'വിവാഹം കഴിക്കണ്ടേ, തമിഴ് പെണ്കുട്ടിയെ കണ്ടെത്താം'; രാഹുലിന് കല്യാണം ആലോചിച്ച് സ്ത്രീ
കന്യാകുമാരി: കോണ്ഗ്രസ് ഏറെ പ്രതീക്ഷയോടെയാണ് രാഹുല് ഗാന്ധി നയിക്കുന്ന ഭാരത് ജോഡോ യാത്രയെ കാണുന്നത്. യാത്ര ഇന്ന് കേരളത്തില് എത്തിയിരിക്കുകയാണ് മികച്ച പ്രതികരണമാണ് ജാഥയ്ക്ക് ലഭിക്കുന്നത്. കേരളത്തിലേക്ക് പ്രവേശിച്ച ഭാരത് ജോഡോ യാത്രയ്ക്ക് പാറശാലയില് ആവേശോജ്വലമായ സ്വീകരണമാണ് നേതാക്കള് നല്കിയത്. ഇന്ന് മുതല് 19 ദിവസം രാഹുല് ഗാന്ധി നയിക്കുന്ന ഭാരത് ജോഡോ യാത്ര കേരളത്തില് പര്യടനം നടത്തും.
രാജ്യത്തിലെ വിവിധ വിഭാഗങ്ങളിലെ ജനങ്ങളുമായി സംവദിച്ചും അവരുടെ പ്രശ്നങ്ങല് ചോദിച്ചറിഞ്ഞുമാണ് രാഹുലിന്റെ യാത്ര പുരോഗമിക്കുന്നത്. തമിഴ്നാട്ടില് യാത്ര പുരോഗമിക്കുന്നതിനിടെ, മൂന്നാം ദിനത്തില് മാര്ത്താണ്ഡത്തെ തൊഴിലാളികളുടെ കൂടെ രാഹുല് സമയം ചെലവഴിച്ചിരുന്നു. ഇതിനിടെയുണ്ടായ രസകരമായ ഒരു സംഭവം ജയറാം രമേശ് ട്വിറ്ററില് കുറിച്ചു.
ക്യൂട്ട്നെസ് കുറച്ചു കൂടുന്നുണ്ട്...അഭയ എന്തൊരു ഭംഗിയാണ് കാണാൻ, വൈറൽ ചിത്രങ്ങൾ
ഇതിനിടെയുണ്ടായ ഒരു രസകരമായ സംഭവമാണ് കോണ്ഗ്രസ് നേതാവ് ജയറാം രമേശ് ട്വീറ്റ് ചെയ്തത്. രാഹുല് ഗാന്ധിക്ക് വേണ്ടി വിവാഹം ആലോചിക്കട്ടയെന്ന് ഒരു സ്ത്രീ നേരിട്ട് ചോദിക്കുന്നത്താണ് അദ്ദേഹത്തിന്റെ ട്വീറ്റില് പറയുന്നത്. തമിഴ്നാട്ടില് നിന്നും ഒരു പെണ്കുട്ടിയെ കണ്ടെത്തിത്തരട്ടെ എന്നാണ് രാഹുല് ഗാന്ധിയോട് സ്ത്രീ ചോദിക്കുന്നത്.
തമിഴ്നാടിനെ രാഹുല് ഗാന്ധി ഏറെ സ്നേഹിക്കുന്നുവെന്ന് അറിയാം. ഒരു തമിഴ് പെണ്കുട്ടിയുമായി രാഹുലിന്റെ വിവാഹം നടത്താന് തയാറാണ്, ആലോചിക്കട്ടെയെന്നായിരുന്നു സ്ത്രീ ചോദിച്ചത്. എന്നാല് രാഹുലിനെ ഈ ചോദ്യം വളരെ ചിരിപ്പിച്ചുവെന്നും അത് ചിത്രം കണ്ടാല് മനസിലാകുമെന്നും ജയ്റാം രമേശ് ട്വീറ്റ് ചെയ്തു.
കേരളത്തില് ഏഴുജില്ലകളിലൂടെയാണ് ജോഡോ യാത്ര കടന്ന് പോകുന്നത്.തിരുവനന്തപുരം മുതല് തൃശ്ശൂര് വരെ ദേശീയ പാതവഴിയും തുടര്ന്ന് നിലമ്പൂര് വരെ സംസ്ഥാന പാത വഴിയുമായിരിക്കും പദയാത്ര. യാത്രകടന്ന് പോകാത്ത ജില്ലകളില് നിന്നുമുള്ള പ്രവര്ത്തകരുടെയും നേതാക്കളുടെയും പങ്കാളിത്തവും യാത്രയിലുണ്ടാകും.
