ശോഭ സുരേന്ദ്രന് ഔട്ട്; മെട്രോമാന് ഇന്!! വരുണ് ഗാന്ധിയും അമ്മയും പുറത്ത്, ബിജെപിയില് ശുദ്ധികലശം
ന്യൂഡല്ഹി: കെ സുരേന്ദ്രന് വിഭാഗത്തിനെതിരെ ശക്തമായ നിലപാടെടുത്ത ശോഭ സുരേന്ദ്രനെ ഒഴിവാക്കി ബിജെപി ദേശീയ നിര്വാഹക സമിതി പുനഃസംഘടിപ്പിച്ചു. സംസ്ഥാന പ്രസിഡന്റായി കെ സുരേന്ദ്രനെ നിലനിര്ത്തിയതിന് പിന്നാലെയാണ് ദേശീയ നിര്വാഹക സമിതി പുനഃസംഘടിപ്പിച്ചത്. അതേസമയം, കേന്ദ്രമന്ത്രി വി മുരളീധരന് സമിതിയില് തുടരും. മെട്രോമാന് ഇ ശ്രീധരനെ പ്രത്യേക ക്ഷണിതാവായി ഉള്പ്പെടുത്തുകയും ചെയ്തു.
ശോഭ സുരേന്ദ്രനെ സമിതിയില് നിന്ന് നീക്കിയതിന് കാരണം വ്യക്തമല്ല. ഇതും ഗ്രൂപ്പ് പോരിന്റെ ഭാഗമാണ് എന്ന് സോഷ്യല് മീഡിയയില് പ്രചാരണമുണ്ട്. വിശദാംശങ്ങള് ഇങ്ങനെ...
ശോഭാ സുരേന്ദ്രന് പുറമെ മുന് കേന്ദ്രമന്ത്രി അല്ഫോണ്സ് കണ്ണന്താനത്തെയും ദേശീയ നിര്വാഹക സമിതിയില് നിന്ന് ഒഴിവാക്കിയിട്ടുണ്ട്. നിലവില് ശോഭ ബിജെപി സംസ്ഥാന വൈസ് പ്രസിഡന്റാണ്. താരതമ്യേന അപ്രധാനമായ പദവി നല്കിയതില് നേരത്തെ ശോഭയെ പിന്തുണയ്ക്കുന്നവര്ക്ക് അമര്ഷമുണ്ടായിരുന്നു. പാര്ട്ടി യോഗങ്ങളില് നിന്ന് വിട്ടുനിന്ന അവരെ ദേശീയ നേതാക്കള് ഇടപെട്ട് അനുനയിപ്പിക്കുകയായിരുന്നു.
കഴിഞ്ഞ നിയമസഭാ തിരഞ്ഞെടുപ്പിന് മുമ്പ് തന്നെ തുടങ്ങിയിരുന്നു ബിജെപിയിലെ പോര്. ശോഭയെ അകറ്റാനുള്ള ബോധപൂര്വമായ ശ്രമം നടക്കുന്നു എന്നായിരുന്നു ആക്ഷേപം. ബിജെപിയുടെ കേരളത്തിലെ വനിതാ മുഖമാണ് ശോഭ സുരേന്ദ്രന്. അവര്ക്ക് ദേശീയ തലത്തില് സുപ്രധാനമായ പദവികള് നല്കിയേക്കുമെന്ന് വാര്ത്തകള് വന്നിരുന്നു എങ്കിലും അതുണ്ടായില്ല.
ശോഭ സുരേന്ദ്രന്, അല്ഫോണ്സ് കണ്ണന്താനം, ഒ രാജഗോപാല് എന്നിവരെയാണ് ദേശീയ നിര്വാഹക സമിതിയില് നിന്ന് നീക്കിയിരിക്കുന്നത്. ഒ രാജഗോപാലിന്റെ പല പ്രസ്താവനകളും ബിജെപിക്ക് കനത്ത തിരിച്ചടിയായിരുന്നു. പിറണായി സര്ക്കാരിന്റെ ചില പ്രവര്ത്തനങ്ങളെ പ്രശംസിച്ച രാജോഗോപാല് ബിജെപി സംസ്ഥാന നേതൃത്വത്തെ പ്രതിസന്ധിയിലാക്കുകയും ചെയ്തു. പ്രായാധിക്യം മൂലമാണ് അദ്ദേഹത്തെ നിര്വാഹക സമിതിയില് നിന്ന് നീക്കിയത് എന്നാണ് പറയപ്പെടുന്നത്.
