യുഎസ്സ് യുദ്ധക്കപ്പലിനെ ദക്ഷിണ ചൈനാ കടലില് നിന്ന് തുരത്തിയതായി ചൈന, ബൈഡന് ആദ്യ വെല്ലുവിളി
ബെയ്ജിംഗ്: ജോ ബൈഡന് അധികാരമേറ്റ് ഒരുമാസം പിന്നിടുന്നതിന് മുമ്പ് കൊമ്പുകോര്ത്ത് അമേരിക്കയും ചൈനയും. യുഎസിന്റെ മിസൈല് വേധ യുദ്ധക്കപ്പലിനെ ദക്ഷിണ ചൈനാ കടലില് നിന്ന് തുരത്തിയതായി ചൈന. നേരത്തെ തായ്വാന് കടലിടുക്കിലൂടെ ഈ കപ്പല് കടന്നുപോയിരുന്നു. അമേരിക്കയ്ക്ക് കടുത്ത മുന്നറിയിപ്പാണ് ചൈന നല്കുന്നത്. അമേരിക്കയുടെ യുദ്ധക്കപ്പല് യുഎസ്എസ് ജോണ് എ മക്കെയിനെ തുരത്താനായി യുദ്ധക്കപ്പലുകളും വ്യോമ സജ്ജീകരണവും ഒരുക്കിയെന്ന് പീപ്പിള് ലിബറേഷന് ആര്മിയുടെ സതേണ് തിയറ്റര് പറഞ്ഞു.
ഷിഷ ദ്വീപിന് സമീപത്ത് നിന്നാണ് യുദ്ധക്കപ്പലിനെതിരെ ചൈന നടപടിയെടുത്തത്. എന്നാല് സമുദ്ര നിയമ പ്രകാരമുള്ള റോന്ത് ചുറ്റലാണ് നടത്തിയതെന്നും നിയമപ്രകാരമാണ് എല്ലാം നടന്നതെന്നും യുഎസ് നാവിക സേന പറഞ്ഞു. കഴിഞ്ഞ 24 മണിക്കൂറിനിടെ യുഎസ്സും ചൈനയും തമ്മില് വലിയ വാക്പോരാണ് നടന്നത്. യുഎസ്സിന്റെ യുദ്ധക്കപ്പല് മേഖലയില് കടന്നതിനെതിരെ ചൈന രൂക്ഷമായി പ്രതികരിച്ചിരുന്നു. ബൈഡന് അധികാരത്തിലെത്തിയതിന് ശേഷം ആദ്യമായിട്ടാണ് ഇത്തരമൊരു പ്രശ്നം ഉണ്ടാവുന്നത്.
നേരത്തെ ട്രംപ് ഭരണകൂടം അധികാരത്തിലിരുന്നപ്പോള് കടുത്ത വിമര്ശനങ്ങളാണ് ചൈനയ്ക്കെതിരെ നടത്തിയിരുന്നത്. ഇത് ഇരുവരും തമ്മിലുള്ള ബന്ധം വഷളാക്കിയിരുന്നു. ലോകത്ത് ഒന്നാകെ കോവിഡ് പരത്തിയത് ചൈനയാണെന്നായിരുന്നു ട്രംപിന്റെ ആരോപണം. ഇത് വ്യാപകമായി പ്രചരിപ്പിക്കപ്പെട്ടു. പല രാജ്യങ്ങളും ചൈനയ്ക്കെതിരെ നടപടി ആവശ്യപ്പെടുകയും ചെയ്തു. ബൈഡന് ഭരണകൂടം ഇതെല്ലാം പരിഹരിക്കുമെന്നാണ് പ്രതീക്ഷിച്ചിരുന്നത്. എന്നാല് പുതിയ പ്രശ്നം ബന്ധം കൂടുതല് വഷളാകുമെന്ന സൂചനയാണ് നല്കുന്നത്.
