വീണ്ടും നോട്ട് അസാധുവാക്കല്..? 2000 രൂപ നോട്ട് പിന്വലിക്കണമെന്ന് ബിജെപി എംപി, 'അച്ചടി നിര്ത്തി'
ന്യൂദല്ഹി: രാജ്യത്ത് 2000 രൂപ കറന്സിയുടെ പ്രചാരവും വിതരണവും നിര്ത്തലാക്കണം എന്ന് ബി ജെ പി എം പി സുശീല് കുമാര് മോദി. രാജ്യ സഭയില് ആണ് സുശീല് കുമാര് മോദി ഇക്കാര്യം ആവശ്യപ്പെട്ടത്. 2000 രൂപയുടെ കറന്സി നോട്ട് തീവ്രവാദ ഫണ്ടിംഗിനും മയക്കുമരുന്ന് കടത്തലിനും കള്ളപ്പണം പൂഴ്ത്തിവയ്ക്കുന്നതിനുമായി ഉപയോഗിക്കുന്നു എന്നും സുശീല് കുമാര് മോദി അവകാശപ്പെട്ടു.
അതിനാല് 2000 രൂപ നോട്ട് ഘട്ടം ഘട്ടമായി പിന്വലിക്കണമെന്ന് സുശീല് കുമാര് മോദി കേന്ദ്ര സര്ക്കാരിനോട് ആവശ്യപ്പെട്ടു. നിലവില് 2000 രൂപയുടെ കറന്സി നോട്ടുകള് കൈവശം വച്ചിരിക്കുന്ന പൗരന്മാര്ക്ക് അവ മാറാന് രണ്ട് വര്ഷത്തെ സമയം നല്കണം എന്നും സുശീല് കുമാര് മോദി കൂട്ടിച്ചേര്ത്തു. രാജ്യ സഭയുടെ ശൂന്യവേളയില് ആയിരുന്നു സുശീല് കുമാര് മോദി വിഷയം ഉന്നയിച്ചത്.
രാജ്യത്ത് 2016 ല് അസാധുവാക്കിയ 500, 1000 രൂപ നോട്ടുകള്ക്ക് പകരമായിട്ട് ആണ് 2000 രൂപ നോട്ട് ആര് ബി ഐ അവതരിപ്പിച്ചത്. ഇതോടൊപ്പം പുതിയ 500 രൂപ നോട്ടും അവതരിപ്പിച്ചിരുന്നു. എന്നാല് പിന്നീട് 2000 രൂപ നോട്ടിന്റെ ലഭ്യത കുറഞ്ഞതായി പലരും ചൂണ്ടിക്കാട്ടി. എ ടി എമ്മുകളില് നിന്ന് 500 രൂപ നോട്ടുകളായിരുന്നു ലഭിച്ചത്. ഇതിനിടെ 2000 രൂപ നോട്ടിന്റെ അച്ചടി മൂന്ന് വര്ഷമായി നിര്ത്തിവെച്ചിരിക്കുകയാണ് എന്ന തരത്തിലും ചില റിപ്പോര്ട്ടുകള് വന്നു.
ആളുകള് 2000 രൂപ നോട്ട് പൂഴ്ത്തിവെച്ചിട്ടുണ്ടെന്നും അത് തീവ്രവാദ ഫണ്ടിംഗിനും മയക്കുമരുന്ന് കടത്തലിനും ഉപയോഗിക്കുന്നു എന്നും സുശീല് കുമാര് മോദി പറഞ്ഞതായി വാര്ത്താ ഏജന്സിയായ എ എന് ഐ റിപ്പോര്ട്ട് ചെയ്തു. യു എസും ജപ്പാനും പോലുള്ള വികസിത രാജ്യങ്ങള് 100 ന് മുകളില് ഉള്ള കറന്സി ഉപയോഗിക്കുന്നില്ല എന്നും അതിനാല് ഇത് നിരോധിക്കുന്നതിനെക്കുറിച്ച് കേന്ദ്രം ചിന്തിക്കണമെന്നും അദ്ദേഹം പറഞ്ഞു.
