രണ്ടാം ഇന്നിംഗ്സിന് യുവരാജ് സിംഗ്, ബിജെപിയില് ചേര്ന്നേക്കും? ഗുര്ദാസ്പരില് മത്സരിക്കും
ന്യൂഡല്ഹി: ഇന്ത്യയുടെ ലോകകപ്പ് ഹീറോ യുവരാജ് സിംഗ് ബിജെപിയില് ചേര്ന്നേക്കും. ഇത് സംബന്ധിച്ച അഭ്യൂഹങ്ങള് ശക്തമായിരിക്കുകയാണ്. ബിജെപിയോ യുവരാജിന്റെ കുടുംബമോ ഇക്കാര്യം തള്ളിക്കളയാന് തയ്യാറായിട്ടില്ല. രണ്ട് ബിജെപി നേതാക്കളാണ് യുവരാജിനെ പാര്ട്ടിയിലെത്തിക്കാന് വേണ്ട ചരടുവലികള് നടത്തുന്നത്.
ബിജെപി പഞ്ചാബ് അധ്യക്ഷന് സുനില് ജക്കറും, മോദി സര്ക്കാരിലെ ഒരു യുവ മന്ത്രിയുമാണ് ഇതിന് പിന്നില് ഉള്ളത്. യുവരാജ് സിംഗിന്റെ ഇന്നിംഗ്സിലെ രണ്ടാം ഇന്നിംഗ്സ് കൂടിയായിരിക്കും രാഷ്ട്രീയപ്രവേശനം. ഇതിന് മുമ്പ് രാഷ്ട്രീയത്തില് ഇറങ്ങുന്നതിനെ കുറിച്ച് യുവരാജ് മനസ്സുതുറന്നിട്ടില്ല.
അതേസമയം പാര്ട്ടിയില് ചേരാന് യുവരാജ് തയ്യാറായാല് പഞ്ചാബിലെ ഗുര്ദാസ്പൂരില് നിന്ന് അദ്ദേഹത്തെ മത്സരിപ്പിക്കും. വീണ്ടുമൊരിക്കല് കൂടി ഗുര്ദാസ്പൂരില് മത്സരിക്കാന് താല്പര്യമില്ലെന്ന് സണ്ണി ഡിയോള് നേതൃത്വത്തെ അറിയിച്ചിട്ടുണ്ട്. ബിജെപിക്കും സണ്ണിയെ വീണ്ടും മത്സരിപ്പിക്കുന്നതിനോട് താല്പര്യമില്ല. സണ്ണിയുടെ പ്രവര്ത്തനം മണ്ഡലത്തില് മികച്ചതായിരുന്നില്ലെന്നാണ് വിലയിരുത്തല്.
ഈ സാഹചര്യത്തില് അദ്ദേഹത്തെ വീണ്ടും മത്സരിപ്പിച്ചാല് തോല്വി ഉറപ്പാണ്. സണ്ണി മണ്ഡലം പോലും സന്ദര്ശിക്കാറില്ലായിരുന്നുവെന്നാണ് പ്രവര്ത്തകര് ആരോപിക്കുന്നത്. മണ്ഡലത്തിലെ ജനവിരുദ്ധ വികാരത്തെ മറികടക്കാന് യുവരാജ് സിംഗിനെ സ്ഥാനാര്ത്ഥിയാക്കിയാല് സാധിക്കുമെന്ന് ബിജെപിക്ക് അറിയാം.
2009 മുതല് ഗുര്ദാസ്പൂരില് കോണ്ഗ്രസും ബിജെപിയും അഞ്ച് വര്ഷം കൂടുമ്പോള് വിജയിച്ച് വരുന്നതാണ് പതിവ്. സണ്ണി ഡിയോളിനെതിരെ പ്രത്യക്ഷമായി മണ്ഡലത്തില് കടുത്ത ജനവികാരമുണ്ട്. 2019ല് വിജയിച്ച ശേഷം മണ്ഡലത്തെ പൂര്ണമായും അദ്ദേഹം ഉപേക്ഷിച്ചുവെന്നാണ് വിമര്ശനം. പഞ്ചാബില് നിന്നുള്ള ഒരു യുവ സ്ഥാനാര്ത്ഥിയെ കൊണ്ട് മാത്രമേ ഭരണവിരുദ്ധ വികാരം മറികടക്കാന് സാധിക്കൂ എന്നാണ് ബിജെപി കരുതുന്നത്.