Recommended Video
ദക്ഷിണ ചൈന കടല് തങ്ങളുടേതാണെന്ന വാദമാണ് ചൈന ഉയര്ത്തുന്നത്. എന്നാല് ഇതിനെ പലരും ചോദ്യം ചെയ്യുന്നുണ്ട്. ഫിലിപ്പൈന്സ്, ബ്രൂണെ, മലേഷ്യ, ഇന്തോനേഷ്യ, വിയറ്റ്നാം, തായ്വാന് എന്നിവരൊന്നും ഇത് അംഗീകരിച്ച് കൊടുത്തിട്ടില്ല. അതേസമയം യുഎസ്സിന്റെ യുദ്ധക്കപ്പല് സമുദ്ര മേഖലയിലേക്ക് കടന്നത് ചൈനയുടെ പരമാവധികാരത്തിനും മേഖലയിലെ സമാധാനത്തിനുമുള്ള ഭീഷണിയാണെന്ന് ചൈനീസ് തിയേറ്റര് കമാന്ഡ് വക്താവ് ജിയാന് ജുന്ലി പറഞ്ഞു. ഷിഷ ദ്വീപെന്ന് ചൈന വിളിക്കുന്ന പരാസല് ദ്വീപുകളില് തായ്വാനും വിയറ്റ്നാമും അവകാശവാദമുന്നയിച്ചിട്ടുണ്ട്. അതേസമയം നിയമവിരുദ്ധമായി ഒന്നുമില്ലെന്ന നിലപാടില് തന്നെയാണ് യുഎസ്.
-
'മോഹൻലാലിനോടൊപ്പമുള്ള ഈ കിടപ്പറ സീനിനെ കുറിച്ച് കേട്ടപാടെ നടിമാർ പലരും ഓടി രക്ഷപ്പെട്ടു,കാരണം';ആലപ്പി അഷ്റഫ് -
നടനും സംവിധായകനുമായ ഇഎ രാജേന്ദ്രൻ അന്തരിച്ചു -
ഖത്തര് വീണത് അമേരിക്കക്ക് നേട്ടമായി; ജപ്പാനും ജര്മനിയും മറ്റു വഴി തേടി, ഗള്ഫ് രാജ്യങ്ങള്ക്ക് തിരിച്ചടി -
ഇന്ത്യയ്ക്ക് വേണ്ടി ഹോർമുസ് തുറന്നു; അഞ്ച് സൗഹൃദ രാജ്യങ്ങളുടെ കപ്പലുകൾ തടയില്ലെന്ന് വ്യക്തമാക്കി ഇറാൻ -
സ്വര്ണവില കുറഞ്ഞേക്കും; സ്വര്ണത്തില് കൈവച്ച് തുര്ക്കി, വിപണിയില് ട്രെന്ഡ് മാറുന്നു എന്ന് റിപ്പോര്ട്ട് -
സമാധാനം ഇനിയും അകലെ? യുദ്ധം ഉടനെ അവസാനിക്കില്ലെന്ന് ഇറാന്: യുഎസുമായി യാതൊരു ചര്ച്ചയുമില്ല -
റഷ്യ ഇനി സ്വര്ണ കയറ്റുമതി ചെയ്യില്ല.!? പുതിയ പ്രഖ്യാപനവുമായി പുടിന്, വില കൂടാന് പോകുന്നു? -
ഇന്ന് ലോട്ടറിയെടുക്കുന്നവര്ക്ക് ഭാഗ്യം... ശുക്രദശ തലയ്ക്ക് മുകളില്; ഈ രാശിക്കാരാണോ? -
വിജയ്യെ സഭയിൽ എത്തിക്കാൻ എഐഎഡിഎംകെയുടെ കൈത്താങ്ങ്? പേരമ്പൂരിൽ കരുത്തർക്ക് സീറ്റില്ല, കാരണം? -
'സ്വര്ണം വാങ്ങലും വില്ക്കലും രണ്ടും നില്ക്കും, പൊതുജനം ആകെ അങ്കലാപ്പിൽ, ഒരു ദിവസം തന്നെ ലാഭവും നഷ്ടവും' -
ഉഗാദിക്കും ശിവരാത്രിക്കും ഞാന് മാംസം കഴിക്കാറുണ്ട്, അതിനെന്താണ് കുഴപ്പം: സിദ്ധരാമയ്യ -
കോട്ടയത്ത് ഒമ്പതിടത്തും പാകത്തിന് പോരാട്ട വേവ്
Click it and Unblock the Notifications
Sign in with Google