അനുവദനീയമല്ലാത്ത സ്ഥലങ്ങളിലൂടെ റോഡ് മുറിച്ചുകടന്നതിന് 50700 പേര്ക്കെതിരേ നടപടിയെടുത്ത് അബുദാബി
അബൂദാബി: അനുവദിക്കപ്പെട്ടതല്ലാത്ത സ്ഥലങ്ങളിലൂടെ റോഡ് മുറിച്ചുകടന്നതിന് അബൂദാബിയില് 50700 പേര്ക്കെതിരെ കഴിഞ്ഞവര്ഷം നടപടിയെടുത്തതായി പോലിസ് അറിയിച്ചു. പ്രത്യേകമായി അടയാളപ്പെടുത്തിയ സ്ഥലങ്ങളിലൂടെയല്ലാതെ റോഡ് മുറിച്ചുകടന്നാല് 400 ദിര്ഹമാണ് പിഴയീടാക്കുന്നത്. മുന് വര്ഷത്തേക്കാള് നിയമം തെറ്റിച്ച് റോഡ് മുറിച്ചു കടക്കുന്നവരുടെ എണ്ണം 21 ശതമാനം വര്ധിച്ചതായും പോലിസ് വ്യക്തമാക്കി.
ഇതിന്റെ അടിസ്ഥാനത്തില് ഇത്തരക്കാര്ക്കെതിരേ നടപടി കര്ശശനമാക്കാന് തീരുമാനിച്ചിട്ടുണ്ട്. കാല്നട യാത്രക്കാര് അവര്ക്കായി ഒരുക്കിയിട്ടുള്ള അടിപ്പാതകള്, നടപ്പാലങ്ങള്, സീബ്രാ ക്രോസിംഗുകള് എന്നിവയിലൂടെ മാത്രമേ മുറിച്ചുകടക്കാന് പാടുള്ളൂ എന്നും അബൂദബി പൊലീസ് നിര്ദേശം നല്കി.
പാടില്ലാത്ത സ്ഥലങ്ങളിലൂടെ റോഡ് മുറച്ചുകടക്കുന്നതിനെ തുടര്ന്നുണ്ടാവുന്ന വാഹനാപകടങ്ങളും മരണങ്ങളും വര്ധിച്ചുവരുന്ന പശ്ചാത്തലത്തിലാണ് നിയമം കര്ശനമാക്കാന് പോലിസ് തീരുമാനമെടുത്തത്. കഴിഞ്ഞ വര്ഷം അശ്രദ്ധമായി റോഡ് മുറിച്ചുകടന്നതു കാരണം 50 പേര്ക്കാണ് ജീവന് നഷ്ടമായത്. ഇത്തരം നിയമലംഘനങ്ങള് തടയുന്നതിനും അതിന്റെ അപകടങ്ങളെ കുറിച്ച് ജനങ്ങളെ ബോധവല്ക്കരിക്കുന്നതിനുമായി ചിലയിടങ്ങളില് സിവിലിയന് വേഷത്തിലെത്തുന്ന പോലിസ് നിയമം ലംഘിച്ച് റോഡ് മുറിച്ചുകടക്കുന്നവരെ പിടികൂടി ഫൈന് അടപ്പിക്കുക പതിവാണ്.
മൊബൈല് ഫോണില് സംസാരിച്ചുകൊണ്ടോ ടെക്സ്റ്റ് ചെയ്തുകൊണ്ടോ റോഡ് മുറിച്ചുകടക്കുന്നതും വലിയ അപകടങ്ങള് വരുത്തിവയ്ക്കുമെന്നും പോലിസ് അറിയിച്ചു. യാത്രക്കാര്ക്ക് റോഡ് മുറിച്ചുകടക്കുന്നതിന് സീബ്രാ ലൈനുകള്ക്കു സമീപം കൃത്യമായി വാഹനങ്ങള് നിര്ത്തിക്കൊടുക്കാന് ഡ്രൈവര്മാര് ശ്രദ്ധിക്കണം. ഇവിടെ കാല്നടക്കാര്ക്ക് മുന്ഗണന നല്കാത്ത വാഹന ഡ്രൈവര്മാരില് നിന്ന് 500 ദിര്ഹം പിഴയീടാക്കും. കൂടാതെ, അവര്ക്ക് ആറ് ബ്ലാക്ക് പോയിന്റുകളും ലഭിക്കും. ആളുകള്ക്ക് റോഡ് മുറിച്ചുകടക്കാനുള്ള സീബ്രാ ലൈനില് വാഹനം നിര്ത്തിയാല് 400 ദിര്ഹമാണ് പിഴയെന്നും പോലിസ് വ്യക്തമാക്കി.
-
സ്വർണ വില വിഷുവിന് 80,000 രൂപയാകുമോ? ആഭരണപ്രേമികൾക്കൊരു ഹാപ്പി ന്യൂസ്..സ്വർണ വീഴും..പക്ഷെ.. -
സൗദി അറേബ്യയുടെ മര്മം നോക്കി അടിച്ച് ഇറാന്; തീഗോളം ഉയര്ന്നു, വരുമാനം കുത്തനെ ഇടിയും -
സ്വര്ണവില കുറഞ്ഞു; നേട്ടമാക്കാന് ഉപഭോക്താക്കള്, ആഭരണം വാങ്ങുമ്പോള് ശ്രദ്ധിക്കേണ്ടത്, പവന് വില -
അതിർത്തിയിലെ നദികളിലൂടെയുള്ള നുഴഞ്ഞുകയറ്റം തടയാൻ 'പാമ്പുകളും മുതലകളും';നിർദേശവുമായി ബിഎസ്എഫ് -
പരമോന്നത നേതാവ് മൊജ്താബ ഖാംനഇ അതീവ ഗുരുതരാവസ്ഥയിൽ! ഇറാനിൽ ഭരണ പ്രതിസന്ധി -
സ്വർണം വാങ്ങാൻ പ്ലാനുണ്ടോ? ഇന്നത്തെ നിരക്കുകൾ പ്രവാസികൾക്ക് ആശ്വാസമോ? -
അവസാന ലാപ്പിലും തരംഗ സൂചനയില്ല; മധ്യകേരളത്തിൽ യുഡിഎഫ് നില മെച്ചപ്പെടുത്തും -
സൗദി അറേബ്യയും ഇറാഖും മാറി നില്ക്കേണ്ടി വരും; ആ രാജ്യത്ത് നിന്ന് ക്രൂഡ് എത്തി, ഇന്ത്യ പ്രതീക്ഷയില് -
ഇറാനിലെ തന്ത്രപ്രധാനമായ ഖാർഗ് ദ്വീപ് ആക്രമിച്ച് യുഎസ്; ഹോർമൂസിന് അരികിലെ എണ്ണ കേന്ദ്രമോ ലക്ഷ്യം? -
ഡാഷ് മോനെ രേവന്താ, മറുപടി വരുന്നുണ്ട്'; 'നീ പോ മോനെ വിജയ' പരാമർശത്തിൽ മുഖ്യമന്ത്രിയുടെ മറുപടി -
കാറ്റ് വലത്തോട്ട്-യുഡിഎഫ് വടക്കൻ വീരഗാഥ രചിച്ചേക്കും; മലപ്പുറം ‘ക്ലീൻ സ്വീപ്പി’ലേക്കോ? -
'നടി തൃഷ വ്യവസായിയെ വിവാഹം ചെയ്തു, 4 കുട്ടികളുണ്ട്, സിനിമ നിര്ത്തി, ഇനി എന്തെങ്കിലും ഉണ്ടോ?'
Click it and Unblock the Notifications
Sign in with Google