യുദ്ധത്തിനായി ഒരുങ്ങി നില്ക്കുക; സൈന്യത്തോട് ഷി ജിന്പിംഗ്
ബീജിംഗ്: രാജ്യത്തിന്റെ സുരക്ഷ അസ്ഥിരതയെ അഭിമുഖീകരിക്കുകയാണെന്ന് ചൈനീസ് പ്രസിഡന്റ് ഷി ജിന്പിംഗ്. യുദ്ധങ്ങളില് വിജയിക്കാനും കഴിവ് പരിപോഷിപ്പിക്കാനും എല്ലാ ഊര്ജ്ജവും വിനിയോഗിക്കാന് പീപ്പിള്സ് ലിബറേഷന് ആര്മിയോട് അദ്ദേഹം ഉത്തരവിട്ടു.
ഭരണകക്ഷിയായ കമ്മ്യൂണിസ്റ്റ് പാര്ട്ടി ഓഫ് ചൈനയുടെ ജനറല് സെക്രട്ടറിയായും സെന്ട്രല് മിലിട്ടറി കമ്മീഷന് തലവനായും പ്രസിഡന്റായും വീണ്ടും നിയമിക്കപ്പെട്ടതന് ശേഷമാണ് ഷീ ജിന്പിംഗിന്റെ പരാമര്ശം.
പാര്ട്ടിയുടെ തലവന്, സൈന്യം, പ്രസിഡന്റ് സ്ഥാനം എന്നീ മൂന്ന് ശക്തമായ പദവികള് വഹിക്കുന്ന ഷി ജിന്പിംഗ് പാര്ട്ടി സ്ഥാപകന് മാവോ സെതൂങ്ങിന് ശേഷം 10 വര്ഷത്തെ ഭരണം പൂര്ത്തിയാക്കിയിട്ടും അധികാരത്തില് തുടരുന്ന ഏക നേതാവാണ്. സിപിസി സെന്ട്രല് കമ്മിറ്റിയുടെയും സിഎംസിയുടെയും സ്ട്രാറ്റജിക് കമാന്ഡിന് സുപ്രധാന പിന്തുണ നല്കുന്ന സിഎംസിയുടെ ജോയിന്റ് ഓപ്പറേഷന്സ് കമാന്ഡ് സെന്റര് ചൊവ്വാഴ്ച ഷി പരിശോധിച്ചു.
നൂറ്റാണ്ടില് ലോകം കണ്ടിട്ടില്ലാത്ത കൂടുതല് ആഴത്തിലുള്ള മാറ്റങ്ങള്ക്ക് വിധേയമായിക്കൊണ്ടിരിക്കുകയാണ്. ദേശീയ സുരക്ഷ വര്ദ്ധിച്ച അസ്ഥിരതയും അനിശ്ചിതത്വവും അഭിമുഖീകരിക്കുന്നു. രാജ്യത്തിന്റെ സൈനിക ചുമതലകള് കഠിനമായി തുടരുന്നു. മുഴുവന് സൈന്യവും തങ്ങളുടെ എല്ലാ പ്രവര്ത്തനങ്ങളും യുദ്ധ സന്നദ്ധതയ്ക്കായി വിനിയോഗിക്കണമെന്ന് അദ്ദേഹം ആവശ്യപ്പെട്ടു.
ദേശീയ പരമാധികാരം, സുരക്ഷ, വികസന താല്പ്പര്യങ്ങള് എന്നിവ ദൃഢനിശ്ചയത്തോടെ സംരക്ഷിക്കാനും പാര്ട്ടിയും ജനങ്ങളും ഏല്പ്പിച്ച വിവിധ ചുമതലകള് വിജയകരമായി പൂര്ത്തിയാക്കാനും ഷി നിര്ദേശിച്ചതായി ചൈനീസ് മാധ്യമങ്ങള് പറയുന്നു. 2027-ഓടെ പി എല് എയെ ഒരു ലോകോത്തര സായുധ സേനയാക്കി യു എസ് സായുധ സേനയ്ക്ക് തുല്യമാക്കാനാണ് ഷീ ജിന്പിംഗിന്റെ നീക്കം.
ഇത് സാധ്യമാക്കാന് കഴിയുന്നതെല്ലാം ചെയ്യണം എന്നും അദ്ദേഹം പറഞ്ഞു. പ്രാദേശിക യുദ്ധങ്ങളിലെ വിജയം ഒരു ലക്ഷ്യമായി നിശ്ചയിച്ച് പരിശീലനവും യുദ്ധത്തിനുള്ള തയ്യാറെടുപ്പും മെച്ചപ്പെടുത്താനും ഷി ജിന്പിംഗ് പി എല് എയോട് പറഞ്ഞു. സൈനിക സേനയുടെ സാധാരണവും വൈവിധ്യപൂര്ണ്ണവുമായ ഉപയോഗം ഞങ്ങള് ശക്തിപ്പെടുത്തും.
അതേസമയം സമാധാനത്തില് നിന്ന് യുദ്ധത്തിലേക്ക് അതിവേഗം മാറുന്നതിന് പി എല് എ തയ്യാറെടുക്കണമെന്ന് സിഎംസിയുടെ മുന് വൈസ് ചെയര്മാനായിരുന്ന റിട്ടയേര്ഡ് എയര്ഫോഴ്സ് ജനറല് സൂ ക്വിലിയാങ് പറഞ്ഞു.
Click it and Unblock the Notifications
Sign in with Google