നടന് വിശാലിന് ഷൂട്ടിംഗിനിടെ പരിക്കേറ്റു; ആക്ഷന് രംഗങ്ങള്ക്കിടെ, പ്രാര്ത്ഥനയില് ആരാധകര്
ചെന്നൈ: തമിഴ് സൂപ്പര് താരം വിശാലിന് ഷൂട്ടിംഗിനിടെ പരിക്കേറ്റു. മാര്ക്ക് ആന്റണി എന്ന ചിത്രത്തിന്റെ ഷൂട്ടിനിടെയാണ് പരിക്കേറ്റത്. ആക്ഷന് രംഗത്തിന്റെ ചിത്രീകരണത്തിനിടെ കാല്മുട്ടിന് പരിക്കേല്ക്കുകയായിരുന്നു. കൂടുതല് വിശദാംശങ്ങള് ഇതുവരെ അറിവായിട്ടില്ല. എന്നാല് അദ്ദേഹത്തിന്റെ ആരാധകര് അദ്ദേഹം വേഗത്തില് സുഖം പ്രാപിക്കട്ടെയെന്ന് ആശംസിക്കുന്നു.
ദേ വീണ്ടും വന്നു ഞങ്ങളുടെ ക്യാപ്ഷന് ക്യൂന്; അമേയാ...എടുത്ത ഫോട്ടോ കൂടി ഇടുമോ, വൈറല് ചിത്രങ്ങള്
ഇതിന് മുമ്പ് മറ്റൊരു ചിത്രത്തിന്റെ ഷൂട്ടിനിടെ വിശാലിന് പരിക്കേറ്റിരുന്നു. തങ്ങളുടെ പ്രിയപ്പെട്ട താരത്തിന് പരിക്കേറ്റതിനെ തുടര്ന്ന് ആരാധകര് നിരാശയിലാണ്. താരം സുഖം പ്രാപിച്ച് എത്രയും പെട്ടെന്ന് ഷൂട്ടിംഗ് ലൊക്കേഷനില് എത്തുമെന്നാണ് ആരാധകര് പ്രതീക്ഷിക്കുന്നത്. കുറച്ച് മാസങ്ങള്ക്ക് മുമ്പ്, ലാത്തിയുടെ ക്ലൈമാക്സ് ഭാഗത്തിനായി ആക്ഷന് സീക്വന്സുകളുടെ ചിത്രീകരണത്തിനിടെ വിശാലിന് പരിക്കേറ്റിരുന്നു.
പരിക്ക് ഭേദമാകാന് കേരളത്തിലെ പെരിങ്ങോടുള്ള ഒരു ആയുര്വേദ ചികിത്സാ കേന്ദ്രത്തില് ഏതാനും ആഴ്ചകള് ചികിത്സ നടത്തിയിരുന്നു.വിശാല് നായകനായ മാര്ക്ക് ആന്റണി ഒരു ബിഗ് ബജറ്റ് പാന് ഇന്ത്യ പ്രൊജക്റ്റ് ആണെന്ന് പറയപ്പെടുന്നു. ഒരു പ്രധാന കഥാപാത്രത്തെ അവതരിപ്പിക്കാന് എസ് ജെ സൂര്യയെ തീരുമാനിച്ചതായും റിപ്പോര്ട്ടുണ്ട്.
രജനികാന്ത് നായകനായ ബ്ലോക്ക്ബസ്റ്റര് ചിത്രമായ ബാഷയില് അന്തരിച്ച നടന് രഘുവരന് അവതരിപ്പിച്ച മാര്ക്ക് ആന്റണി എന്ന ജനപ്രിയ കഥാപാത്രത്തിന്റെ പേരിലാണ് ചിത്രത്തിന് പേരിട്ടിരിക്കുന്നത്. ജനുവരിയില്, നിര്മ്മാതാക്കള് ടൈറ്റില് ലുക്ക് പോസ്റ്റര് പുറത്തിറക്കിയിരുന്നു, അതില് അസ്ഥികൂടങ്ങള്ക്ക് മുകളില് ഒരു വെടിയുണ്ടയുമായി നില്ക്കുന്ന ഒരാളുടെ രേഖാചിത്രം ഉണ്ടായിരുന്നു. വിശാലും ആര്യയും അഭിനയിച്ച 'എനിമി' നിര്മ്മിച്ച എസ് വിനോദ് കുമാറിന്റെ മിനി സ്റ്റുഡിയോയാണ് മാര്ക്ക് ആന്റണി നിര്മ്മിക്കുന്നത്.
