അഫ്ഗാനിസ്ഥാനിലെ കൂട്ടപ്പൊരിച്ചിലില് യുഎസ് സൈനികന് കൈമാറിയ കുഞ്ഞ് ഒടുവില് ബന്ധുക്കള്ക്കൊപ്പം
കാബൂള്: താലിബാന് അധികാരം പിടിച്ചതിന് പിന്നാലെ അഫ്ഗാനിസ്ഥാനില് സംഭവിച്ച കാര്യങ്ങള് എല്ലാവര്ക്കും അറിയാം. ഒരുപാട് പേര് നാടുവിടാന് ശ്രമം തന്നെ നടത്തിയിരുന്നു. താലിബാനില് നിന്നുണ്ടായ മുന് അനുഭവങ്ങളായിരുന്നു ഇതിന് പ്രധാന കാരണം. പലരും വിമാനങ്ങളില് ചാടിക്കയറി രക്ഷപ്പെടാന് ശ്രമിച്ച് കൊല്ലപ്പെട്ടവര് ഉണ്ടായിരുന്നു. എന്നാല് പലരെയും നാടുവിടാന് പോലും താലിബാന് അനുവദിച്ചിരുന്നില്ല. അതിലൊരു കരളലിയിക്കുന്ന കാഴ്ച്ചയായിരുന്നു മാതാപിതാക്കള് സ്വന്തം കുഞ്ഞിനെ അമേരിക്കന് സൈനികന് കൈമാറുന്ന കാഴ്ച്ച. വേലിക്കെട്ടിന് അപ്പുറവും ഇപ്പുറവുമായി തരംതിരിച്ച രീതിയിലായിരുന്നു ഇവരുണ്ടായിരുന്നത്.
രക്ഷപ്പെടാന് ഒരു മാര്ഗവുമില്ലാത്ത സമയത്തായിരുന്നു അവര് കുഞ്ഞിനെ സൈനികനെ ഏല്പ്പിച്ചത്. കുഞ്ഞെങ്കിലും അഫ്ഗാനില് നിന്ന് രക്ഷപ്പടട്ടെ എന്ന ചിന്തയിലായിരുന്നു ഇങ്ങനെ ചെയ്തത്. ഈ കുട്ടി ഒടുവില് ബന്ധുക്കളുടെ കൈവശം തന്നെ തിരിച്ചെത്തിയിരിക്കുകയാണ്. ഇവരുടെ ദീര്ഘമായ കാത്തിരിപ്പിനാണ് ഇതോടെ അവസാനമായിരിക്കുന്നത്. അഞ്ച് മാസത്തിന് ശേഷമാണ് കുഞ്ഞിനെ ഇവര്ക്ക് ലഭിക്കുന്നത്. സൊഹൈല് അഹമ്മദി എന്ന ഈ കുഞ്ഞിനെ സൈനികന് കൈമാറുമ്പോള് വെറും രണ്ട് മാസം മാത്രമായിരുന്നു പ്രായം. അമേരിക്കന് സൈന്യം അഫ്ഗാനില് നിന്ന് വിട്ടുപോകുന്ന സമയത്തായിരുന്നു ഈ വൈകാരിക സംഭവം നടന്നത്.
യുഎസ് എംബസിയിലെ ജോലിക്കാരായ മിര്സ അലി അഹമ്മദിയുടെയും ഭാര്യ സുരായയുടെയും മകനായിരുന്നു ഇത്. ഇവര് കുഞ്ഞിനെ കൈമാറിയത് വിമാനത്താവളത്തിലേക്ക് എത്താനാവുമെന്ന പ്രതീക്ഷയിലായിരുന്നു. ഒരുപാട് അഫ്ഗാന് പൗരന്മാര് സ്വന്തം കുട്ടികളെ ഇത്തരത്തില് വേലിക്കപ്പുറത്തേക്ക് എത്തിക്കാന് ശ്രമിക്കുന്നുണ്ടായിരുന്നു. എന്ത് അപകടം സഹിച്ചും രാജ്യം വിടാനായിരുന്നു ജനങ്ങള് ശ്രമിച്ചത്. എന്നാല് താലിബാന് സേന മിര്സ അലിയെയും സുരായയെയും വിമാനത്താവളത്തിന് പുറത്ത് തടയുകയായിരുന്നു. ഒടുവില് ഇവര് വിമാനത്താവളത്തിനുള്ളില് പ്രവേശിച്ചെങ്കിലും കുഞ്ഞിനെ കണ്ടെത്താന് സാധിച്ചിരുന്നില്ല.
