Queen Elizabeth II : എലിസബത്ത് രാജ്ഞി അന്തരിച്ചു;അന്ത്യം സ്കോട്ലന്റിലെ ബാൽമോറൽ കാസിലിൽ
ലണ്ടന്: എലിസബത്ത് രാജ്ഞി അന്തരിച്ചു. 96 വയസ്സായിരുന്നു. സ്കോട്ലന്റിലെ ബാല്മോറല് കാസിലിലാണ് അന്ത്യം. എലിസബത്ത് രാജ്ഞിയുടെ ആരോഗ്യനില മോശമായെന്ന് റിപ്പോര്ട്ടുകള് വന്നിരുന്നു. രാജ്ഞിയുടെ ആരോഗ്യസ്ഥിതിയില് ആശങ്കയുണ്ടെന്നും ഡോക്ടര്മാരുടെ നിരീക്ഷണത്തിലാണെന്നും ബക്കിങ്ങാം കൊട്ടാര വൃത്തങ്ങള് അറിയിച്ചിരുന്നു. ഇതിന് പിന്നാലെയാണ് രാജ്ഞി അന്തരിച്ചുവെന്ന വാര്ത്ത പുറത്തുവന്നിരിക്കുന്നത്.
ആരോഗ്യപ്രശ്നങ്ങൾ ഉള്ളതിനാൽ കഴിഞ്ഞ വർഷം ഒക്ടോബർ മുതൽ ഡോക്ടർമാരുടെ പരിചരണത്തിലായിരുന്നു രാജ്ഞി. കിരീടാവകാശിയായ ചാൾസ് രാജകുമാരനും ഭാര്യ കാമിലയും രാജ്ഞിയുടെ മകൾ പ്രിൻസസ് ആനിയും ബാൽമോറൽ കാസിലിൽ രാജ്ഞിക്കൊപ്പം ഉണ്ടായിരുന്നു.
കിരീടധാരണത്തിൻറെ എഴുപതാം വർഷത്തിലാണ് രാജ്ഞി അന്തരിച്ചിരിക്കുന്നത്. 1952 ൽ ആണ് എലിസബത്ത് രാജ്ഞി രാജഭരണമേറ്റത്. 1953 ൽ ആയിരുന്നു വെസ്റ്റ്മിനിസ്റ്റർ ആബിയിൽ കിരീടധാരണം. ഏറ്റവും കൂടുതൽ കാലം ബ്രിട്ടൻ ഭരിച്ച ഭരണാധികാരിയാണ് എലിസബത്ത് രാജ്ഞി.
Click it and Unblock the Notifications
Sign in with Google