ഗ്രീസിനെ പുറത്താക്കിയാല്‍ യൂറോപ്പ് രക്ഷപ്പെടുമോ

ഗ്രീക്ക് ജനത സര്‍ക്കാരിന്റെ തീരുമാനത്തിന് പിന്നില്‍ അണി നിരന്നതോടെ യൂറോപ്യന്‍ യൂണിയന്‍ തീര്‍ത്തും പ്രതിസന്ധിയിലായിരിയ്ക്കുകയാണ്. എങ്ങനെ പ്രശ്‌നങ്ങള്‍ പരിഹരിയ്ക്കാമെന്ന് സംബന്ധിച്ച് അടിയന്തര ചര്‍ച്ചകള്‍ അണിയറയില്‍ നടക്കുന്നുണ്ട്.

യൂറോപ്യന്‍ യൂണിയനില്‍ നിന്ന് ഗ്രീസ് പുറത്തായാല്‍ അവര്‍ക്ക് സ്വന്തമായ കറന്‍സി അച്ചടിയ്‌ക്കേണ്ടി വരും. അങ്ങനെ വന്നാല്‍ അത് യൂറോയുടെ മൂല്യത്തെ വീണ്ടും ബാധിയ്ക്കും. ഒരു പക്ഷേ ഡോളര്‍ കൂടുതല്‍ ശക്തി പ്രാപിയ്ക്കുകയും ചെയ്യും. യൂറോപ്പിനെ മൊത്തത്തില്‍ പ്രതിസന്ധിയിലാക്കാന്‍ ഇത് തന്നെ ധാരാളമായിരിയ്ക്കും.

ജനഹിത പരിശോധന പ്രഖ്യാപിച്ചതുമുതല്‍ ഗ്രീസിലെ ബാങ്കുകളുടെ പ്രവര്‍ത്തനം മന്ദ ഗതിയിലാണ്. പല ബാങ്കുകളും അടച്ചിട്ടിരിയ്ക്കുകയാണ്.

ഗ്രീക്ക് പ്രതിസന്ധി ചര്‍ച്ച ചെയ്യാന്‍ ജര്‍മന്‍ ചാന്‍സലര്‍ ആഞ്ജല മെര്‍ക്കലും ഫ്രഞ്ച് പ്രസിഡന്റ് ഫ്രാന്‍സ്വ ഒലാദും കൂടിക്കാഴ്ച നടത്തുന്നുണ്ട്.

English summary

Greek voters have decisively rejected the terms of an international bailout. The final result in the referendum, published by the interior ministry, was 61.3% "No", against 38.7% who voted "Yes".