യുഎസ്സില് ചരിത്രം രചിച്ച് 23കാരി; ഇല്ലിനോയിസില് ട്രംപിന്റെ പാര്ട്ടിയെ തകര്ത്ത് ഇന്ത്യന് വംശജ
വാഷിംഗ്ടണ്: യുഎസ്സിലെ ഇടക്കാല തിരഞ്ഞെടുപ്പില് ചരിത്രം രചിച്ച് 23കാരിയായ ഇന്ത്യന് അമേരിക്കന് വംശജ നബീല സയ്യിദ്. ഇല്ലിനോയിസ് ജനറല് അസംബ്ലിയിലേക്ക് തിരഞ്ഞെടുക്കപ്പെട്ട ഏറ്റവും പ്രായം കുറഞ്ഞ സ്ഥാനാര്ത്ഥിയായിരിക്കുകയാണ് നബീല. ഡൊണാള്ഡ് ട്രംപിന്റെ റിപബ്ലിക്കന് പാര്ട്ടിയെ നിലംപരിശാക്കിയായിരുന്നു നബീലയുടെ മുന്നേറ്റം.
റിപബ്ലിക്കന് പാര്ട്ടിയുടെ ക്രിസ് ബോസിനെയാണ് നബീല പരാജയപ്പെടുത്തിയത്. മൊത്തം പോള് ചെയ്ത വോട്ടില് 52.3 ശതമാനം വോട്ടും നബീല സ്വന്തമാക്കി. ഇല്ലിനോയിസിലെ പ്രതിനിധി സഭയിലേക്കായിരുന്നു വോട്ടെടുപ്പ് നടന്നു. അതേസമയം ജയിച്ചതിലുള്ള സന്തോഷം അവര് ട്വീറ്റിലൂടെയാണ് പങ്കുവെച്ചത്.
എന്റെ പേര് നബീല സയ്യിദ്, ഞാനൊരു 23കാരി മുസ്ലീമാണ്, ഇന്ത്യന്-അമേരിക്കന് യുവതിയാണ്. റിപബ്ലിക്കന് പാര്ട്ടിയുടെ കൈവശമുണ്ടായിരുന്ന സബര്ബന് ജില്ല ഞങ്ങള് പിടിച്ചെടുത്തുവെന്നും നബീല ട്വീറ്റ് ചെയ്തു. ജനുവരിയില് താന് ഇല്ലിനോയിസ് അസംബ്ലിയിലെ ഏറ്റവും പ്രായം കുറഞ്ഞ വ്യക്തിയായി മാറുമെന്നും അവര് പറഞ്ഞു.
ഈ ജയം മികച്ചൊരു ടീമിനെ കൊണ്ടാണ് സാധ്യമായതെന്നും നബീല വ്യക്തമാക്കി. തന്റെ ജീവിതം ഇവിടെ വരെ എങ്ങനെ എത്തിയെന്നും നബീല ട്വിറ്ററില് പറയുന്നുണ്ട്. ഞാന് സംസ്ഥാന പ്രതിനിധി സഭയിലേക്ക് മത്സരിക്കാന് തീരുമാനിച്ചപ്പോള്, ജനങ്ങളുമായി ഏറ്റവും മികച്ച രീതിയില് സംവദിക്കുക എന്നത് ദൗത്യമായി എടുത്തെന്നും നബീല പറഞ്ഞു.
നമ്മുടെ ജനാധിപത്യത്തില് ഇടപെടാനുള്ള അവസരം തനിക്ക് തരണമെന്ന് അവരെ ബോധിപ്പിക്കാനുള്ള കാരണമാണ് താന് അന്വേഷിച്ചത്. ജനങ്ങളുടെ മൂല്യങ്ങളെ പ്രതിനിധീകരിക്കുന്ന മെച്ചപ്പെട്ടൊരു നേതൃത്വം നല്കുമെന്നാണ് പറഞ്ഞത്. ഈ സംഭാഷണത്തില് ഉറച്ച് നിന്നത് കൊണ്ടാണ് താന് വിജയിച്ചതെന്നും നബീല സയ്യിദ് പറഞ്ഞു.
എല്ലാവര്ക്കും എന്നെ പിന്തുണച്ചതിന് നന്ദി. ഈ ജില്ലയിലെ ഓരോ വീട്ടിലും ഞാന് മുട്ടി വിളിച്ചിരുന്നു. അവരോട് സംസാരിച്ചിരുന്നു. നാളെ മുതല് വീണ്ടും ഞാന് ആ വാതിലുകളില് മുട്ടി വിളിക്കും. അവരുടെ വിശ്വാസം എന്നില് അര്പ്പിച്ചതിന് എല്ലാവരോടും നന്ദി പറയും. ജനങ്ങള്ക്ക് വേണ്ടി പ്രവര്ത്തിക്കാന് തയ്യാറാണെന്നും നബീല പറഞ്ഞു.
