തലയോട്ടി ഒട്ടിച്ചേര്ന്ന ഇരട്ടകളെ വെര്ച്വല് റിയാലിറ്റി ശസ്ത്രക്രിയയിലൂടെ വേര്പെടുത്തി, ചരിത്രം!!
റിയോ ഡി ജനീറോ: മസ്തിഷകം ഒത്തുചേര്ന്ന സയാമീസ് ഇരട്ടകളെ വെര്ച്വല് റിയാലിറ്റി ഉപയോഗിച്ച് നടത്തിയ അതിസങ്കീര്ണമായ ശസ്ത്രക്രിയയിലൂടെ വേര്പെടുത്തി. ബ്രസീലിലാണ് സംഭവം. അഡ്രീലൈ-അന്റോണിയോ ലിമ ദമ്പതികളുടെ നാല് വയസുള്ള ആണ്കുട്ടികളെയാണ് ശസ്ത്രക്രിയയിലൂടെ വിജയകരമായി വേര്പെടുത്തിയത്.
ഇത്തരത്തിലുള്ള ഏറ്റവും സങ്കീര്ണ്ണമായ ശസ്ത്രക്രിയ എന്നാണ് ഡോക്ടര്മാര് ഇതിനെ വിശേഷിപ്പിച്ചത്. തലയും തലച്ചോറും ചേര്ന്നാണ് ബെര്നാര്ഡോ, ആര്തര് എന്നീ ആണ്കുട്ടികള് ജനിച്ചത്. 2018-ല് വടക്കന് ബ്രസീലിലെ റൊറൈമ സംസ്ഥാനത്ത് നിന്നുള്ളവരാണ് ഇവര്. സഹോദരങ്ങള് തലയോട്ടിയില് ലയിക്കുന്ന വളരെ അപൂര്വമായ ക്രാനിയോപാഗസ് ഇരട്ടകളായാണ് ഇരുവരുടേയും ജനനം.
Image Credit: Gemini Untwined Twitter
പരസ്പരം മുഖത്തോട് മുഖം നോക്കാന് പറ്റാത്ത തരത്തില് ജനിച്ച ഇരുവര്ക്കുമായി 27 മണിക്കൂര് നീണ്ട ഒമ്പത് ഓപ്പറേഷനുകളാണ് നടത്തിയത്. ലണ്ടന് ആസ്ഥാനമായുള്ള മെഡിക്കല് ചാരിറ്റി ജെമിനി അണ്ടൈ്വന്ഡ് ആണ് ശസ്ത്രക്രിയയ്ക്ക് സഹായം നല്കിയത്. ഇരുവരും സുപ്രധാനമായ പല സിരകളും പങ്കിടുന്നു എന്നതിനാല് ഇതുവരെയുള്ള ഏറ്റവും വെല്ലുവിളി നിറഞ്ഞതും സങ്കീര്ണ്ണവുമായ വേര്പിരിയല് എന്നാണ് ഡോക്ടര്മാര് ഇതിനെ വിശേഷിപ്പിച്ചത്.
'ഇരട്ടകള്ക്ക് ഈ അവസ്ഥയുടെ ഏറ്റവും ഗുരുതരവും ബുദ്ധിമുട്ടുള്ളതുമായ പതിപ്പുണ്ടായിരുന്നു, ഇരുവര്ക്കും മരണ സാധ്യത കൂടുതലാണ്,' റിയോയിലെ പോളോ നിമെയര് സ്റ്റേറ്റ് ബ്രെയിന് ഇന്സ്റ്റിറ്റ്യൂട്ടിലെ (ഐഇസിപിഎന്) ന്യൂറോ സര്ജന് ഗബ്രിയേല് മുഫറേജ് പറഞ്ഞു. ഫലത്തില് ഞങ്ങള് വളരെ സംതൃപ്തരാണ്, കാരണം മറ്റാരും ഈ ശസ്ത്രക്രിയയില് ആദ്യം വിശ്വസിച്ചില്ല, പക്ഷേ ഒരു അവസരമുണ്ടെന്ന് ഞങ്ങള് എപ്പോഴും വിശ്വസിച്ചിരുന്നു, അദ്ദേഹം പ്രസ്താവനയില് പറഞ്ഞു.
വെര്ച്വല് റിയാലിറ്റിയുടെ സഹായത്തോടെ ജൂണ് 7, 9 തീയതികളില് 100 ഓളം സ്റ്റാഫുകള് ഉള്പ്പെടുന്ന മെഡിക്കല് ടീമിലെ അംഗങ്ങള് ശസ്ത്രക്രിയയുടെ അതിലോലമായ അവസാന ഘട്ടങ്ങള്ക്കായി തയ്യാറെടുത്തുവെന്ന് ജെമിനി അണ്ട്വിന്ഡ് പറഞ്ഞു. ആണ്കുട്ടികളുടെ ഒത്തുചേര്ന്ന തലയോട്ടിയുടെ ഡിജിറ്റല് മാപ്പ് സൃഷ്ടിക്കാന് ബ്രെയിന് സ്കാനുകള് ഉപയോഗിച്ച്, ട്രാന്സ്-അറ്റ്ലാന്റിക് വെര്ച്വല്-റിയാലിറ്റി ട്രയല് സര്ജറിയില് ശസ്ത്രക്രിയയ്ക്കായി വിദഗ്ധര് പരിശീലിച്ചു.
ജെമിനി അണ്ട്വിന്ഡിന്റെ പ്രധാന ശസ്ത്രക്രിയാ വിദഗ്ധനായ ബ്രിട്ടീഷ് ന്യൂറോസര്ജന് നൂര് ഉള് ഒവാസെ ജീലാനി വെര്ച്വല് റിയാലിറ്റി സജ്ജീകരണത്തെ 'സ്പേസ്-ഏജ് സ്റ്റഫ്' എന്നാണ് വിളിച്ചത്. ഇത് അതിശയകരമാണ്, നിങ്ങള് കുട്ടികളെ എന്തെങ്കിലും അപകടത്തിലാക്കുന്നതിന് മുമ്പ് ശരീരഘടന കാണുകയും ശസ്ത്രക്രിയ നടത്തുകയും ചെയ്യുന്നത് വളരെ മികച്ചതാണ്, അദ്ദേഹം ബ്രിട്ടീഷ് വാര്ത്താ ഏജന്സി പിഎയോട് പറഞ്ഞു.
മാലിദ്വീപില് കലക്കന് ചിത്രങ്ങളുമായി സാധിക...എങ്ങനെ സാധിക്കുന്നു എന്ന് ആരാധകര്
ശസ്ത്രക്രിയയ്ക്ക് ശേഷം ആണ്കുട്ടികള് ആശുപത്രി കിടക്കയില് ഒന്നിച്ച് കിടക്കുന്നതും ആര്തര് തന്റെ സഹോദരന്റെ കൈയില് പിടിച്ച് കിടക്കുന്നതുമായ ചിത്രങ്ങളും വീഡിയോകളും മെഡിക്കല് സ്റ്റാഫ് പുറത്തുവിട്ടു. വളരെ ആശ്വാസം തോന്നുന്നുണ്ടെന്നും കഴിഞ്ഞ നാല് വര്ഷമായി തങ്ങള് നാല് വര്ഷമായി ആശുപത്രിയില് താമസിക്കുകയാണ് എന്നും കുട്ടികളുടെ മാതാവ് ലിമ പറഞ്ഞു.
Click it and Unblock the Notifications
Sign in with Google