ഗര്‍ഭനിരോധന മാര്‍ഗങ്ങള്‍ പരാജയപ്പെട്ടു; 28 വയസിനിടെ ഒമ്പത് കുഞ്ഞുങ്ങളെ പ്രസവിച്ച് സ്ത്രീ, വൈറല്‍

ഹൈസ്‌കൂളില്‍ പഠിക്കുമ്പോളാണ് കോറ, ആന്ദ്രേയെ കണ്ടുമുട്ടുന്നത്. പിന്നീട് പ്രണയം വിവാഹത്തിലേക്ക് വഴിമാറുകയായിരുന്നു

ഒരു സ്ത്രീയുടെ ശരീരത്തില്‍ സംഭവിക്കാവുന്ന ഏറ്റവും പ്രധാനപ്പെട്ട മാറ്റങ്ങളിലൊന്നാണ് ഗര്‍ഭകാലം എന്ന് പറയേണ്ടതില്ലല്ലോ. ഗര്‍ഭകാലത്തിന് മുന്‍പ് തന്നെ എല്ലാ സ്ത്രീകളും പങ്കാളിയുമായി ചേര്‍ന്ന് ശാരീരികവും മാനസികവുമായ മുന്നൊരുക്കം നടത്താറുണ്ട്. ഈ മുന്നൊരുക്കം സ്ത്രീകള്‍ക്ക് ഏറെ സുരക്ഷിതമാണ് എന്നാണ് പലരും അഭിപ്രായപ്പെടുന്നത്. പൊതുവെ സ്ത്രീകള്‍ക്ക് ഗര്‍ഭധാരണത്തിനുള്ള പ്രായമായി കണക്കാക്കുന്നത് 20 കളുടെ മധ്യത്തിലും അവസാനത്തിലുമാണ്.

എന്നാല്‍ കോറ ഡ്യൂക്ക് എന്ന സ്ത്രീ തനിക്ക് 30 വയസാകുന്നതിന് മുന്‍പ് പ്രസവിച്ചത് ഒമ്പത് കുട്ടികളെയാണ്. ഒമ്പതാമത്തെ കുഞ്ഞിനെ കോറ ഡ്യൂക്ക് പ്രസവിക്കുമ്പോള്‍ 28 വയസ് മാത്രമെ പ്രായമുണ്ടായിരുന്നുള്ളൂ. ഇപ്പോള്‍ 39 വയസുള്ള കോറ ഡ്യൂക്ക് 12 വര്‍ഷം മുന്‍പ് വരെ താന്‍ എല്ലാ വര്‍ഷവും ഗര്‍ഭിണിയായിരുന്നു എന്നാണ് പറയുന്നത്. 2001 ല്‍ തന്റെ 17-ാം വയസില്‍ ആയിരുന്നു കോറ ഡ്യൂക്ക് ആദ്യ കുഞ്ഞിന് ജന്മം നല്‍കുന്നത്.

അതിന് ശേഷം 2012 ല്‍ ആണ് കോറ ഡ്യൂക്ക് അവസാന കുഞ്ഞിന് ജന്മം നല്‍കിയത്. ഒമ്പത് പേരെ പ്രസവിച്ചെങ്കിലും എട്ട് പേര്‍ മാത്രമെ കോറ ഡ്യൂക്കിനും ഭര്‍ത്താവ് ആേ്രന്ദ ഡ്യൂക്കിനും ഒപ്പമുള്ളൂ. മൂന്നാമത്ത കുഞ്ഞ് ജനിച്ച് ഏഴു ദിവസം പ്രായമുള്ളപ്പോള്‍ തന്നെ അസുഖം ബാധിച്ച് മരിച്ചു. തന്റെ ഹൈസ്‌കൂള്‍ പഠനകാലത്താണ് കോറ, സീനിയറായ ആന്ദ്രേയെ കണ്ടുമുട്ടുന്നത്.

ചെറിയ പ്രായത്തില്‍ വിവാഹവും കഴിഞ്ഞു. ഏലിയാ (21), ഷീന (20), ഷാന്‍ (17) കെയ്റോ (16), സയ (14), അവി (13), റൊമാനി (12), തഹ്ജ് (10) എന്നിവരാണ് ഡ്യൂക്ക് ദമ്പതികളുടെ മക്കള്‍. അതേസമയം ഒമ്പത് കുട്ടികള്‍ വേണം എന്ന് താനോ ഭര്‍ത്താവോ തീരുമാനിച്ചിരുന്നില്ല എന്നാണ് കോറ ഡ്യൂക്ക് പറയുന്നത്.

പലപ്പോഴും ഗര്‍ഭ നിരോധന മാര്‍ഗങ്ങള്‍ പരാജയപ്പെട്ടതിനാലാണ് ഇത് സംഭവിച്ചത് എന്നാണ് കോറ ഡ്യൂക്ക് പറയുന്നത്. എങ്കിലും ലാസ് വെഗാസില്‍ ഇപ്പോള്‍ എട്ട് കുട്ടികള്‍ക്കും ഭര്‍ത്താവിനുമൊപ്പം സന്തോഷകരമായ ജീവിതം നയിച്ച് വരികയാണ് എന്നും കോറ ഡ്യൂക്ക് കൂട്ടിച്ചേര്‍ത്തു.

ഒമ്പത് പേരെ എങ്ങനെ വളര്‍ത്തുന്നു എന്ന ചോദ്യത്തിന് എല്ലാം മാനേജ് ചെയ്ത് പോകുന്നു എന്നാണ് കോറ ഡ്യൂക്ക് മറുപടി പറയുന്നത്. ഒമ്പതാമത്തെ കുഞ്ഞിന് ജന്മം നല്‍കിയതിന് ശേഷം ട്യൂബല്‍ ലിഗേഷന്‍ എന്ന സ്ഥിരമായ ഗര്‍ഭനിരോധന മാര്‍ഗം സ്വീകരിച്ചു എന്നും കോറ കൂട്ടിച്ചേര്‍ത്തു.

English summary

Las Vegas women who give birth to 9 children within her 28th age goes viral