ഇടക്കാല ബജറ്റ് പ്രവർത്തിക്കുന്നത് എങ്ങനെ..? സാമ്പത്തിക സർവേയും അതിന്റെ പ്രത്യേകതകളും അറിയാം
ന്യൂഡൽഹി: രാജ്യം കാത്തിരിക്കുന്ന ബജറ്റ് അവതരണത്തിന് ഇനി കേവലം ദിവസങ്ങൾ മാത്രമാണ് ശേഷിക്കുന്നത്. ലോക്സഭാ തിരഞ്ഞെടുപ്പ് അടുത്തിരിക്കെ നടത്തുന്ന ബജറ്റ് ആകയാൽ നിരവധി പ്രത്യേകതകളാണ് ഇതിനുള്ളത്. പ്രധാനമായും ഇതൊരു ഇടക്കാല ബജറ്റാണെന്ന കാര്യത്തിൽ എല്ലാവർക്കും അറിവുണ്ടാകുമല്ലോ. ഇതിന്റെ പ്രത്യേകതകൾ നാം അറിഞ്ഞിരിക്കേണ്ടതുണ്ട്.
എന്താണ് ഇടക്കാല ബജറ്റ്..?
ഇടക്കാല ബജറ്റ്, വോട്ട് ഓൺ അക്കൗണ്ട് എന്നും അറിയപ്പെടുന്നു. തിരഞ്ഞെടുപ്പിന് ശേഷം രൂപീകരിക്കുന്ന പുതിയ സർക്കാർ ഒരു സമ്പൂർണ ബജറ്റ് അവതരിപ്പിക്കുന്നത് വരെ അവശ്യ സേവനങ്ങൾ പ്രവർത്തിപ്പിക്കാനുള്ള സർക്കാരിനുള്ള ഒരു താൽക്കാലിക സാമ്പത്തിക പദ്ധതിയാണ് ഇടക്കാല ബജറ്റ്. സാധാരണയായി സാമ്പത്തിക വർഷത്തിലെ ആദ്യ കുറച്ച് മാസങ്ങളിലെ ചെലവുകൾ മാത്രം ഉൾക്കൊള്ളുന്നതായിരിക്കും ഈ സാമ്പത്തിക നയരേഖ.
ഇടക്കാല ബജറ്റ് അവതരിപ്പിക്കുന്ന തീയതിയും സമയവും
ഏറ്റവും പുതിയ ഔദ്യോഗിക പ്രഖ്യാപനം അനുസരിച്ച്, 2024-2025 സാമ്പത്തിക വർഷത്തേക്കുള്ള ഇടക്കാല ബജറ്റ് അവതരണം 2024 ഫെബ്രുവരി 1ന് രാവിലെ 11 മണിക്ക് നടക്കും. ഈ ബജറ്റ് ഇന്ത്യയുടെ സാമ്പത്തിക വർഷത്തിലെ ഒരു സുപ്രധാന സംഭവമാണ്, കാരണം ഇത് വരാനിരിക്കുന്ന സാമ്പത്തിക വർഷത്തേക്കുള്ള സർക്കാരിന്റെ വരവുചെലവ് പദ്ധതികൾ വിശദീകരിക്കുന്നു.
പാർലമെന്റ് ബജറ്റ് സമ്മേളനം ജനുവരി അവസാനവാരം ആരംഭിച്ച് ഏപ്രിലിൽ സമാപിക്കുമെന്ന് പ്രതീക്ഷിക്കുന്നു. ഈ സമയത്ത്, മുൻവർഷത്തെ രാജ്യത്തിന്റെ സാമ്പത്തിക പ്രകടനം വിശകലനം ചെയ്യുന്ന സാമ്പത്തിക സർവേയും കൂടെ അവതരിപ്പും.
എന്താണ് സാമ്പത്തിക സർവേ..?
എല്ലാ വർഷവും കേന്ദ്ര ബജറ്റിന് മുന്നോടിയായി പാർലമെന്റിന് മുന്നിൽ അവതരിപ്പിക്കപ്പെടുന്ന ഒരു പ്രധാന രേഖയാണ് സാമ്പത്തിക സർവേ. ഈ രേഖ മുൻ സാമ്പത്തിക വർഷത്തിലെ രാജ്യത്തിന്റെ സമ്പദ്വ്യവസ്ഥയുടെ വികസനം അവലോകനം ചെയ്യുന്നു. ഗവൺമെന്റിന്റെ പ്രധാന വികസന പരിപാടികളുടെ പ്രകടനം ഇതിൽ വിലയിരുത്തുന്നു, ഒപ്പം നയ സംരംഭങ്ങൾ ഉയർത്തിക്കാട്ടുകയും ചെയ്യും. കൂടാതെ ഹ്രസ്വവും ഇടത്തരവുമായ ഇന്ത്യൻ സമ്പദ്വ്യവസ്ഥയുടെ സാധ്യതകളുടെ ഒരു വീക്ഷണവും സാമ്പത്തിക സർവേ നമുക്ക് മുൻപിൽ അവതരിപ്പിക്കും.
എന്താണ് ഇതിന്റെ പ്രാധാന്യം..?
കൃഷി, സേവനങ്ങൾ, വ്യവസായങ്ങൾ, പൊതു ധനകാര്യം, അടിസ്ഥാന സൗകര്യങ്ങൾ തുടങ്ങി വിവിധ മേഖലകളുടെ പ്രകടനം വിശകലനം ചെയ്യാൻ സർക്കാരിനെ സഹായിക്കുന്നതിനാൽ ഇന്ത്യയുടെ സാമ്പത്തിക സർവേയ്ക്ക് വലിയ പ്രാധാന്യമുണ്ട്. വരും വർഷത്തേക്കുള്ള സാമ്പത്തിക തന്ത്രങ്ങൾ രൂപപ്പെടുത്തുന്നതിന് ഇത് ഉപയോഗപ്രദമാണ്. സാമ്പത്തിക വളർച്ചയ്ക്കുള്ള പ്രധാന തടസ്സങ്ങൾ തിരിച്ചറിയാൻ സാമ്പത്തിക സർവേ നയരൂപീകരണക്കാരെ സഹായിക്കുന്നു.
Click it and Unblock the Notifications
Sign in with Google