ശരീരഭാരം കുറയ്ക്കാന് ഏറ്റവും മികച്ച ഭക്ഷണം, ഈ രഹസ്യം അറിയാതെ പോകരുത്
രാവിലെ 7 മുതല് 11 വരെയും വൈകുന്നേരം 4 മുതല് 7 വരെയുമാണ് യാത്രയുടെ സമയക്രമം. ഇതിനിടെയുള്ള സമയത്തില് സംസ്ഥാനത്തെ വിവിധ മേഖലയിലുള്ള തൊഴിലാളികള്,കര്ഷകര്,യുവാക്കള്, സാംസ്കാരിക പ്രമുഖര് തുടങ്ങിയവരുമായി ജാഥ ക്യാപ്റ്റന് രാഹുല് ഗാന്ധി കൂടിക്കാഴ്ച നടത്തും.
ഭാരത് ജോഡോ യാത്രയില് മുന്നൂറ് പദയാത്രികരാണുള്ളത്. ഇവര്ക്കുള്ള താമസം, ഭക്ഷണം ഉള്പ്പെടെയുള്ള ഒരുക്കാനുള്ള ക്രമീകരണങ്ങളും പൂര്ത്തിയായി. 19 ദിവസം കേരളത്തിലൂടെ കടന്ന് പോകുന്ന യാത്ര വിജയിപ്പിക്കാന് ചിട്ടയായ പ്രവര്ത്തനമാണ് കോണ്ഗ്രസ് ഒരുക്കിയിട്ടുള്ളത്. കേരളം ഇന്നുവരെ കണ്ടിട്ടില്ലാത്ത വലിയ ജനപങ്കാളിത്തമാണ് കെ പി സി സി പ്രതീക്ഷിക്കുന്നത്.
അതുകൊണ്ട് പൊതുജനത്തിന് ബുദ്ധിമുട്ട് ഉണ്ടാകാത്തവിധവും ഗതാഗത തടസ്സം സൃഷ്ടിക്കാത്തവിധവും യാത്ര കടന്ന് പോകുന്നതിനുള്ള ക്രമീകരണങ്ങള് വരുത്താനാവശ്യമായ സഹകരണം സംസ്ഥാന പോലീസ് മേധാവിയോടും ജില്ലാ ഭരണാധികാരികളോടും അഭ്യര്ത്ഥിച്ചിട്ടുണ്ട്. യാത്ര കടന്ന് പോകുന്ന സ്ഥലങ്ങളും അതുമായി ബന്ധപ്പെട്ട ഗതാഗതനിയന്ത്രങ്ങളെ കുറിച്ചുമുള്ള വിവരങ്ങള് നേരത്തെ തന്നെ പൊതുജനത്തിന് ലഭ്യമാകുന്നതിന് ആവശ്യമായ മുന്കരുതലും നടപടികളും സ്വീകരിക്കണമെന്ന് ജില്ലാ ഭരണാധികളോടും പോലീസ് മേധാവികളോടും കോണ്ഗ്രസ് നേതൃത്വം ആവശ്യപ്പെട്ടിട്ടുണ്ട്.
തിരുവനന്തപുരം ജില്ലയില് 11,12,13,14 തീയതികളില് പര്യടനം നടത്തി 14ന് ഉച്ചയ്ക്ക് കൊല്ലം ജില്ലയില് പ്രവേശിക്കും. 15,16 തീയതികളില് കൊല്ലം ജില്ലയിലൂടെ കടന്ന് പോകുന്ന യാത്ര 17,18,19,20 തീയതികളില് ആലപ്പുഴയിലും 21,22ന് എറണാകുളം ജില്ലയിലും 23,24,25 തീയതികളില് തൃശൂര് ജില്ലയിലും 26നും 27ന് ഉച്ചവരെ പാലക്കാടും പര്യടനം പൂര്ത്തിയാക്കും.
28,29നും മലപ്പുറം ജില്ലയിലൂടെ കടന്ന് കേരളത്തിലെ പര്യടനം പൂര്ത്തിയാക്കി തമിഴ്നാട്ടിലെ ഗൂഡല്ലൂര് വഴി കര്ണ്ണാടകത്തില് പ്രവേശിക്കും.150 ദിവസം നീളുന്ന പദയാത്ര 12 സംസ്ഥാനങ്ങളിലൂടെയാണ് കടന്നുപോവുക. 3570 കിലോമീറ്റര് പിന്നിട്ട് 2023 ജനുവരി 30 നു സമാപിക്കും. 22 നഗരങ്ങളില് റാലികള് സംഘടിപ്പിക്കും.
Click it and Unblock the Notifications
Sign in with Google