അതേസമയം, ലാത്തി എന്ന ചിത്രത്തിന്റെ ഷൂട്ടിനിടെ, വില്ലന് കഥാപാത്രമായി അഭിനയിക്കുന്ന മലയാളി താരം ബാബുരാജ് വിശാലിനെ എടുത്ത് എറിയുന്ന സീന് ചിത്രീകരിക്കുന്നതിനിടെയാണ് പരിക്കേറ്റത്. റോപ്പില് കെട്ടി ഉയര്ന്ന വിശാലിന്റെ തോള് ഭിത്തിയോട് ചേര്ന്ന് ഇടിക്കുകയായിരുന്നു. ഷൂട്ടിംഗ് സെറ്റില് വൈദ്യ സഹായം നല്കാന് ഫിസിയോ തെറാപ്പിസ്റ്റ് ഉള്ളതിനാല് ഉടന് തന്നെ വൈദ്യ സഹായം നേടിയിരുന്നു.
സ്റ്റണ്ട് രംഗങ്ങള് ചിത്രീകരിക്കുമ്പോള് വലയ സാഹസങ്ങള് കാണിക്കുന്ന താരങ്ങളില് ഒരാളാണ് വിശാല്. ഇത്തരം സന്ദര്ഭങ്ങളില് അദ്ദേഹം ഡ്യൂപ്പുകളെ ഉപയോഗിക്കാറില്ല. ഇത് സിനിമയോടുള്ള അദ്ദേഹത്തിന്റെ അഭിനിവേശം കാരണമാണ്. എന്നാല് അദ്ദേത്തിന് പരിക്കേല്ക്കുന്നത് ഇപ്പോള് സ്ഥിരമായി കേള്ക്കുന്ന വാര്ത്തയായിരിക്കുകയാണ്. അന്ന് പരിക്കേല്ക്കുന്ന ഒരു വീഡിയോ സോഷ്യല് മീഡിയയില് വ്യാപകമായി പ്രചരിച്ചിരുന്നു.
-
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
'സ്വർണം വാങ്ങാനിരിക്കുന്നവർക്ക് സന്തോഷം തന്നെ';പക്ഷെ നട്ടം തിരിഞ്ഞ് ജ്വല്ലറിക്കാർ..ഇനിയെന്ത്? -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
'പലതവണ ശരീരത്തിൽ കയറിപ്പിടിച്ചു, വീട്ടുകാരോട് പറഞ്ഞിട്ട് സഹായിച്ചില്ല', സംവിധായകൻ സനോജ് മിശ്രക്കെതിരെ മോണാലിസ -
സ്വര്ണവില കുത്തനെ കുറഞ്ഞു; ചാഞ്ചാട്ടത്തിനിടെ ഇടിവ്, രൂപ കയറി, ഇന്നത്തെ പവന് വില അറിയാം -
സ്വര്ണവില കേട്ടതുപോലെ അല്ല; വാങ്ങാന് ചെന്നപ്പോള് മറ്റൊന്ന്, ഇതെന്ത് മറിമായം, 4 തവണ മാറി -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
സ്വർണം പിന്നെയും പറ്റിച്ചു! രാവിലെ കുറഞ്ഞ സ്വർണവില പിന്നെയും കൂടി, ഇനിയങ്ങോട്ട് മുകളിലേക്ക് തന്നെ? -
'ഭാര്യയുടെ നാഭിക്ക് ചവിട്ടിയവന് കൊടുത്ത സ്ഥാനം എന്നെക്കൊണ്ട് പറയിക്കണ്ട', പിണറായിക്ക് മറുപടിയുമായി രാഹുൽ
Click it and Unblock the Notifications
Sign in with Google