കുഞ്ഞിനെ കാണാനില്ലെന്ന് അഫ്ഗാന് റെഫ്യൂജി റിലീഫ് നേരത്തെ പരസ്യമൊക്കെ നല്കിയിരുന്നു. കാബൂളിലെ 29കാരനായ ടാക്സി ഡ്രൈവറായിരുന്നു ഈ കുഞ്ഞിനെ നോക്കി കൊണ്ടിരുന്നത്. ഇതറിയാതെ എല്ലായിടത്തും തിരയുകയായിരുന്നു മാതാപിതാക്കളും ബന്ധുക്കളും. സ്വന്തം മകനെ പോലെയായിരുന്നു സൊഹൈലിനെ ടാക്സി ഡ്രൈവര് നോക്കിയിരുന്നത്. സാഫി എന്നാണ് ഇയാളുടെ പേര്. സാഫിയും കുടുംബവും കുട്ടിയുടെ ചിത്രങ്ങള് സോഷ്യല് മീഡിയയില് പോസ്റ്റ് ചെയ്തിരുന്നു. അത് കണ്ടാണ് ഇവര് കുട്ടിക്കായി എത്തിയത്. എന്നാല് കുട്ടിയെ വിട്ടുകൊടുക്കാന് ഇവര് തയ്യാറായിരുന്നില്ല. ചെറിയ തര്ക്കമൊക്കെ ഇതിന്റെ പേരില് നടക്കുകയും ചെയ്തു.
ഏഴ് ആഴ്ച്ചകളോളമാണ് തര്ക്കം നടന്നത്. തുടര്ന്ന് കുട്ടിയെ താലിബാന് കൈവശം വെക്കുകയായിരുന്നു. ഒടുവില് കുട്ടിയെ മുത്തച്ഛന് കൈമാറാന് സാഫി തീരുമാനിക്കുകയായിരുന്നു. കുട്ടിയെ മാതാപിതാക്കള്ക്കും സഹോദരങ്ങള്ക്കും ഒപ്പം എത്തിക്കുകയാണ് ലക്ഷ്യം. നാല് സഹോദരങ്ങളാണ് ഉള്ളത്. ഇവര് അമേരിക്കയിലെ മിഷിഗണിലാണ് താമസം. അതേസമയം കുഞ്ഞിനെ ലഭിച്ചതില് ഇവരാകെ ആവേശത്തിലാണ്. കുഞ്ഞിനെ രക്ഷിതാക്കള്ക്ക് ഒപ്പം എത്തിക്കുക എന്നത് മാത്രമാണ് തന്റെ ഏറ്റവും വലിയ ഉത്തരവാദിത്തമെന്നും സുഹൈലിന്റെ മുത്തച്ഛന് പറഞ്ഞു.
-
കഴിഞ്ഞ അഞ്ച് വര്ഷത്തെ വരുമാനം ഇനി സ്വര്ണം തരില്ല..! സ്വര്ണം ഇങ്ങനെ വാങ്ങിയാല് ലാഭം -
സ്വര്ണവില വീണ്ടും കുറഞ്ഞു; ഇന്ന് രണ്ടാം തവണ വന് ഇടിവ്, ആഭരണം വാങ്ങുന്നോ? പവന് വില -
ശബരി റെയിൽ പദ്ധതി; അങ്കമാലി-എരുമേലി പാതയിൽ 4 തുരങ്കങ്ങൾ, പാലങ്ങൾ നിരവധി, ആകെ 111 കി.മീ ദൂരം -
സ്വര്ണവില ഇടിഞ്ഞു; ട്രംപ് അല്ല, 'മാറ്റിയത്' ഇറാന്, പിന്നെ രൂപയും, ഇന്നത്തെ പവന് വില അറിയാം -
സ്വര്ണം ആര്ക്കും വേണ്ടേ? ആഭരണം വാങ്ങുന്നത് വിവാഹപാര്ട്ടിക്കാര് മാത്രം, കാരണമിത് -
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
സ്വർണം മലയാളികൾ വിൽക്കുന്നില്ല, എന്തുകൊണ്ടാണത്? അടിമുടി പെട്ട് ജ്വല്ലറിക്കാർ..കടുത്ത തിരിച്ചടി -
സ്വര്ണം 'പറ്റിക്കല്' തുടരുന്നു.. ഇന്ന് വീണ്ടും വില കൂടി, തിരികെ കയറി തുടങ്ങിയോ? ഗ്രാം, പവന് വില അറിയാം -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ആരാധന വോട്ടാകുമോ? തെരഞ്ഞെടുപ്പിനിറങ്ങിയ സെലിബ്രിറ്റികളോട് കേരളം ചെയ്തതിങ്ങനെ... -
മഞ്ജു വാര്യർ പറയുന്നു, 'സ്ഥാനാർത്ഥിത്വം വാഗ്ദാനം ചെയ്ത് വന്നിട്ടുണ്ട്',ഇനി രാഷ്ട്രീയത്തിലേക്കോ?മറുപടി
Click it and Unblock the Notifications
Sign in with Google