നിരവധി പേരാണ് നബീലയ്ക്ക് അഭിനന്ദനം അറിയിച്ച് എത്തിയിട്ടുള്ളത്. യുവാക്കള് രാഷ്ട്രീയത്തിലേക്ക് വരുന്നതില് അഭിമാനം, ഇത് നിങ്ങളുടെ സമയമാണ്. മികച്ച കാര്യങ്ങള് ചെയ്യൂ എന്ന് ഒരു യൂസര് ട്വീറ്റ് ചെയ്തു. നബീല, നിങ്ങളൊരു ഒറ്റയ്ക്കല്ല, നിങ്ങള്ക്കൊപ്പം ഓരോ ചുവടുവെപ്പിലും ഞങ്ങളുണ്ടെന്നും ഒസ്മാന് എന്നയാള് പറഞ്ഞു.
പൊളിറ്റിക്കല് സയന്സില് ബിരുദം നേടിയിട്ടുണ്ട് നബീല. കാലിഫോര്ണിയ യൂണിവേഴ്സിറ്റിയില് നിന്നായിരുന്നു ആ നേട്ടം സ്വന്തമാക്കിയത്. ഡെമോക്രാറ്റിക് തരംഗം എന്നാണ് നിരവധി പേര് കമന്റ് ചെയ്തിരിക്കുന്നത്. കഴിഞ്ഞ ദിവസത്തെ ഇടക്കാല തിരഞ്ഞെടുപ്പില് പക്ഷേ ഡെമോക്രാറ്റുകള്ക്കോ റിപബ്ലിക്കന്മാര്ക്കോ പൂര്ണ ആധിപത്യം നേടാനായിട്ടില്ല.
-
സ്വർണ വിലയിൽ വൻ ഇടിവ്; പവന് കുറഞ്ഞത് 10,040 രൂപ..1 ലക്ഷത്തിന് താഴേക്ക് തന്നെ? -
സുനിച്ചനുമായി വേർപിരിഞ്ഞ് കഴിയുന്നതിനെ കുറിച്ച് തുറന്ന് പറഞ്ഞ് മഞ്ജു പത്രോസ്;'ഒരു രീതിയിലും ബന്ധമില്ല' -
ഉല്ലാസ് പന്തളത്തിന് 10,000 രൂപ നൽകി സഹായിച്ചു, പക്ഷെ വിളിച്ച് പറയുന്ന ആളല്ല ഞാനെന്ന് അഖിൽ മാരാർ; വൻ ട്രോൾ -
പൊതുഅവധി; വിദ്യാഭ്യാസ സ്ഥാപനങ്ങൾക്കും സർക്കാർ-സ്വകാര്യ സ്ഥാപനങ്ങൾക്കും അവധി ബാധകം -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
യുഎഇയിൽ ശക്തമായ മഴ വരുന്നു; പ്രവാസികൾ ജാഗ്രത പാലിക്കുക, സുരക്ഷാ നിർദ്ദേശങ്ങൾ ഇങ്ങനെ -
'മത്സരിക്കാന് രാഹുല് അനുവദിച്ചു.. എന്നിട്ടും അത് മുടക്കി, ആളെ എനിക്കറിയാം'; തുറന്നടിച്ച് സുധാകരന് -
'ശോഭാ സുരേന്ദ്രൻ എടിഎം പൊളിച്ച് പണമുണ്ടാക്കിയതല്ല, മകന് കോടികൾ ശമ്പളം കിട്ടുന്ന ജോലി പാടില്ലേ' -
ശമ്പളം വെട്ടിക്കുറച്ചു; ഉന്നത ഉദ്യോഗസ്ഥര്ക്കും പോലീസുകാര്ക്കും കടുംവെട്ട്, കടുത്ത പ്രതിസന്ധിയില് ഹിമാചല് -
ഇറാനെ ചുട്ടെരിക്കാൻ അമേരിക്ക; വൈദ്യുത നിലയങ്ങൾ തകർക്കും, ട്രംപിന്റെ അന്ത്യശാസനം -
മഞ്ചേശ്വരത്ത് മുസ്ലിം ലീഗ് പെട്ടു; സ്ഥാനാര്ഥിയെ പ്രഖ്യാപിച്ച് എസ്ഡിപിഐ, കെ സുരേന്ദ്രന് ഹാപ്പി -
ഇസ്രായേലില് രൂക്ഷമായ മിസൈലാക്രമണവുമായി ഇറാന്; ഡിമോണും അറാദും ആക്രമിക്കപ്പെട്ടു
Click it and Unblock the Notifications
Sign in with Google