രാമക്ഷേത്ര ഉദ്ഘാടന ദിനം ബിജെപി ഓഫീസിൽ സ്ഫോടന ശ്രമം? രാമേശ്വരം കഫേ രണ്ടാമത്തെ ലക്ഷ്യമെന്ന് എൻഐഎ
ബെംഗളൂരു: രാമേശ്വരം കഫേ സ്ഫോടനക്കേസിലെ പ്രതികൾ ഈ വർഷം ജനുവരി 22ന് അയോധ്യയിലെ രാമക്ഷേത്ര ഉദ്ഘാടനം ദിനത്തിൽ ബെംഗളൂരുവിലെ ബിജെപി ഓഫീസ് ആക്രമിക്കാൻ പദ്ധതിയിട്ടിരുന്നതായി എൻഐഎ. കേസുമായി ബന്ധപ്പെട്ട എൻഐഎയുടെ കുറ്റപത്രത്തിലാണ് നിർണായകമായ വിവരങ്ങൾ നൽകിയിരിക്കുന്നത്.
രാമേശ്വരം കഫേ സ്ഫോടനക്കേസിലെ നാല് പ്രതികളായി മുസ്സാവിർ ഹുസൈൻ ഷാസിബ്, അബ്ദുൾ മത്തീൻ അഹമ്മദ് താഹ, മാസ് മുനീർ അഹമ്മദ്, മുസമ്മിൽ ഷെരീഫ് എന്നിവരെ ചേർത്ത് കൊണ്ടുള്ള കുറ്റപത്രം എൻഐഎ തിങ്കളാഴ്ചയാണ് സമർപ്പിച്ചത്. ഇത് കൂടാതെ പ്രതികളെ കുറിച്ചുള്ള കൂടുതൽ നിർണായക കണ്ടെത്തലുകളും എൻഐഎ കുറ്റപത്രത്തിലുണ്ട്.
ഇസ്ലാമിക് സ്റ്റേറ്റിന്റെ (ഐഎസ്) അൽ-ഹിന്ദ് മൊഡ്യൂൾ തകർത്തതിന് ശേഷം 2020 മുതൽ രാമേശ്വരം കഫേയിൽ ബോംബ് സ്ഥാപിച്ച കേസിലെ പ്രതികളായ താഹയും ഷാസിബും ഒളിവിലായിരുന്നുവെന്ന് എൻഐഎ അന്വേഷണത്തിൽ കണ്ടെത്തിയിരുന്നു. സ്ഫോടനം നടന്ന് 42 ദിവസങ്ങൾക്ക് ശേഷമാണ് ഇരുവരും ബംഗാളിൽ നിന്ന് പിടിയിലായത്.
പ്രതികളെ കണ്ടെത്താൻ ദേശീയ അന്വേഷണ ഏജൻസി വ്യാപകമായി വലവിരിച്ചിരുന്നു. വിവിധ മേഖലകളിൽ കാര്യക്ഷമമായ നിലയിൽ റെയ്ഡുകളും പരിശോധനയും നടത്തുകയും ചെയ്തിരുന്നു. ഇതിനൊടുവിലാണ് ഇരുവരെയും കണ്ടെത്തിയത്. കർണാടകയിലെ ഷിമോഗ ജില്ലയിൽ നിന്നുള്ളവരാണ് രണ്ട് പേരും.
തഹയും ഷാസിബും ധാരാളം ഇന്ത്യൻ സിം കാർഡുകളും ഇന്ത്യൻ ബാങ്ക് അക്കൗണ്ടുകളും വ്യാജമായി ഉപയോഗിച്ചു വന്നിരുന്നു. കൂടാതെ ഡാർക്ക് വെബിൽ നിന്ന് ഡൗൺലോഡ് ചെയ്തെടുത്ത നിരവധി ഇന്ത്യൻ, ബംഗ്ലാദേശ് തിരിച്ചറിയൽ രേഖകളും ഇവർ ഉപയോഗിച്ച് വന്നിരുന്നു എന്നാണ് എൻഐഎ അന്വേഷണത്തിൽ കണ്ടെത്തിയിരിക്കുന്നത്.
ക്രിപ്റ്റോ കറൻസി ഉൾപ്പെടയുള്ളവ വഴിയാണ് ഇരുവർക്കും ഫണ്ട് ലഭിച്ചിരുന്നത്. ഈ പണം മുഴുവൻ ബെംഗളൂരു നഗരത്തിലെ വിവിധ തീവ്രവാദ പ്രവർത്തനങ്ങൾക്ക് ഉപയോഗിക്കുകയായിരുന്നു ഇരുവരും. ഇതിൽ മല്ലേശ്വരത്തെ ബിജെപി ഓഫീസ് രാം മന്ദിർ ഉദ്ഘാടന ദിവസം സ്ഫോടനത്തിൽ തകർക്കാൻ ശ്രമിച്ചത് ഉൾപ്പെടെയുള്ള സംഭവങ്ങളും ഉൾപ്പെടുന്നു. എന്നാൽ ഈ ഐഇഡി സ്ഫോടന ശ്രമം വിജയിക്കാതെ വരികയായിരുന്നു.
ഇതോടെയാണ് ഇരുവരും ചേർന്ന് രാമേശ്വരം കഫേ സ്ഫോടനം ആസൂത്രണം ചെയ്തതെന്ന് എൻഐഎ അറിയിച്ചു. ഈ വർഷം മാർച്ച് ഒന്നിനാണ് ബെംഗളൂരു നഗരത്തിലെ ബ്രൂക്ക്ഫീൽഡ് ഏരിയയിൽ സ്ഥിതി ചെയ്തിരുന്ന രാമേശ്വരം കഫേയിൽ ഐഇഡി സ്ഫോടനമുണ്ടായത്. ആക്രമണത്തിൽ ഒൻപത് പേർക്ക് പരിക്കേറ്റിരുന്നു.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
ഈ രാശിക്കാരാണോ? രണ്ടാഴ്ചയ്ക്കുള്ളില് അളവറ്റ ധനം കൈയിലെത്തും, ഇനി സൗഭാഗ്യനാളുകള് -
സ്വര്ണവില 75000 ത്തിലേക്ക് വീഴും, ഗ്രാമിന് 9500 രൂപ..! അതും 2026 ല് തന്നെ..! -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി -
'വിനീതാണ് അമ്മയ്ക്ക് മൊബൈൽ ഫോൺ വാങ്ങിച്ചു കൊടുത്തത്, അത് എനിക്ക് പാരയായി';എം മോഹനൻ്റെ കുറിപ്പ് -
'പക്വത ഇല്ല,ഭർത്താവിനുള്ള പിന്തുണ തനിക്കും കിട്ടുമെന്ന തെറ്റിധാരണ,ആര്യ രാജേന്ദ്രന് വിനയായത് ഇതൊക്കെ' -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇറാന്റെ ആണവനിലയങ്ങളിലേക്ക് മിസൈൽ വർഷം; തിരിച്ചടിക്കാനൊരുങ്ങി ഐആർജിസി
Click it and Unblock the Notifications
Sign in with Google