52 കൊല്ലമായി ത്രിവര്ണ പതാക ഉയര്ത്താത്തവരാണ്... ഹര് ഗര് തിരംഗ ക്യാമ്പയിനെതിരെ രാഹുല്
ദില്ലി: ബിജെപിയുടെ ഹര് ഘര് തിരംഗ ക്യാമ്പയിനെതിരെ പരിഹസിച്ച് കോണ്ഗ്രസ് നേതാവ് രാഹുല് ഗാന്ധി. 52 വര്ഷമായി ഇന്ത്യന് പതാക ഉയര്ത്താത്തവരാണ് ഇപ്പോള് അത്തരമൊരു ക്യാമ്പയിന് നടത്തുന്നതെന്ന് രാഹുല് പറഞ്ഞു. ആര്എസ്എസിനെ പരാമര്ശിച്ചായിരുന്നു രാഹുലിന്റെ പരാമര്ശം.
ചരിത്രം സാക്ഷിയാണ്, ഈ ക്യാമ്പയിന് നടത്തുന്നവര് വരുന്നത് ഒരു സംഘടനയില് നിന്നാണ്, അവര് 52 കൊല്ലത്തോളമായി ത്രിവര്ണ പതാക ഉയര്ത്താത്തവരാണെന്നും രാഹുല് തുറന്നടിച്ചു. കര്ണാടകയിലെ ഹുബ്ബലിയില് വെച്ച് നടന്ന പരിപാടിയിലായിരുന്നു രാഹുല് ക്യാമ്പയിനെതിരെ തുറന്നടിച്ചത്.
കര്ണാടകത്തിലെ ഖാദി ഗ്രാമ ഇന്ഡസ്ട്രീസ് സന്ദര്ശിച്ചതിന്റെ ചിത്രവും രാഹുല് ട്വിറ്ററില് പങ്കുവെച്ചിട്ടുണ്ട്. ദേശീയ പതാകയുമായി പോസ് ചെയ്യുന്നതും, ഒരു പതാക ഇസ്തിരിയിടുന്നതുമായ ചിത്രങ്ങളും പങ്കുവെച്ചവയിലുണ്ട്. ഹുബലിയിലെ ഖാദി ഗ്രാമത്തിലെ ജീവനക്കാരെ കാണാന് സാധിച്ചതില് അതിയായ സന്തോഷമുണ്ടാക്കുന്ന കാര്യമാണ്.
ദേശീയ പതാകയെ എന്നും ഉയര്ത്തി പിടിക്കാന് ഒരുപാട് ദേശസ്നേഹികള് ജീവത്യാഗം ചെയ്തിട്ടുണ്ട്. എന്നാല് ഒരു സംഘടന ഒരിക്കലും നമ്മുടെ പതാകയെ അംഗീകരിച്ചിട്ടില്ല. ആ സംഘടനയുടെ ആസ്ഥാനമായ നാഗ്പൂരില് 52 വര്ഷത്തോളമായി ത്രിവര്ണ പതാക ഉയര്ത്താന് പോലും ശ്രമിച്ചിട്ടില്ല. തുടര്ച്ചയായി ദേശീയ പതാകയെ അവര് അപമാനിക്കുകയാണെന്നും രാഹുല് പറഞ്ഞു.
ഇന്ന് അതേ സംഘടനയില് നിന്ന് വരുന്നവര്, നമ്മളെ ത്രിവര്ണ പതാകയുടെ ചരിത്രം പഠിപ്പിക്കുകയാണ്. അവര് ഹര് ഘര് പതാക ക്യാമ്പയിന് നടത്തുകയാണ്. എന്തുകൊണ്ടാണ് 52 വര്ഷത്തോളം ആര്എസ്എസ് ദേശീയ പതാക അവരുടെ ആസ്ഥാനത്ത് ഉയര്ത്താതിരുന്നത്. എന്തുകൊണ്ടാണ് ദേശീയ പതാക നിര്മിക്കുന്നതിലൂടെ ജീവനോപാധി കണ്ടെത്തിയിരുന്നവരുടെ ജീവിതം നിങ്ങള് തകര്ത്തത്. എന്തുകൊണ്ടാണ് ഇറക്കുമതി ചെയ്ത് മെഷീന് നിര്മിത പതാക ഉപയോഗിക്കുന്നത്. അതും ചൈനയില് നിന്നുള്ള പോളിസ്റ്റര് പതാകകള് നിങ്ങള് അനുവദിക്കുന്നുവെന്നും രാഹുല് ചോദിച്ചു.
