കോവാക്സിന്റെ ആദ്യ ബാച്ച് പുറത്തിറക്കി ആരോഗ്യമന്ത്രി : ലക്ഷ്യം മാസത്തിൽ ഒരു കോടി വാക്സിൻ
ദില്ലി: രാജ്യത്ത് കൊവിഡ് വാക്സിനേഷനുമായി മുന്നോട്ട് പോകുന്നതിനിടെ പുതിയ നേട്ടവുമായി ഇന്ത്യ. ഭാരത് ബയോടെക്കിന്റെ പുതിയ പ്ലാന്റിൽ നിന്ന് ഉൽപ്പാദിപ്പിച്ച കോവാക്സിൻറെ ആദ്യ വാണിജ്യ ബാച്ചിന്റെ ഉദ്ഘാടനം കേന്ദ്ര ആരോഗ്യ മന്ത്രി മൻസുഖ് മാണ്ഡവ്യ നിർവ്വഹിച്ചു. ഗുജറാത്തിലെ അങ്കലേശ്വറിലാണ് പുതിയ പ്ലാന്റ് സ്ഥാപിച്ചിട്ടുള്ളത്. പ്ലാന്റിൽ കോവാക്സിൻ ഉത്പാദനം ആരംഭിച്ചതായും പ്രതിമാസം ഒരു കോടി വാക്സിനുകൾ ഭാരത് ബയോടെക്കിന്റെ പുതിയ പ്ലാന്റിൽ നിന്ന് ലഭിക്കുമെന്നും ഉദ്ഘാടന വേളയിൽ മൻസുഖ് മാണ്ഡവ്യ പറഞ്ഞു.
മെയ് മാസത്തിൽ, ഭാരത് ബയോടെക്, പ്രതിവർഷം 1 ബില്ല്യൺ ഡോസിലേക്ക് വാക്സിൻ ഉത്പാദനം വർദ്ധിപ്പിക്കാനുള്ള പദ്ധതിയുണ്ടെന്ന് നേരത്തെ തന്നെ കമ്പനി വ്യക്തമാക്കിയിരുന്നു. ഇതോടെ "രാജ്യത്തിനകത്തും ലോകമെമ്പാടുമുള്ള വ്യക്തികൾക്ക് വാക്സിൻ ലഭ്യമാകുന്നതിനും അവരുടെ ആരോഗ്യം ഉറപ്പുവരുത്തുന്നതിനും കോവാക്സിൻ ആവശ്യകത ഭാരത് ബയോടെക്കിന് കൃത്യമായി നിറവേറ്റാനാകുമെന്ന് ഉറപ്പാക്കാൻ ഞങ്ങൾ ആഗ്രഹിക്കുന്നതായി ഭാരത് ബയോടെക്കിന്റെ ചെയർമാനും മാനേജിംഗ് ഡയറക്ടറുമായ ഡോ. കൃഷ്ണ എല്ല പറഞ്ഞു. "ആഗോള സുരക്ഷയും നിലവാരവും ഫലപ്രാപ്തിയും ഉറപ്പുനൽകുന്ന ഒരു വാക്സിൻ വികസിപ്പിക്കാനുള്ള ഞങ്ങളുടെ ലക്ഷ്യം ഇപ്പോൾ കൈവരിക്കപ്പെട്ടിരിക്കുന്നു, ഞങ്ങൾ ഇപ്പോൾ 1.0 ബില്യൺ ഡോളർ വാർഷിക ശേഷി എന്ന ലക്ഷ്യത്തിലേക്ക് നീങ്ങുകയാണെന്നും അദ്ദേഹം കൂട്ടിച്ചേർത്തു.
പുത്തന് മേക്കോവറില് സംയുക്ത മേനോന്; വൈറലായി പുതിയ ഫോട്ടോഷൂട്ട്
അങ്കലേശ്വറിൽ നിർമ്മിക്കുന്ന വാക്സിൻ 2021 സെപ്റ്റംബർ മുതൽ വിതരണത്തിന് ലഭ്യമാകുമെന്നും മന്ത്രി വ്യക്തമാക്കി.
"കഴിഞ്ഞ ഒരു വർഷത്തെ ഞങ്ങളുടെ പരിശ്രമങ്ങൾ ഫലവത്തായതിൽ ഞാൻ സന്തുഷ്ടനാണ്, കൂടാതെ രാജ്യത്തിന്റെ ഭാഗങ്ങളിലേക്കും കോവാക്സിൻ ലഭ്യമാക്കുക എന്ന ലക്ഷ്യം കൈവരിക്കുന്നതിനുള്ള നടപടികൾ അടുത്തുവരികയാണെന്ന്
ഭാരത് ബയോടെക് ജോയിന്റ് മാനേജിംഗ് ഡയറക്ടർ സുചിത്ര എല്ല കൂട്ടിച്ചേർത്തു. കൊവിഡ് ലോകമെമ്പാടുമുള്ള ആളുകളെ ബാധിച്ചു, സഹകരണ ശ്രമങ്ങളിലൂടെ മാത്രമേ അതിന്റെ വ്യാപനവും ആഘാതവും ലഘൂകരിക്കുമെന്ന് നമുക്ക് പ്രതീക്ഷിക്കാൻ കഴിയൂ. "
Recommended Video
കോവിഡ് -19 പാൻഡെമിക്കിനെതിരെ പോരാടാനുള്ള ഇന്ത്യയുടെ സന്നദ്ധതയെക്കുറിച്ച് സംസാരിച്ച മൻസുഖ് മാണ്ഡവ്യ പറഞ്ഞു, "ബ്ലോക്ക് ലെവൽ ആംബുലൻസുകൾ ഇതിനകം വാടകയ്ക്ക് എടുക്കും, ജില്ലാതലത്തിൽ 1 കോടി മരുന്നുകൾ വാങ്ങണം", "ആശുപത്രികളിലെ കിടക്കകൾക്കും പണവും നൽകിയതായും മന്ത്രി വ്യക്തമാക്കി. കൊവിഡിനെതിരെ പോരാടുന്നതിന് രാജ്യത്തെ സഹായിക്കുന്നതിന് 10,000 കിലോഗ്രാം ഓക്സിജൻ ശേഖരിക്കാനും ടാങ്കുകൾ സംഭരിക്കാനും കഴിയുമെന്ന് ആരോഗ്യമന്ത്രി പറഞ്ഞു.
Click it and Unblock the Notifications
Sign in with Google