യൂറോപ്പ് സന്ദർശനം: രണ്ടാം ഇന്ത്യ - നോർഡിക് ഉച്ചകോടിയിൽ പ്രധാനമന്ത്രി നരേന്ദ്ര മോദി പങ്കെടുക്കും

Updated: Wednesday, May 4, 2022, 13:59 [IST]

പാരിസ്: യൂറോപ്യൻ സന്ദർശനത്തിന് പിന്നാലെ പ്രധാനമന്ത്രി നരേന്ദ്ര മോദി ഇന്ന് ഡെൻമാർക്കിൽ നടക്കുന്ന രണ്ടാം ഇന്ത്യ - നോർഡിക് ഉച്ചകോടിയിൽ പങ്കെടുക്കും. വിവിധ രാജ്യങ്ങളുടെ തലവന്മാരുമായി പ്രധാന മന്ത്രി ഉച്ചകോടിയിൽ ആശയ വിനിമയത്തിൽ ഏർപ്പെടും. ഇന്ത്യയിലേക്ക് കൂടുതൽ നിക്ഷേപം എത്തിക്കുക എന്നതാണ് ഇതിലൂടെ പ്രധാനമായും ലക്ഷ്യമിടുന്നത്.

കോവിഡ് മഹാമാരിയ്ക്ക് പിന്നാലെ ഉളള സാമ്പത്തിക മുന്നേറ്റം, കാലാവസ്ഥാ വ്യതിയാനം, ഇന്ത്യയുടെ നൂതന സംരംഭങ്ങൾ, സാങ്കേതിക വിദ്യയും, ഹരിതോർജം തുടങ്ങിയ വിഷയങ്ങളാണ് നോർഡിക് ഉച്ച കോടിയിൽ ചർച്ചയാകുക.

ഇതിന് ശേഷം, പാരിസിൽ എത്തി പ്രസിഡന്‍റ് ഇമ്മാനുവേല്‍ മാക്രണുമായും പ്രധാനമന്ത്രി കൂടിക്കാഴ്ച നടത്തും. വീണ്ടും അധികാരം നേടിയതിന് ശേഷം ആദ്യമായാണ് പ്രധാന മന്ത്രി നരേന്ദ്ര മോദി മാക്രോണിനെ കാണാൻ എത്തുന്നത്. 3 ദിവസം നീണ്ടു നിന്ന പ്രധാന മന്തിയുടെ യൂറോപ്പ് സന്ദർശനം ഇതോടെ അവസാനിക്കും. അതേസമയം, കോപ്പൻഹേഗനിൽ എത്തിയിരുന്ന പ്രധാനമന്ത്രി ഇന്നലെ മെറ്റ് ഫ്രെഡറിക്സനുമായി ചർച്ച നടത്തിരുന്നു. ഡാനിഷ് രാജ്ഞി മാർഗരറ്റുമായും അദ്ദേഹം കൂടിക്കാഴ്ച നടത്തി.

എന്നാൽ, യൂറോപ്യന്‍ സന്ദർശനത്തിന്റെ ആദ്യ ദിനം തന്നെ പ്രധാനമന്ത്രി നരേന്ദ്രമോദി യുക്രൈൻ വിഷയത്തിലെ ഇന്ത്യയുടെ നിലപാട് വ്യക്തമാക്കിയിരുന്നു. ഇന്ത്യ സമാധാനത്തിനൊപ്പം ആണെന്ന് ആയിരുന്നു അദ്ദേഹം വ്യക്തമാക്കിയത്. റഷ്യ - യുക്രൈൻ യുദ്ധം അവസാനിപ്പിക്കണം എന്ന് ആദ്യം മുതൽ ഇന്ത്യ ആവശ്യപ്പെട്ടതാണെന്ന് പ്രധാനമന്ത്രി നരേന്ദ്ര മോദി ജർമ്മനിയിൽ വ്യക്തമാക്കി.

നസ്രിയ ഫഹദിനൊപ്പം; ഈദ് മുബാറക്ക് ചിത്രങ്ങൾ പങ്കിട്ട് താരങ്ങൾ; ഫോട്ടോസ് വൈറൽ

സമാധാനത്തിന്റെ വഴി സ്വീകരിക്കാൻ ഇരു രാജ്യങ്ങളോടും ഇന്ത്യ ആഹ്വാനം ചെയ്തു. യുദ്ധത്തില്‍ ആരും ജേതാക്കളാകുന്നില്ല. ആഗോള തലത്തില്‍ യുദ്ധം വലിയ പ്രത്യാഘാതങ്ങൾ ഉണ്ടാക്കി എന്നും മോദി പറഞ്ഞിരുന്നു. തന്റെ ജർമൻ സന്ദർശനം വിജയകരമായിരുന്നു എന്ന ആമുഖത്തോടെ ആണ് ജർമനിയിൽ ഉളള ഇന്ത്യൻ സമൂഹത്തെ പ്രധാനമന്ത്രി നരേന്ദ്ര മോദി അഭിസംബോധന ചെയ്ത് സംസാരിച്ചിരുന്നത്.