ങൾ ലഭിച്ചിരുന്നു.
അതേസമയം, കേന്ദ്ര ബജറ്റിൽ ഇക്കുറി മധ്യവർഗത്തിന് ഗുണകരമാവുന്ന നിർണായക പ്രഖ്യാപനങ്ങൾ അടങ്ങിയിരുന്നു. അതിൽ പ്രധാനപ്പെട്ട ഒന്നായിരുന്നു ആദായനികുതിയിലെ ഇളവ്. 12 ലക്ഷം രൂപ വരെ വാര്ഷിക വരുമാനം ഉള്ളവരെ ആദായനികുതി പരിധിയില് നിന്ന് ഒഴിവാക്കാനായിരുന്നു തീരുമാനം. പുതിയ നികുതി സ്കീം തിരഞ്ഞെടുക്കുന്നവര്ക്കാണ് ഇതിന്റെ പ്രയോജനം ലഭിക്കുക.
പുതിയ ഇളവ് പ്രകാരം റിബേറ്റടക്കം 12.75 ലക്ഷം വരെ വരുമാനമുള്ളവര് നികുതിയടക്കേണ്ട ആവശ്യമില്ല. ഇതുപ്രകാരമുള്ള പുതിയ നികുതി സ്ലാബ് ധനമന്ത്രി പ്രഖ്യാപിച്ചിരുന്നു. വരുമാനം സ്റ്റാൻഡേർഡ് ഡിഡക്ഷൻ അടക്കമുള്ള 12.75 ലക്ഷം പരിധി കടന്നാൽ മാത്രമേ ഇനി മുതൽ നികുതി അടയ്ക്കേണ്ടതുള്ളൂ. ചെറിയ രീതിയിലുള്ള ഇളവ് വർധനയാണ് പ്രതീക്ഷിച്ചതെങ്കിലും എല്ലാവരെയും ഞെട്ടിച്ചു കൊണ്ടാണ് കേന്ദ്രം ഒറ്റയടിക്ക് പരിധി ഉയർത്തിയത്.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google