സ്വവര്ഗ വിവാഹം നഗര വരേണ്യ കാഴ്ചപ്പാട്, അംഗീകരിക്കാനാകില്ല; സുപ്രീംകോടതിയില് കേന്ദ്രം
ന്യൂദല്ഹി: സ്വവര്ഗ വിവാഹത്തിന് എതിരെ വീണ്ടും കേന്ദ്രസര്ക്കാര്. കോടതിയുടെ മുമ്പാകെയുള്ള ഹര്ജികള് സാമൂഹിക സ്വീകാര്യതയ്ക്കായുള്ള നഗര വരേണ്യ വീക്ഷണങ്ങളെ പ്രതിഫലിപ്പിക്കുന്നതാണ് എന്നാണ് കേന്ദ്ര സര്ക്കാര് സുപ്രീംകോടതിയെ അറിയിച്ചത്. ഇന്ത്യയില് സ്വവര്ഗ വിവാഹം അംഗീകരിക്കണമെന്ന് ആവശ്യപ്പെട്ടുള്ള ഹര്ജികളില് ഭരണഘടനാ ബെഞ്ച് വാദം കേള്ക്കാനിരിക്കെയാണ് കേന്ദ്ര സര്ക്കാരിന്റെ നടപടി.
സ്വവര്ഗ വിവാഹവുമായി ബന്ധപ്പെട്ട വിഷയങ്ങള് ആളുകളുടെ വിവേചനത്തിന് വിടണമെന്ന് ആവശ്യപ്പെട്ടുള്ള ഹര്ജികള് തള്ളണം എന്നും കേന്ദ്രം സുപ്രീം കോടതിയോട് ആവശ്യപ്പെട്ടു. ചീഫ് ജസ്റ്റിസ് ഡി വൈ ചന്ദ്രചൂഡ്, ജസ്റ്റിസ് സഞ്ജയ് കിഷന് കൗള്, ജസ്റ്റിസ് പി എസ് നര്സിംഹ, ജസ്റ്റിസ് ഹിമ കോഹ്ലി, ജസ്റ്റിസ് എസ് നരസിംഹ എന്നിവരടങ്ങിയ അഞ്ചംഗ ഭരണഘടനാ ബെഞ്ച് ഏപ്രില് 18 ന് ആണ് ഹര്ജികള് പരിഗണിക്കുന്നത്.
സ്വവര്ഗ വിവാഹത്തിന് നിയമപരമായ അംഗീകാരം നല്കണമെന്ന് ആവശ്യപ്പെട്ട് സമര്പ്പിച്ച 15 ഹര്ജികളാണ് സുപ്രീംകോടതിയുടെ പരിഗണനയില് ഉള്ളത്. ഇത് എല്ലാം തള്ളണമെന്നാണ് കേന്ദ്രസര്ക്കാര് ആവശ്യപ്പെട്ടിരിക്കുന്നത്. വിവാഹം വ്യത്യസ്ത ലിംഗത്തില്പെട്ടവര് ഉള്പ്പെടുന്ന സംവിധാനമാണെന്നും നിലവിലുള്ള വിവാഹ സങ്കല്പങ്ങള്ക്കു തുല്യമായി സ്വവര്ഗ വിവാഹത്തെ പരിഗണിക്കുന്നത് പൗരന്മാരുടെ താല്പര്യങ്ങളെ ബാധിക്കും എന്നുമാണ് കേന്ദ്ര സര്ക്കാര് പറയുന്നത്.
സ്വവര്ഗ വിവാഹത്തിനുള്ള അവകാശം അംഗീകരിക്കുന്ന ഉത്തരവുകള് പാസാക്കുന്നതില് നിന്ന് കോടതി വിട്ടുനില്ക്കണം. അതിനുള്ള ശരിയായ അധികാരം ഉചിതമായ നിയമനിര്മ്മാണമാണ് എന്നും അടിസ്ഥാനപരമായ സാമൂഹിക വ്യവസ്ഥകള് കണക്കിലെടുക്കുമ്പോള് ഈ നിയമങ്ങളുടെ ഉത്ഭവം, നിയമാനുസൃതമാകണമെങ്കില് ഏത് മാറ്റവും താഴെ നിന്ന് വരേണ്ടതുണ്ട് എന്നുമാണ് കേന്ദ്രസര്ക്കാര് സുപ്രീംകോടതിയോട് പറഞ്ഞിരിക്കുന്നത്.
Vastu Tips for Work: കര്പ്പൂരം കൊണ്ട് ജോലിയില് തിളങ്ങാനാകുമോ..? വാസ്തു പറയുന്നത് കേള്ക്കൂ
മാറ്റത്തിന്റെ ഗതിയുടെ ഏറ്റവും മികച്ച വിധികര്ത്താവ് നിയമനിര്മ്മാണ സഭയാണ് എന്നും കേന്ദ്രം വാദിക്കുന്നു. ഹരജിക്കാര് രാജ്യത്തെ മുഴുവന് ജനങ്ങളുടെയും വീക്ഷണത്തെ അല്ല പ്രതിനിധീകരിക്കുന്നത് എന്നും കേന്ദ്രം സുപ്രീംകോടതിയില് സമര്പ്പിച്ച അപേക്ഷയില് പറയുന്നു. നിയമനിര്മ്മാണ അധികാരങ്ങളിലേക്കുള്ള ഏതൊരു കടന്നുകയറ്റവും ഭരണഘടനയുടെ അടിസ്ഥാന ഘടനയുടെ ഭാഗമായ അധികാര വിഭജനം എന്ന തത്വങ്ങള്ക്ക് വിരുദ്ധമായിരിക്കും.
സ്വവര്ഗ വിവാഹത്തിനു നിയമസാധുത നല്കരുത് എന്നാവശ്യപ്പെട്ട് ബാലാവകാശ കമ്മിഷനും സുപ്രീം കോടതിയെ സമീപിച്ചിട്ടുണ്ട്. നേരത്തേയും സ്വവര്ഗ വിവാഹത്തെ കേന്ദ്ര സര്ക്കാര് സുപ്രീംകോടതിയില് എതിര്ത്തിരുന്നു. സ്വവര്ഗ വിവാഹം ഇന്ത്യന് സംസ്കാരത്തിന് ചേര്ന്നതല്ല എന്നായിരുന്നു മുന്പ് സുപ്രീംകോടതി ഹര്ജി പരിഗണിച്ചപ്പോള് കേന്ദ്ര സര്ക്കാര് വാദിച്ചത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google