ആകാശത്ത് വീണ്ടും അജ്ഞാത ദൃശ്യം; ഇത്തവണ യുഎസ്സില്‍, പറക്കും തളികയാണോ?

Updated: Wednesday, December 21, 2022, 11:38 [IST]

വാഷിംഗ്ടണ്‍: യുഎസ്സില്‍ ആകാശത്ത് മിനുട്ടുകള്‍ നീണ്ടുനില്‍ക്കുന്ന അജ്ഞാത ദൃശ്യം. ഇവ കൂട്ടത്തോടെ സഞ്ചരിക്കുന്നതാണ് ഈ ദൃശ്യങ്ങളെന്ന് സൂചനയുണ്ട്. പോലീസ് ഈ വിഷയത്തില്‍ അന്വേഷണം ആരംഭിച്ചിരിക്കുകയാണ്. അജ്ഞാതമായ വെളുത്ത നിറത്തിലുള്ള ദൃശ്യങ്ങളാണ് രാത്രിയില്‍ ദൃശ്യമായത്.

വിന്‍സ്‌കോന്‍സിനിലെ ഗ്രാമീണ മേഖലയിലെ ഒരു കര്‍ഷക ഭൂമിക്ക് മുകളിലായിട്ടാണ് ഇത് കണ്ടെത്തിയിരിക്കുന്നത്. വെസ്റ്റ് ബ്രെന്‍ഡ്, ഫ്രെഡോനിയ എന്നിവിടങ്ങളില്‍ നിന്ന് എടുത്ത ദൃശ്യങ്ങളാണ് ഇപ്പോള്‍ സോഷ്യല്‍ മീഡിയയില്‍ പ്രചരിക്കുന്നത്. നാല് പ്രകാശ വസ്തുക്കള്‍ ആകാശത്തിലൂടെ സഞ്ചരിക്കുന്നതാണ് കാണാന്‍ കഴിയുക.

ഇതിനിടെ അഞ്ചാമതൊരു പ്രകാശ വസ്തു കൂടി കടന്നുവരികയും, ഇവ സഞ്ചരിച്ച് അഞ്ച് വെളിച്ചവും ഒരു പോലെ ചക്രവാളത്തില്‍ മറയുന്നതുമാണ് കാണാന്‍ സാധിക്കുന്നത്. നാട്ടുകാരെ മുഴുവന്‍ ഭയപ്പെടുത്തിയിരിക്കുകയാണ് ഈ ദൃശ്യങ്ങള്‍. എന്നാല്‍ ഇവ വെറും സെര്‍ച്ച് ലൈറ്റുകള്‍ മാത്രമാണെന്ന വാദങ്ങളെയും നാട്ടുകാര്‍ തള്ളുന്നു.

അതേസമയം പോലീസിനെ വിളിച്ച് നാട്ടുകാര്‍ വിവരം പറഞ്ഞതോടെ കാര്യം ഗൗരവമായി മാറിയിരിക്കുകയാണ്. പോലീസ് ഈ സംഭവം അന്വേഷിക്കുന്നുണ്ടെന്ന് മുന്‍ എഫ്ബിഐ ഏജന്റ് ബെന്‍ ഹാന്‍സന്‍ പറഞ്ഞു. പോലീസ് ഷൂട്ട് ചെയ്ത ദൃശ്യങ്ങള്‍ പരിശോധിച്ച് വരികയാണ്.

രണ്ട് ദൃക്‌സാക്ഷികള്‍ ഈ അജ്ഞാത വെളിച്ചങ്ങളുടെ ദൃശ്യം പകര്‍ത്തിയിട്ടുണ്ട്. രണ്ട് വ്യത്യസ്ത ഇടങ്ങളിലായിട്ടാണ് ഇവര്‍ ദൃശ്യങ്ങള്‍ ഷൂട്ട് ചെയ്തത്. രാത്രി പത്തേ മുക്കാലോടെ ഭര്‍ത്താവുമൊത്തെ വീട്ടിലേക്ക് ഡ്രൈവ് ചെയ്ത് പോകുന്നതിനിടെയാണ് വെളുത്ത നിറത്തിലുള്ള എന്തോ തിളങ്ങുന്നത് കണ്ടതെന്ന് 52കാരിയായ കിമ്പര്‍ലി പറയുന്നു.

വെസ്റ്റ് ബെന്‍ഡില്‍ വെച്ചായിരുന്നു ഈ കാഴ്ച്ച കണ്ടത്. ഒരു വെളുത്ത മൂങ്ങയാണെന്നാണ് കരുതിയത്. മൂന്ന് തവണ ഇത് രണ്ട് ദിക്കിലേക്കും പോയി. അതോടെ മൂങ്ങയല്ലെന്ന് മനസ്സിലായത്. താനും ഭര്‍ത്താവും നിന്നതിന്റെ മുകളില്‍ അത് നില്‍ക്കുന്നതായി കണ്ടിരുന്നുവെന്ന് കിമ്പര്‍ലി പറഞ്ഞു.

Hair Growth: മുടി പനങ്കുല പോലെ വളരണോ; അധികമൊന്നും മെനക്കെടേണ്ട, സ്ഥിരമായി ഇതൊക്കെ ഒന്ന് കഴിക്കൂ!!

അതേസമയം ഭയന്ന് പോയ ഇവര്‍ കാറിനുള്ളില്‍ നിന്നാണ് ഈ വീഡിയോ എടുത്തിരിക്കുന്നത്. എന്താണ് കാണുന്നതെന്ന് മനസ്സിലായിരുന്നില്ലെന്നും ഇവര്‍ പറഞ്ഞു. മുന്‍ പോലീസുകാരനായ കെന്‍ എന്നയാളും ഈ പറക്കുംതളികാ രൂപത്തിന്റെ ദൃശ്യങ്ങള്‍ പകര്‍ത്തിയിട്ടുണ്ട്. ഫ്രെഡോണിയയിലാണ് ഇയാളുടെ വീട്.

അതായത് കിമ്പര്‍ലി ഈ ദൃശ്യങ്ങള്‍ കണ്ടതിന്റെ അഞ്ച് മൈല്‍ അകലെ മാത്രം. ആ സമയം ആകാശം മേഘങ്ങളാല്‍ മൂടിയിരുന്നു. എന്നാല്‍ ഇടിയോ മിന്നലോ ഒന്നുമുണ്ടായിരുന്നില്ലെന്ന് കെന്‍ പറഞ്ഞു. മൂന്നാമത്തെ ദൃക്‌സാക്ഷി ആന്‍ഡ്രിയ ലിന്‍ ഇതിന്റെ നാല് ദൃശ്യങ്ങള്‍ പകര്‍ത്തിയിട്ടുണ്ട്.