മിണ്ടാതിരിക്കുന്നതാണ് നിങ്ങള്ക്ക് നല്ലത്; ഇന്ധനവിലയില് ചോദ്യം ചോദിച്ച മാധ്യമപ്രവര്ത്തകനോട് ബാബ രാംദേവ്
ദില്ലി: യോഗാ ഗുരു രാംദേവ് പെട്രോള് വില കുറയ്ക്കുന്നതുമായി ബന്ധപ്പെട്ട് മുമ്പ് നടത്തിയ അഭിപ്രായങ്ങളെക്കുറിച്ച് ചോദിച്ച ഒരു മാധ്യമപ്രവര്ത്തകനെ ഭീഷണിപ്പെടുത്തുന്നത് സോഷ്യല് മീഡിയയില് വൈറലാകുന്നു. ഹരിയാനയിലെ കര്ണാലില് നടന്ന ഒരു പരിപാടിക്കിടെയാണ് മാധ്യമപ്രവര്ത്തകന് ഇന്ധനവിലയുമായി ബന്ധപ്പെട്ട അഭിപ്രായത്തെ കുറിച്ച് ചോദിച്ചത്. ലിറ്ററിന് 40 രൂപയ്ക്ക് പെട്രോളും സിലിണ്ടറിന് 300 രൂപയ്ക്ക് പാചക വാതകവും ഉറപ്പാക്കുന്ന ഒരു സര്ക്കാരിനെ ജനങ്ങള് പരിഗണിക്കണമെന്ന അഭിപ്രായത്തെ കുറിച്ചായിരുന്നു ചോദ്യം.
ഇതിന് രാംദേവ് മറുപടി പറഞ്ഞത് ഇങ്ങനെയായിരുന്നു, 'അതെ, ഞാന് പറഞ്ഞു, നിങ്ങള്ക്ക് എന്ത് ചെയ്യാന് കഴിയും? ഇത്തരം ചോദ്യങ്ങള് തുടരരുത്. നിങ്ങളുടെ ചോദ്യങ്ങള്ക്ക് ഉത്തരം നല്കാന് ഞാന് നിങ്ങളുടെ കോണ്ട്രാക്ടര് ആണോ?' മാധ്യമപ്രവര്ത്തകന് വീണ്ടും ചോദ്യം ചോദിച്ചപ്പോള്, അസ്വസ്ഥനായ രാംദേവ്, മാധ്യമപ്രവര്ത്തകനെ ഭീഷണിപ്പെടുത്തുകയായിരുന്നു. 'ഞാന് അങ്ങനെ ഒരു അഭിപ്രായം പറഞ്ഞു. അബ് ക്യാ കര് ലേഗാ (നിങ്ങള് എന്ത് ചെയ്യും)? മിണ്ടാതിരിക്കുക, നിങ്ങള് വീണ്ടും ചോദിച്ചാല്, നന്നായിരിക്കില്ല, ഇങ്ങനെ സംസാരിക്കരുത്, നിങ്ങള് മാന്യരായ മാതാപിതാക്കളുടെ മകനാണെന്നാണ് കരുതുന്നത് - ബാബ രാംദേവ് പറഞ്ഞു.
Recommended Video
അതേസമയം, പ്രയാസകരമായ സമയങ്ങളില് കൂടുതല് കഠിനാധ്വാനം ചെയ്യാന് രാംദേവ് ജനങ്ങളോട് അഭ്യര്ത്ഥിച്ചു. സര്ക്കാര് പറയുന്നു, ഇന്ധനവില കുറഞ്ഞാല് നികുതി ലഭിക്കില്ല, പിന്നെ എങ്ങനെ രാജ്യം ഭരിക്കും, ശമ്പളം കൊടുക്കും, റോഡ് പണിയും? അതെ, പണപ്പെരുപ്പം കുറയണം, ഞാന് സമ്മതിക്കുന്നു... എന്നാല് ആളുകള് കഠിനാധ്വാനം ചെയ്യണം. ഞാന് പോലും പുലര്ച്ചെ 4 മണിക്ക് ഉണര്ന്ന് രാത്രി 10 മണി വരെ ജോലി ചെയ്യുന്നു- ബാബ രാംദേവ് പറഞ്ഞു.
അതേസമയം, പെട്രോള്, ഡീസല് വില ബുധനാഴ്ച ലിറ്ററിന് 80 പൈസ വീതം വര്ധിച്ചിരുന്നു. ഡല്ഹിയില് പെട്രോള് വില ലീറ്ററിന് 100.21 രൂപയില് നിന്ന് 101.01 രൂപയാണ്, അതേസമയം ഡീസല് നിരക്ക് ലിറ്ററിന് 91.47 രൂപയില് നിന്ന് 92.27 രൂപയായി ഉയര്ന്നു. ഇന്ധനവില വര്ധനവില് പ്രതിപക്ഷത്തിന്റെ രൂക്ഷമായ വിമര്ശനമാണ് കേന്ദ്രസര്ക്കാരിന് നേരിടേണ്ടി വന്നത്. അന്താരാഷ്ട്ര വിപണിയില് ക്രൂഡ് ഓയില് വില ഉയര്ന്നിട്ടും ഇന്ധനവില നിയന്ത്രണത്തിലാക്കാന് മുന് യു പി എ സര്ക്കാരിന് കഴിഞ്ഞതായി കോണ്ഗ്രസ് ആരോപിച്ചു.
-
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ദുബായ് വഴി; നടി രണ്യ ബെംഗളൂരുവില് കൊണ്ടുവന്നത് 127 കിലോ, ആഫ്രിക്കന് ഖനികളും തേടി -
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സ്വര്ണം ഏതെങ്കിലും പോയി വാങ്ങല്ലേ; ഉഗ്രന് പണി കിട്ടും, കുറഞ്ഞ നിരക്കിലുള്ള സ്വര്ണം അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല്
Click it and Unblock the Notifications
Sign in with Google