സ്വാതന്ത്ര്യ സമരത്തിന്റെ കാലത്ത് അവര്ക്ക് കോണ്ഗ്രസിനെ തടയാനായിട്ടില്ല. ഇപ്പോഴും അതിന് സാധിക്കുമെന്ന് കരുതേണ്ടെന്നും രാഹുല് പറഞ്ഞു. പാര്ട്ടി ആസ്ഥാനം വളയുകയും, നാഷണല് ഹെറാള്ഡിന്റെ ഓഫീസ് സീല് ചെയ്യുകയും ചെയ്ത സംഭവത്തിലായിരുന്നു രാഹുലിന്റെ മറുപടി.
നേരത്തെ ട്വിറ്ററിലെ പ്രൊഫൈല് ചിത്രം ജവഹര്ലാല് നെഹ്റു ദേശീയ പതാക പിടിച്ച് നില്ക്കുന്നതായി രാഹുല്മാറ്റിയിരുന്നു. രാജ്യത്തിന്റെ അഭിമാനമാണ് ദേശീയ പതാക. നമ്മുടെ ത്രിവര്ണ പതാക ഓരോ ഇന്ത്യക്കാരുടെയും മനസ്സിലുണ്ടെന്നും അദ്ദേഹം ട്വീറ്റ് ചെയ്തു. പ്രധാനമന്ത്രി നരേന്ദ്ര മോദി നേരത്തെ എല്ലാവരും സോഷ്യല് മീഡിയ ചിത്രം ത്രിവര്ണ പതാകയുടേതാക്കണമെന്ന് അഭ്യര്ത്ഥിച്ചിരുന്നു.
-
രാജീവ് ഗാന്ധിയുടെ സോറി- ‘ഡീൽ’ ആരോപണം ചൂടുപിടിക്കുമ്പോൾ മൂന്നര പതിറ്റാണ്ടിനിപ്പുറവും ലൈവായി ‘കോലീബി സഖ്യം’ -
'പാലക്കാട് നേമം ആവർത്തിക്കാനുളള പുറപ്പാട്, ബിജെപിയെ നേരിടേണ്ടത് കോമഡി കൊണ്ടല്ല', രമേഷിനെതിരെ ഐസക് -
പ്രചാരണത്തിന് ‘ഇന്ദിര ഗ്യാരന്റി’ വരുന്നു, വാഗ്ദാനങ്ങളുമായി കേരളം ചുറ്റും -
യുവ മനസ്സുകളിലെന്താണ്? 2021ലെ വോട്ട് വിഹിതം വർധിപ്പിക്കാൻ ‘ജെൻ സി’യെ കയ്യിലെടുക്കാൻ മുന്നണികൾ -
ആത്മവിശ്വാസവും പ്രതീക്ഷയും സ്വപ്നവും ഒഴുകി നടക്കുന്ന എറണാകുളം -
സൗദി അറേബ്യയും ഖത്തറും വീണു; ലാഭം കൊയ്യാന് മറ്റൊരു രാജ്യം, ബ്രിട്ടനില് സുപ്രധാന ചര്ച്ച -
സ്വർണ വില പ്രവചനം തിരുത്തി വിദഗ്ജർ; പക്ഷെ പവന് 2.2 ലക്ഷം രൂപയാകും, ഗ്രാം വില 29000 -
സ്വര്ണം ഗിയര് മാറ്റി; ഇന്ന് വന് കുതിപ്പ്, ആഭരണം പൊള്ളും, ട്രംപിന്റെ വാക്കുകള് ഏറ്റു, ഇന്നത്തെ പവന് വില -
സ്വർണം വാങ്ങുന്നത് സേഫ് അല്ല, വിൽക്കാൻ നിൽക്കുന്നവരും പെട്ട് പോകും';സാമ്പത്തിക വിദഗ്ധ മേരി ജോർജ് -
ബിസിനസ്സിൽ സാമ്പത്തികനേട്ടം ഉണ്ടാകും, മത്സരപരീക്ഷകളില് വിജയ സാധ്യത, വിദേശത്ത് നിന്നും ധനലാഭം, നാൾഫലം -
മമ്മൂട്ടി ആ സിനിമയില് അനുകരിച്ചത് ഇദ്ദേഹത്തിന്റെ ഹെയര് സ്റ്റൈല്; തിയേറ്ററുകള് കിടുങ്ങിയ സീനുകള് -
ലുലു ഗ്രൂപ്പിൽ ജോലി ഒഴിവ്; നിയമനം കോഴിക്കോടും മലപ്പുറത്തും..അഭിമുഖം 28 ന്
Click it and Unblock the Notifications
Sign in with Google