ജെഡി വാൻസുമായി കൂടിക്കാഴ്ച നടത്തി പ്രധാനമന്ത്രി മോദി; മഹത്തായ വിജയത്തിന് അഭിനന്ദനം അറിയിച്ചു
പാരീസ്: യുഎസ് വൈസ് പ്രസിഡന്റ് ജെഡി വാൻസുമായി കൂടിക്കാഴ്ച നടത്തി പ്രധാനമന്ത്രി നരേന്ദ്ര മോദി. പാരീസിൽ നടക്കുന്ന എഐ ആക്ഷൻ ഉച്ചകോടിയിൽ പങ്കെടുക്കുന്ന ലോക നേതാക്കൾക്കുള്ള അത്താഴ വിരുന്നിനിടയിലാണ് നിർണായക കൂടിക്കാഴ്ച നടന്നത്. ജെഡി വാൻസിന്റെ ഭാര്യയും ഇന്ത്യൻ വംശജയുമായ ഉഷ വാൻസും ഒപ്പമുണ്ടായിരുന്നു. യുഎസ് സന്ദർശത്തിന് ട്രംപ് ഭരണകൂടത്തിലെ അംഗവുമായുള്ള അദ്ദേഹത്തിന്റെ ആദ്യ ആശയവിനിമയം കൂടിയായിരുന്നു ഇത്.
കഴിഞ്ഞ നവംബറിൽ നടന്ന യുഎസ് പ്രസിഡന്റ് തിരഞ്ഞെടുപ്പിൽ റിപ്പബ്ലിക്കൻ പാർട്ടിയുടെ മഹത്തായ വിജയത്തിന് മോദി വാൻസിനെ അഭിനന്ദനം അറിയിച്ചു. എലിസി കൊട്ടാരത്തിൽ വെച്ച് മോദി വാൻസുമായി ഹസ്തദാനം ചെയ്യുന്നതും അദ്ദേഹത്തെ അഭിനന്ദിക്കുന്നതും ഫ്രഞ്ച് പ്രസിഡന്റ് ഇമ്മാനുവൽ മാക്രോൺ സോഷ്യൽ മീഡിയയിൽ പോസ്റ്റ് ചെയ്ത വീഡിയോയിൽ കാണാമായിരുന്നു.
'അഭിനന്ദനങ്ങൾ. മികച്ച വിജയത്തിന്' മോദി പറഞ്ഞു. വളരെ നന്ദി. നിങ്ങളെ കണ്ടതിൽ വളരെ സന്തോഷമെന്നായിരുന്നു വാൻസിന്റെ മറുപടി. ഇരു നേതാക്കളും എഐ ഉച്ചകോടിയെ അഭിസംബോധന ചെയ്തപ്പോൾ, എഐ പോലുള്ള സാങ്കേതികവിദ്യകൾ ഉപയോഗിച്ച് മനുഷ്യരെ മാറ്റിസ്ഥാപിക്കാൻ കഴിയില്ലെന്ന മോദിയുടെ വാദത്തെ വാൻസ് അംഗീകരിച്ചിരുന്നു.
നരേന്ദ്ര മോദിക്ക് ശേഷം ഉച്ചകോടിയെ അഭിസംബോധന ചെയ്ത ജെഡി വാൻസ്, എഐ ആളുകളെ സുഗമമാക്കുകയും കൂടുതൽ ഉൽപ്പാദനക്ഷമമാക്കുകയും ചെയ്യുമെന്ന പ്രധാനമന്ത്രിയുടെ അഭിപ്രായത്തെ താൻ അഭിനന്ദിക്കുന്നുവെന്നും പറഞ്ഞിരുന്നു. ഇതിന് പിന്നാലെയാണ് കൂടിക്കാഴ്ചയുടെ കൂടുതൽ വിവരങ്ങൾ പുറത്തുവന്നത്.
നരേന്ദ്ര മോദിയും ഇമ്മാനുവേൽ മാക്രോണും ചേർന്ന് നടത്തിയ എഐ ആക്ഷൻ ഉച്ചകോടിയിൽ പങ്കെടുത്ത ലോകനേതാക്കളിൽ ചൈനീസ് വൈസ് പ്രീമിയർ ഷാങ് ഗുവോക്കിംഗ്, യൂറോപ്യൻ കമ്മീഷൻ പ്രസിഡന്റ് ഉർസുല വോൺ ഡെർ ലെയ്ൻ എന്നിവരും ഉൾപ്പെടുന്നു. ഉച്ചകോടിയിൽ സഹ അധ്യക്ഷനായിരുന്നു പ്രധാനമന്ത്രി നരേന്ദ്ര മോദി.
രണ്ടാം വട്ടവും അധികാരത്തിൽ എത്തിയ ശേഷം ആദ്യമായി ഡൊണാൾഡ് ട്രംപുമായി നടത്തുന്ന കൂടിക്കാഴ്ചയ്ക്ക് മുന്നോടിയായാണ് മോദി വാൻസിനെ കണ്ടത്. പ്രധാനമന്ത്രി പാരീസിൽ എത്തുന്നതിന് തൊട്ടുമുൻപാണ് മോദിയും വാൻസും തമ്മിലുള്ള അനൗപചാരിക കൂടിക്കാഴ്ച ഉറപ്പിച്ചതെന്നാണ് ലഭ്യമായ വിവരം. ഒരു പരിചയപ്പെടൽ എന്ന നിലയിലുള്ള കൂടിക്കാഴ്ച മാത്രമാണ് നടന്നതെന്നും റിപ്പോർട്ടുകൾ പറയുന്നു.
തുറമുഖ നഗരമായ മാർസെയിൽ മാക്രോണുമായുള്ള ഉഭയകക്ഷി ഇടപെടലുകൾ അവസാനിപ്പിച്ച ശേഷം മോദി ബുധനാഴ്ചയാണ് യുഎസിലേക്ക് പോവുക. ഇതിന് മുൻപായി മാർസെയിൽ ഇരുവരും ചേർന്ന് പുതിയ ഇന്ത്യൻ കോൺസുലേറ്റ് ഉദ്ഘാടനം ചെയ്യും. കൂടാതെ എഐ, സിവിൽ ആണവോർജ്ജം എന്നിവയിലെ സഹകരണം ഉൾപ്പെടെ വിവിധ വിഷയങ്ങളിൽ ചർച്ച നടത്തും.
-
ഊര്ജ പ്രതിസന്ധി; അവലോകന യോഗവുമായി പ്രധാനമന്ത്രി; ആഭ്യന്തര വിപണിയില് ക്ഷാമം ഉണ്ടാകരുതെന്ന് നിര്ദേശം -
സ്വര്ണം വീണുടഞ്ഞു; ഇന്ന് ഞെട്ടിക്കുന്ന വിലക്കുറവ്, ഇത്രയും വില താഴുന്നത് ആദ്യം, പവന് വില അറിയാം -
സ്വര്ണം ഉച്ചയ്ക്ക് വീണ്ടും വീണു; ഏറെ നാള്ക്കു ശേഷം ഒരു ലക്ഷത്തിന് താഴെ, പുതിയ പവന്, ഗ്രാം വില -
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം
Click it and Unblock the Notifications
Sign in with Google