ശരിയ്ക്കും ഷിമോഗയില്‍ കാന്‍സര്‍ ഭേദപ്പെടുത്തുമോ?

കര്‍ണാടകയിലെ ഷിമോഗയില്‍ നിന്നും 45 കിലോമീറ്റര്‍ അകലെ നാരസിപുരയിലാണ് നാരായണ മൂര്‍ത്തി താമസിയ്ക്കുന്നത്. തന്റെ വീട്ടില്‍ വച്ചാണ് അദ്ദേഹം രോഗികള്‍ക്ക് മരുന്ന് നല്‍കുന്നത് . ബ്രാഹ്മണനായ അദ്ദേഹത്തിന്റെ പൂര്‍വ്വികരും വൈദ്യന്‍മാരായിരുന്നുവെന്നാണ് അവകാശപ്പെടുന്നത് .

വൈദ്യശാസ്ത്രത്തില്‍ വിദ്യാഭ്യാസമൊന്നും നേടിയിട്ടില്ലെങ്കിലും നാട്ടുവൈദ്യമാണ് അദ്ദേഹം പരീക്ഷിയ്ക്കുന്നത്. വീടിനോട് ചേര്‍ന്നുള്ള ഔഷധതോട്ടത്തില്‍ നിന്നും തൊണ്ടയിലെ കാന്‍സര്‍ മതല്‍ ബ്‌ളഡ് കാന്‍സര്‍ വരെയുള്ളവയുടെ മരുന്ന് കണ്ടെത്തും . അവ രോഗികള്‍ക്ക് സൗജന്യമായി നല്‍കും .

എല്ലാ വ്യാഴാഴ്ചയും ഞായറാഴ്ചയുമാണ് ചികിത്സ നല്‍കുന്നത്. ചികിത്സയ്ക്ക് പണം നല്‍കണമെന്നുള്ളവര്‍ക്ക് വീട്ടിനുള്‌ലിലെ ഇരുമ്പ് പെട്ടിയില്‍ പണം നിക്ഷേപിയ്ക്കാം . ഇതും നിര്‍ബന്ധമില്ല. ഈ പണം തങ്ങളുടെ ക്ഷേത്രത്തിന്റെ നടത്തിപ്പിന് വേണ്ടിയാണ് കുടുംബം ഉപയോഗിയ്ക്കുന്നത്.

30 ഏക്കക്കര്‍ ഭൂമിയിലാണ് അദ്ദേഹം തന്റ ഔഷധ തോട്ടം വളര്‍ത്തുന്നത്. രാജ്യത്തിന്റെ വിവിധ ഭാഗങ്ങളില്‍ നിന്ന് രോഗികള്‍ എത്തുന്നതിന് പുറമെ അമേരിയ്ക്ക , ബ്രിട്ടണ്‍, കുവൈത്ത് , ഈജിപ്ത് എന്നിവിടങ്ങളില്‍ നിന്നും രോഗികള്‍ എത്താറുണ്ടെന്ന് പറയുന്നു .

English summary

Sri Narsipura Subbaiah Narayana Murthy-Medicine Man in Shimoga