ചെടികള്‍ സംസാരിക്കും; പല ഭാഷകള്‍, വാക്കുകള്‍, ഈ കണ്ടെത്തലുകള്‍ ആരെയും ഞെട്ടിക്കും!!

ജറൂസലേം: ചെടികള്‍ പരസ്പരം സംസാരിക്കുണ്ടെന്ന് കുറച്ചുകാലമായി നമുക്ക് അറിയാവുന്ന കാര്യമാണ്. കൂടുതലൊന്നും അറിയില്ലെങ്കിലും, ചെടികള്‍ തമ്മില്‍ ആശയവിനിമയം നടക്കാറുണ്ടെന്ന് മാത്രം നമുക്ക് അറിയാം. ഇസ്രയേല്‍ ശാസ്ത്രജ്ഞരുടെ പുതിയ കണ്ടെത്തല്‍ ഈ വിശ്വാസത്തെ ബലപ്പെടുത്തുന്നതാണ്. ഇവരുടെ ആശയവിനിമയത്തിന് പ്രത്യേകം വാക്കുകള്‍ ഉണ്ടെന്നാണ് പ്രധാന കണ്ടെത്തല്‍.

ഓരോ ജീവജാലങ്ങളും സംസാരിക്കുന്നത് വ്യത്യസ്തമായ ഭാഷയിലാണെന്ന് ശാസ്ത്രജ്ഞര്‍ പറയുന്നു. ശാസ്ത്ര മാഗസിനായ സെല്ലില്‍ പ്രസിദ്ധീകരിച്ച പഠനത്തിലാണ് ഇക്കാര്യം പറയുന്നത്. ലോകം ഇന്ന് വരെ അറിയാത്ത കാര്യങ്ങളാണ് ഇവര്‍ പുറത്തുവിട്ടിരിക്കുന്നത്. സസ്യജാലങ്ങള്‍ രീതിയില്‍ ആശയവിനിമയം നടത്താറുണ്ടെന്ന് ശാസ്ത്രജ്ഞര്‍ നേരത്തെ കണ്ടെത്തിയതാണ്. പല രീതിയിലാണ് ഈ സംസാരം എന്നും കണ്ടെത്തിയിരുന്നു.

അതായത് ഇവയ്ക്ക് എന്തെങ്കിലും പ്രശ്‌നങ്ങള്‍ വന്നാല്‍, ഇവ സ്വയം മറ്റൊരു രൂപത്തിലേക്ക് മാറും. പ്രത്യേകിച്ച് ഇവ വാടുകയോ, ഇലയുടെ നിറം മാറ്റുകയോ ചെയ്യും. ഈ സമയം ഇവയെ ഭക്ഷിച്ചാല്‍ കയ്പായിരിക്കും അനുഭവപ്പെടുക. ചില പ്രത്യേക ഗന്ധങ്ങളും ഈ സമയം അവര്‍ പുറപ്പെടുവിക്കും. മറ്റ് കുടുംബാംഗങ്ങളോട്, തങ്ങള്‍ അപകടത്തിലാണെന്ന് അറിയിക്കാന്‍ വേണ്ടിയാണിത്. പ്രത്യേകിച്ച് പ്രാണി വര്‍ഗങ്ങളില്‍ നിന്നുള്ള ആക്രമണമൊക്കെ വരുമ്പോള്‍ ഇത്തരം കാര്യങ്ങള്‍ പ്രതീക്ഷിക്കാം.

അടുത്തിടെ നടന്ന പഠനത്തിലാണ് സസ്യങ്ങള്‍ ശബ്ദത്തോട് പ്രതികരിക്കുമെന്ന് കണ്ടെത്തിയത്. പഞ്ചസാരയുടെ സാന്നിധ്യം വര്‍ധിപ്പിച്ച്, പരാഗണം നടത്തുന്ന ജീവികളെ ആകര്‍ഷിക്കാന്‍ ചെടികള്‍ക്ക് സാധിക്കും. വളരെ സ്‌ട്രെസ് അനുഭവിക്കുന്ന സസ്യങ്ങള്‍ വായുവിലൂടെ ശബ്ദം കൈമാറുമെന്ന് ടെല്‍ അവീവ് യൂണിവേഴ്‌സിറ്റിയിലെ ശാസ്ത്രജ്ഞരാണ് കണ്ടെത്തിയിരിക്കുന്നത്. ഇവര്‍ ആ ശബ്ദം റെക്കോര്‍ഡ് ചെയ്തിട്ടുണ്ട്. അതിനെ വിലയിരുത്തി കൊണ്ടിരിക്കുകയാണ്.

പോപ്പ്‌കോണ്‍ പൊരിച്ചെടുക്കുന്ന ശബ്ദമാണ് സസ്യജാലങ്ങള്‍ ശബ്ദമുണ്ടാക്കുമ്പോള്‍ എന്നാണ് ശാസ്ത്രജ്ഞര്‍ പറയുന്നത്.മനുഷ്യന്റെ പ്രസംഗത്തിന് സമാനമായ അളവിലാണ് ഈ ശബ്ദങ്ങള്‍ പുറത്തേക്ക് വിടുന്നത്. പക്ഷേ ഉയര്‍ന്ന ഫ്രീക്വന്‍സിയാണ് ഇതിനുള്ളത്. അതുകൊണ്ട് മനുഷ്യന് കേള്‍ക്കാന്‍ പോലും സാധിക്കില്ല. ദീര്‍ഘകാലമായി നിലനില്‍ക്കുന്ന ഒരു ശാസ്ത്ര ദുരൂഹതയുടെ മറനീക്കിയിരിക്കുകയാണെന്ന് ശാസ്ത്രജ്ഞര്‍ പറയുന്നു.

ചെടികള്‍ക്ക് ശബ്ദം പുറന്തള്ളാന്‍ കഴിയുമെന്ന് ഇതോടെ തെളിയിക്കപ്പെട്ടതായി പ്രൊഫ ലിലാച്ച് ഹദാനി പറഞ്ഞു. നമുക്ക് ചുറ്റുമുള്ള ലോകത്തില്‍ ധാരാളം സസ്യങ്ങളുടെ ശബ്ദങ്ങള്‍. ഇവയില്‍ ധാരാളം വിവരങ്ങള്‍ അടങ്ങിയിട്ടുണ്ട്. ചെടികളുടെ ശബ്ദം വവ്വാലുകള്‍, പെരുച്ചാഴി, പോലുള്ള ജീവികള്‍ക്ക് തിരിച്ചറിയാന്‍ സാധിക്കുന്നുണ്ടെന്നും ശാസ്ത്രജ്ഞര്‍ ഫറഞ്ഞു. തക്കാളി, പുകയില ചെടികള്‍ പുറപ്പെടുവിച്ച അള്‍ട്രാസോണിക് ശബ്ദങ്ങളാണ് ശാസ്ത്രസംഘം ശേഖരിച്ചിരിക്കുന്നത്.

English summary

plants are talking, what is their language and words, here is what scientists found, goes viral