സണ്ണി ഡിയോള് പഞ്ചാബില് നിന്ന് ദൂരെയാണ് താമസിക്കുന്നതാണ്. ഇതാണ് താരത്തിന് വലിയ തിരിച്ചടിയായിരിക്കുന്നത്. ചണ്ഡീഗഡില് താമസിക്കുന്ന സണ്ണി പലപ്പോഴും മണ്ഡലത്തിലെത്താറില്ല. അടുത്തിടെയാണ് യുവരാജും അമ്മ ശബ്നം സിംഗും കേന്ദ്ര മന്ത്രി നിതിന് ഗഡ്കരിയെ കണ്ടത്. ഗഡ്കരി യുവരാജിന് ഒരു പുസ്തകവും സമ്മാനിച്ചിരുന്നു. പഞ്ചാബില് ബിജെപിയുടെ ജനപ്രീതി ഏറ്റവും കുറഞ്ഞ അവസ്ഥയിലാണ്.
കര്ഷക സമരം കാരണം പഞ്ചാബി ജനതയ്ക്ക് ബിജെപിയിലും പ്രധാനമന്ത്രി നരേന്ദ്ര മോദിയിലുമുള്ള താല്പര്യം കുറഞ്ഞിരിക്കുകയാണ്. ഇങ്ങനെയുള്ള സാഹചര്യത്തില് പഞ്ചാബിയും, അതിലുപരി രാജ്യത്തിന് വേണ്ടി ഒരുപാട് തിളങ്ങിയ ക്രിക്കറ്ററുമായ യുവരാജ് ബിജെപിയിലെത്തുന്നത് നേട്ടമായി മാറിയേക്കും. യുവരാജ് ബിജെപിയില് ചേര്ന്നാല് അത് ഹരിയാനയിലും ഗുണകരമാകുമെന്നാണ് പാര്ട്ടിയുടെ വിലയിരുത്തല്.
-
സ്വര്ണവില കുത്തനെ ഇടിഞ്ഞു.. എന്നിട്ടും ദുബായില് ആരും സ്വര്ണം വാങ്ങുന്നില്ല..! കാരണമിത് -
സ്വര്ണം മൂക്കു കുത്തി വീണു; വിപണി ഇടിയുന്നു, സ്വര്ണവില ഇനിയും കുറഞ്ഞേക്കും, ഇന്നത്തെ പവന് വില -
ആര്യ ബഡായിയുടെ മുൻ കാമുകൻ, രണ്ട് തവണ വിവാഹമോചനം നടന്നയാൾ,കൊടും ചതിയൻ';ആലപ്പി അഷ്റഫ് -
മമ്മൂട്ടിയോട് അറിയുമോയെന്ന് ചോദിച്ചു, ആ എന്ന് പറഞ്ഞ് മൈൻ്റാക്കാതെ പോയി';അപമാനം നേരിട്ടെന്ന് സംവിധായകൻ -
സ്വർണ വില കണ്ണ് തള്ളിക്കും വിധം കുതിക്കും; ചൈന തരുന്നത് എട്ടിൻ്റെ പണി..സ്വർണം വാങ്ങിക്കൂട്ടുന്നു -
എല്പിജി സിലിണ്ടര് വിതരണം നിലച്ചു; ബെംഗളൂരുവില് നാളെ ഹോട്ടലുകള് അടച്ചിടും -
കൊച്ചിയിൽ നാളേയും മറ്റന്നാളും ഗതാഗത നിയന്ത്രണം; ഈ റോഡുകളിൽ പ്രവേശനം ഇല്ല..വിശദമായി അറിയാം -
ഗോപി സുന്ദറുമായുള്ള പ്രണയത്തിൽ സംഭവിച്ചത്; ഒരുപാട് ആഗ്രഹിച്ചു പക്ഷെ..അമൃത സുരേഷ് പറയുന്നു -
മംഗളൂരു-തിരുനല്വേലി ട്രെയിന് കേരളത്തിലൂടെ; 20 സ്റ്റോപ്പുകള്, മാര്ച്ച് 11ന് സര്വീസ് തുടങ്ങും -
ബെംഗളൂരുവിലെ റെയിൽ യാത്രക്കാർക്ക് ആശ്വാസം; ബൈയപ്പനഹള്ളി-ഹൊസൂർ പാത ഇരട്ടിപ്പിക്കൽ വൈകില്ല! -
'ദിലീപിനേയും മഞ്ജുവിനേയും വിളിച്ചുവരുത്തി, കാരണം ആ സംശയം;രണ്ട് പേർക്കും അത് മനസിലായില്ല' -
'ആരോടും പറയാതെ പോയി, ബെഡ്റൂം തുറന്നപ്പോൾ കണ്ടത്.. തെളിവായി ഫോട്ടോകളുണ്ട്', മന്ത്രി ഗണേഷിനെതിരെ ഭാര്യ
Click it and Unblock the Notifications
Sign in with Google