'യുഎസ്, ചൈന, ജര്മ്മനി, ജപ്പാന് തുടങ്ങിയ പ്രധാന വികസിത സമ്പദ്വ്യവസ്ഥകള് നോക്കുകയാണെങ്കില്, അവരുടെ പക്കല് 100-ല് കൂടുതല് മൂല്യമുള്ള കറന്സി ഇല്ല. അതിനാല് കേന്ദ്ര സര്ക്കാര് അതിനെക്കുറിച്ച് ചിന്തിക്കുകയും ഘട്ടം ഘട്ടമായി ഇത് നിരോധിക്കുകയും വേണം, അങ്ങനെയെങ്കില് ആളുകള്ക്ക് അത് മാറ്റി വാങ്ങിക്കാന് സമയമുണ്ടായിരിക്കും എന്നും സുശീല് കുമാര് മോദി ചൂണ്ടിക്കാട്ടി.
മയക്കുമരുന്ന് കടത്ത്, കള്ളപ്പണം വെളുപ്പിക്കല്, തീവ്രവാദ ഫണ്ടിംഗ്, നികുതിവെട്ടിപ്പ് തുടങ്ങിയ നിയമവിരുദ്ധ പ്രവര്ത്തനങ്ങള് തടയുന്നതിനായി 2018 ല് യൂറോപ്യന് യൂണിയന് 500 ന്റെ യൂറോ നോട്ടുകള് നിര്ത്തലാക്കിയെന്നും സിംഗപ്പൂര് 2010ല് 10,000 യുഎസ് ഡോളറിന്റെ നോട്ടുകള് നല്കുന്നത് നിര്ത്തിയെന്നും സുശീല് കുമാര് മോദി രാജ്യസഭയില് പറഞ്ഞു. ഇന്ത്യ ഡിജിറ്റല് ഇടപാടുകളുടെ കേന്ദ്രമായി മാറിക്കൊണ്ടിരിക്കുന്നതിനാല്, വലിയ തുകകളുടെ സെറ്റില്മെന്റുകള്ക്കും, 2000 രൂപയുടെ ഉയര്ന്ന മൂല്യമുള്ള കറന്സി നോട്ടിന്റെ ആവശ്യകത പരിമിതമാണ് എന്നും സുശീല് കുമാര് മോദി കൂട്ടിച്ചേര്ത്തു.
-
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
'ഇന്ന് എനിക്ക് ഫ്ലാറ്റ് ഉണ്ട്, ആഡംബര വാഹനങ്ങളുണ്ട്, ഇതൊക്കെയും എന്റെ കഴിവ് കൊണ്ട് നേടിയെടുത്തത്'; അഖിൽ മാരാർ -
പിണറായിയുടേത് 'സംഘി ക്യാബിനറ്റ്'! പിഷാരടിയെ തൊട്ടാൽ വിവരം അറിയും; ആഞ്ഞടിച്ച് ഷാഫി പറമ്പിൽ -
യുഎസ്-ഇറാൻ നേരിട്ടുള്ള ചർച്ചകൾക്ക് വേദിയാവാൻ ഇസ്ലാമാബാദ്; മധ്യസ്ഥ ശ്രമങ്ങളുമായി ഈജിപ്തും തുർക്കിയും -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
'വരത്തന്' അല്ല, നിങ്ങളില് ഒരുവന് വിജയ്; പേരമ്പൂരില് കോടികള് ചെലവിട്ട് വീട്, സര്വെ ഫലം തിരിച്ചടി -
മോഹൻലാലുമായുള്ള മുഖ്യമന്ത്രിയുടെ അഭിമുഖത്തിന് ചിലവായത് ലക്ഷങ്ങൾ! ഉപയോഗിച്ചത് സർക്കാർ ഫണ്ട് -
യുപിയിൽ പാക് ചാരശൃംഖല തകർത്തു; 22 പേർ പിടിയിൽ, പുറത്തുവരുന്നത് ഞെട്ടിക്കുന്ന വിവരങ്ങൾ -
എല്ലാം കണക്കാ...- കാൽനൂറ്റാണ്ടിനിടെ എൽഡിഎഫ് പതുങ്ങിയതും യുഡിഎഫ് കുതിച്ചതും 2001ൽ
Click it and Unblock the Notifications
Sign in with Google