മെട്രോമാന് ഇ ശ്രീധരന് പുറമെ പികെ കൃഷ്ണദാസും ദേശീയ നിര്വാഹക സമിതിയില് പ്രത്യേക ക്ഷണിതാവായി. സമിതിയില് മൊത്തം 80 അംഗങ്ങളാണുള്ളത്. കൂടാതെ 50 പ്രത്യേക ക്ഷണിതാക്കളും 179 സ്ഥിരം ക്ഷണിതാക്കളും ദേശീയ സമിതിയിലുണ്ട്. പ്രധാനമന്ത്രി നരേന്ദ്ര മോദി, എല്കെ അദ്വാനി, എംഎം ജോഷി, രാജ്നാഥ് സിങ്, അമിത് ഷാ, നിതില് ഗഡ്കരി എന്നിവരെല്ലാം ദേശീയ സമിതി അംഗങ്ങളാണ്. കര്ഷകര്ക്കെതിരായ ആക്രമണത്തില് കടുത്ത വിമര്ശനം ഉന്നയിച്ച വരുണ് ഗാന്ധി, അമ്മ മേനക ഗാന്ധി എന്നിവരെ ദേശീയ സമിതിയില് നിന്ന് നീക്കി.
എപി അബ്ദുള്ളക്കുട്ടി ദേശീയ വൈസ് പ്രസിഡന്റായി തുടരും. ടോം വടക്കന് ദേശീയ വക്താവായും തുടരും. ഇരുവരും അടുത്തിടെ ബിജെപിയില് എത്തിയവരാണ്. സിപിഎമ്മിലും കോണ്ഗ്രസിലും പ്രവര്ത്തിച്ച ശേഷമാണ് അബ്ദുള്ളക്കുട്ടി ബിജെപിയില് എത്തിയത്. കോണ്ഗ്രസിന്റെ ദേശീയ നേതാക്കളുമായി അടുത്ത ബന്ധമുള്ള നേതാവായിരുന്നു ടോം വടക്കന്.
അടുത്തകാലത്ത് ബിജെപിയില് സജീവമായ സിനിമാ താരമാണ് കൃഷ്ണകുമാര്. ഇദ്ദേഹത്തെ ദേശീയ കൗണ്സിലില് ഉള്പ്പെടുത്തിയിട്ടുണ്ട്. നിമയസഭാ തിരഞ്ഞെടുപ്പില് തിരുവനന്തപുരത്ത് അദ്ദേഹം മല്സരിച്ചിരുന്നു എങ്കലും തോറ്റു. കഴിഞ്ഞ ദിവസം ബിജെപിയുടെ സംസ്ഥാന ഭാരവാഹി പട്ടിക പുറത്തിറക്കിയിരുന്നു. കെ സുരേന്ദ്രനെ സംസ്ഥാന അധ്യക്ഷ പദവിയില് നിന്ന് നീക്കുമെന്ന് പ്രചാരണമുണ്ടായിരുന്നെങ്കിലും അതുണ്ടായില്ല.
സൗന്ദര്യത്തിന് ഒട്ടും കുറവില്ല; അന്നും ഇന്നും... നടി ഖുശ്ബുവിന്റെ അപൂര്വ ചിത്രങ്ങള് കാണാം
Recommended Video
കാസര്കോട്, വയനാട്, പാലക്കാട്, കോട്ടയം, പത്തനംതിട്ട എന്നീ ജില്ലകളില് ജില്ലാ പ്രസിഡന്റുമാരെ ബിജെപി മാറ്റിയിട്ടുണ്ട്. ശോഭാ സുരേന്ദ്രന് പുറമെ എഎന് രാധാകൃഷ്ണനും വൈസ് പ്രസിഡന്റുമാരായി തുടരും. കോണ്ഗ്രസില് നിന്ന് രാജിവച്ച് ബിജെപിയിലെത്തിയ പന്തളം പ്രതാപന് സംസ്ഥാന സെക്രട്ടറിയായി. അഡ്വ. ഇ കൃഷ്ണദാസ് ആണ് സംസ്ഥാന ട്രഷറര്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google