Click it and Unblock the Notifications
Just In
Don't Miss
-
1 കോടി രൂപ സമ്പാദ്യം എന്നത് യാഥാർത്ഥ്യമാക്കാം, ഇതാണ് നിക്ഷേപ പദ്ധതി, ഇന്ന് തന്നെ തുടങ്ങൂ... -
41,000 വര്ഷങ്ങള്ക്ക് മുമ്പ് ഭൂമിയില് അസാധാരണ നിലയില് കോസ്മിക് റേഡിയേഷന് ഉണ്ടായി -
IPL 2024: റിഷഭാണ് കൂടുതല് മിടുക്കന്, സഞ്ജുവിന് ആ 2 കഴിവുമില്ല! തുറന്നടിച്ച് എബിഡി -
ഐപിഎല് ശമ്പളം 16 കോടി, ബിസിസിഐ നല്കുന്നത് 7 കോടി; എന്നിട്ടും രോഹിത് ശര്മ കറങ്ങുന്നത് മാരുതി കാറില് -
'നിർഭാഗ്യം കൊണ്ട് ഇതെല്ലാം സംഭവിച്ചു... എനിക്ക് പ്രധാനം നിന്റെ ആരോഗ്യമാണ്, നീ ഇതിനോടകം വിജയിയായി കഴിഞ്ഞു' -
മറന്ന WIFI പാസ്സ്വേഡ് ഇവിടെ തപ്പിയാൽ മതി! ഈ വിദ്യ ഒന്ന് പരീക്ഷിച്ച് നോക്കൂ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കോമണ്‍വെല്‍ത്ത് ഗെയിംസിനെത്തിയ 10 താരങ്ങള്‍ മുങ്ങി; ശ്രീലങ്കന്‍ ടീമിന് ഞെട്ടല്‍
ലണ്ടന്‍: കോമണ്‍വെല്‍ത്ത് ഗെയിംസ് സംഘത്തില്‍ നിന്ന് പത്ത് ശ്രീലങ്കക്കാരെ കാണാനില്ല. അജ്ഞാതമായ തിരോധാനമാണ് ഇവരുടേത്. ബിര്‍മിങ്ഹാമില്‍ വെച്ചാണ് ഇവരെ കാണാതായത്. ഒന്‍പത് ടീമംഗങ്ങളെയും ഒരു ടീം ഒഫീഷ്യലിനെയുമാണ് കാണാതായത്. ഇവരുടെ മത്സര ഇനം പൂര്‍ത്തിയാക്കിയ ശേഷമാണ് തിരോധാനം. ജൂഡോ താരം ചമീല തിലാനി, ഇവരുടെ മാനേജര്‍ അസല ഡി സില്‍വ, ഗുസ്തി താരം ഷനിത് ചതുരംഗ എന്നിവര്‍ ഇതില്‍ വരും. ഇവരെയാണ് ആദ്യം കാണാതായത്. കഴിഞ്ഞയാഴ്ച്ചയായിരുന്നു ഇവരുടെ തിരോധാനം.
ഇവരെ കാണാതായ ശേഷം ഏഴ് പേര്‍ കൂടി ഇതേ രീതിയില്‍ അപ്രത്യക്ഷതരായെന്ന് ശ്രീലങ്കന്‍ സംഘം പറയുന്നു. ഇവര്‍ ബ്രിട്ടനില്‍ തന്നെയുണ്ടെന്ന് സംശയിക്കുന്നതായി ടീം അധികൃതര്‍ പറയുന്നു. മറ്റേതെങ്കിലും ജോലിക്കായി ഇവര്‍ ശ്രമിക്കുകയാണെന്ന് കരുതുന്നുണ്ട്. ശ്രീലങ്കന്‍ ടീം മാനേജ്‌മെന്റ് എല്ലാ താരങ്ങളുടെയും ഒഫീഷ്യലുകളുടെയും പാസ്‌പോര്‍ട്ടുകള്‍ വാങ്ങി വെച്ചിട്ടുണ്ട്. ഇവരെ നാട്ടിലെത്തിക്കണമെന്ന ഉദ്ദശത്തോടെയാണ് ഈ നീക്കം നടത്തിയത്. എന്നാല്‍ ചിലര്‍ പാസ്‌പോര്‍ട്ട് നല്‍കിയില്ല. ക്യാമ്പ് വിട്ടുപോവുകയും ചെയ്തു.
ഇവര്‍ എങ്ങോട്ടാണ് പോയതെന്ന് മാത്രം മനസ്സിലായിട്ടില്ല. ആദ്യം രക്ഷപ്പെട്ട മൂന്ന് അംഗങ്ങളും എവിടെയാണ് ഉള്ളതെന്ന് ബ്രിട്ടീഷ് പോലീസ് കണ്ടെത്തിയിട്ടുണ്ട്. എന്നാല്‍ ഇവര്‍ക്കെതിരെ നടപടിയൊന്നും എടുത്തിട്ടില്ല. കാരണം ആറുമാസത്തേക്കുള്ള വിസ ഇവരുടെ കൈവശമുണ്ട്. ഇവരുടെ പാസ്‌പോര്‍ട്ട് പോലീസ് തിരിച്ചുനല്‍കി. ഇവര്‍ക്കെതിരെ നടപടിയെടുക്കാന്‍ പോലീസിന് സാധിക്കില്ല. പോലീസ് ഇവര്‍ എവിടെയാണ് ഉള്ളതെന്ന് ശ്രീലങ്കന്‍ ടീം മാനേജ്‌മെന്റിനെ അറിയിച്ചിട്ടില്ല. ഇവരുടെ സ്വകാര്യതയും സുരക്ഷയും പരിഗണിച്ചാണ് പോലീസ് ഇങ്ങനൊരു തീരുമാനമെടുത്തത്.
മുമ്പും അന്താരാഷ്ട്ര മത്സര വേദികളില്‍ നിന്ന് ശ്രീലങ്കന്‍ അത്‌ലറ്റുകള്‍ മുങ്ങാറുണ്ടെന്നാണ് റിപ്പോര്‍ട്ട്. കഴിഞ്ഞ വര്‍ഷം ഒക്ടോബറില്‍ ശ്രീലങ്കന്‍ റെസ്ലിംഗ് കോച്ച് ടീമിനെ ഉപേക്ഷിച്ച് പോയിരുന്നു. ഒസ്ലോയില്‍ വെച്ചായിരുന്നു ഇയാളെ കാണാതായത്. ടീം ഇവിടെ ലോക ചാമ്പ്യന്‍ഷിപ്പിനായി എത്തിയതായിരുന്നു. രാജ്യത്തെ മോശം സാഹചര്യങ്ങളാണ് വിദേശത്തേക്ക് രക്ഷപ്പെടാന്‍ കായിക താരങ്ങളെ അടക്കം പ്രേരിപ്പിക്കുന്നതെന്നാണ് റിപ്പോര്‍ട്ട്.
Recommended Video
