ചൈന കട്ടക്കലിപ്പില്, തായ്വാന്റെ മണ്ണിലേക്ക് സൈന്യമെത്തും, ആറ് സോണുകളില് അഭ്യാസ പ്രകടനം!!
ബെയ്ജിങ്: യുഎസ് പ്രതിനിധി സഭാ സ്പീക്കര് നാന്സി പെലോസിയുടെ തായ്വാന് സന്ദര്ശനത്തില് ചൈന കട്ടക്കലിപ്പില്. സൈനിക നടപടിക്ക് തയ്യാറെടുക്കുകയാണ് ചൈന. വന് പ്രകോപനമാണ് ചൈനീസ് സൈന്യത്തിന്റെ ഭാഗത്ത് നിന്നുണ്ടാവുന്നത്. തായ്വാനെ ഞെട്ടിക്കാനും കൂടിയാണ് പ്ലാന്.
സൈനിക ഡ്രില്ലുകള് നടത്തുമെന്ന് ചൈന പ്രഖ്യാപിച്ചിരിക്കുകയാണ്. അതും തായ്വാന്റെ അധീനതയിലുള്ള സമുദ്രാതിര്ത്തിയില് തന്നെ നാവികസേനയെ ഇറക്കുമെന്നാണ് പ്രഖ്യാപനം. തായ്വാനെ ആറ് സോണുകളില് നിന്നായി വളയാനാണ് ചൈനയുടെ നീക്കം. തത്സമയ വെടിവെപ്പുകളും ഈ സമയത്തുണ്ടാവുമെന്നും ചൈന പ്രഖ്യാപിച്ചു.
വ്യാഴാഴ്ച്ച മുതല് ഞായറാഴ്ച്ച വരെ സൈനിക അഭ്യാസങ്ങള് ഉണ്ടാവുമെന്നാണ് ചൈനയുടെ മുന്നറിയിപ്പ്. ഈ മേഖലയിലേക്ക് ആരും ആ സമയം കടന്നുവരേണ്ടെന്ന് ചൈന നിര്ദേശിച്ചിട്ടുണ്ട്. കപ്പലുകളും വിമാനങ്ങളോടും ഈ വഴി അവഗണിക്കാനാണ് നിര്ദേശം. സംയുക്ത വ്യോമ-നാവിക സേന അഭ്യാസങ്ങള്ക്കാണ് ചൈന തയ്യാറെടുക്കുന്നത്.
തായ്വാന്റെ ഉത്തര, ദക്ഷിണ പശ്ചിമ, ദക്ഷിണ കിഴക്കന് മേഖലകളിലൂടെയെല്ലാം ചൈനയുടെ സൈനിക പ്രകടനമുണ്ടാകും. തായ്വാന് യുദ്ധത്തിന് സജ്ജമായി ഇരിക്കുകയാണ്. എന്നാല് ചൈന ഒരടി പിന്നോട്ടില്ലെന്നാണ് വ്യക്തമാക്കുന്നത്. യുഎസ്സിനുള്ള മറുപടിയായിട്ടാണ് ഇതിനെ കാണുന്നത്.
ചൈന സൈനിക നടപടിയുണ്ടാവുമെന്ന് പ്രഖ്യാപിച്ചതോടെ, സൈന്യം തയ്യാറെടുത്ത് നില്ക്കുകയാണ്. ദേശീയ പരമാധികാരത്തിനും മേഖലയിലെ കരുത്തിനും യുഎസ്സിനെ നിയന്ത്രിച്ച് നിര്ത്തേണ്ടതുണ്ടെന്ന് ചൈന കരുതുന്നുണ്ട്. തായ്വാന്റെ അതിര്ത്തി ചൈനയുടെ എസ്യു 35 ജെറ്റുകള് കടന്നതായിട്ടാണ് റിപ്പോര്ട്ട്.
യുഎസ് കനത്ത വില നല്കേണ്ടി വരുമെന്നാണ് നാന്സി പെലോസിയുടെ സന്ദര്ശനത്തില് ചൈന പറഞ്ഞത്. തായ്വാന്റെ ജനാധിപത്യത്തെ പിന്തുണയ്ക്കാനാണ് ഈ സന്ദര്ശനമെന്ന് പെലോസി പറഞ്ഞു. എല്ലാ വിധ പിന്തുമയും അവര്ക്ക് നല്കുമെന്നും പെലോസി വ്യക്തമാക്കി.
അതേസമയം ദക്ഷിണ ചൈനാ വ്യോമപാതയെ ഒഴിവാക്കി, കുറച്ച് കൂടി ദൂരമേറിയ പാതയാണ് തായ്പേയിലെത്താന് പെലോസി തിരഞ്ഞെടുത്തത്. ഇന്തോനേഷ്യന് വ്യോമ മേഖലയിലൂടെ വന്ന് അവിടെ നിന്നാണ് തായ്വാനിലേക്ക് എത്തിയത്. ദക്ഷിണ ചൈന മേഖല ചൈനയുടേതാണെന്ന് അവര് അവകാശപ്പെടുന്നുണ്ട്.
തായ്വാന്റെ യുദ്ധ വിമാനങ്ങള് ഈ മേഖലയില് എത്തിയ ഉടനെ അവര്ക്ക് സുരക്ഷയൊരുക്കി. ചൈന തായ്വാന്റെ വ്യോമ മേഖല കടന്നിട്ടില്ലെന്നാണ് അവര് അവകാശപ്പെടുന്നത്. എന്നാല് ശക്തമായ തിരിച്ചടി അതിര്ത്തി കടന്നാല് ഉണ്ടാവുമെന്ന് മുന്നറിയിപ്പ് നല്കിയിട്ടുണ്ട്.
-
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു
Click it and Unblock the Notifications
Sign in with Google