അഫ്ഗാന്‍ ദൗത്യത്തില്‍ യുഎസ് പൂര്‍ണ്ണ പരാജയം: ഇന്ത്യയുടെ ഇടപെടല്‍ സ്വാഗതാര്‍ഹം: ഹാമിദ് കര്‍സായി

Updated: Sunday, July 4, 2021, 16:56 [IST]

അഫ്ഗാന്‍ ദൗത്യത്തില്‍ അമേരിക്കന്‍ സൈന്യം പരാജയമായിരുന്നുവെന്ന് മുന്‍ അഫ്ഗാനിസ്ഥാന്‍ പ്രസിഡന്‍റ് ഹമീദ് കര്‍സായി. പ്രാദേശിക സുരക്ഷാ പരിഹാരങ്ങൾ റഷ്യ, ചൈന, ഇറാൻ, ഇന്ത്യ എന്നിവയെ ആശ്രയിച്ചിരിക്കുന്നുവെന്നും ദ ഹിന്ദുവിന്‍റെ നല്‍കിയ അഭിമുഖത്തില്‍ കര്‍സായി പറയുന്നു. പാകിസ്താന്‍റെ ഭാഗത്ത് നിന്നുള്ള തീവ്രവാദ പ്രവര്‍ത്തനങ്ങള്‍ അവസാനിപ്പിക്കുന്നതിനും ഇതില്‍ നിര്‍ണ്ണായക പങ്കുണ്ട്. താലിബാനും പാകിസ്താനുമായും ചര്‍ച്ചകള്‍ തുടരുമെന്നും അദ്ദേഹം കൂട്ടിച്ചേര്‍ത്തു.

അമേരിക്കയുടെ ചരിത്രത്തിലെ ഏറ്റവും നീണ്ടയുദ്ധം അവസാനിപ്പിച്ച് അവരുടെ സൈന്യം അഫ്ഗാനിസ്താന്‍ വിടുന്നതിന്‍റെ പശ്ചാത്തലത്തില്‍ കൂടിയായിരുന്നു കര്‍സായിയുടെ പരാമര്‍ശം.

സില്‍വര്‍ സിന്ധു; ഇന്ത്യയുടെ ആദ്യ വനിതാ ഒളിംപിക്‌സ് വെള്ളി മെഡല്‍ വിജയിയെക്കുറിച്ച് അറിയാം

അഫ്ഗാനിസ്താനിൽ തീവ്രവാദമോ മറ്റ് വിഘടനവാദ പ്രവര്‍ത്തനങ്ങളോ ഉണ്ടായിരുന്നില്ലെന്നാണ് എന്‍റെ കാഴ്ചപ്പാട്. സെപ്റ്റംബർ 11 ലെ ദുരന്തത്തിനുശേഷം അമേരിക്കയും സഖ്യകക്ഷികളും അഫ്ഗാനിസ്ഥാനിലെത്തിയപ്പോൾ ബഹുഭൂരിപക്ഷം ആളുകളും അവരെ പൂർണ്ണഹൃദയത്തോടെ സ്വീകരിച്ചു. അഫ്ഗാൻ ജനതയുടെ പരിശ്രമംകൊണ്ടും ഇന്ത്യ ഉള്‍പ്പടേയുള്ള അന്താരാഷ്ട്ര സമൂഹങ്ങളുടെ പിന്തുണയും കൊണ്ട് പടുതുയര്‍ത്തപ്പെട്ട രാജ്യമാണ് അഫ്ഗാനിസ്താന്‍. ഞങ്ങളെ സഹായിച്ച എല്ലാവരോടും ഞങ്ങൾ നന്ദി പറയുന്നു.

എന്നാല്‍ ഇപ്പോള്‍ ഞങ്ങള്‍ പ്രശ്നങ്ങള്‍ നേരിടുന്നു. അമേരിക്ക ആവർത്തിച്ച് പറഞ്ഞത് അഫ്ഗാനിസ്ഥാനിലെ അവരുടെ സാന്നിധ്യം തീവ്രവാദത്തിനെയുള്ള പോരാട്ടത്തില്‍ സ്ഥിരത കൈവരിക്കുമെന്നാണ്. എന്നാല്‍ അത് തീര്‍ത്തും പരാജയപ്പെട്ടു. ഞങ്ങളുടെ അവസ്ഥ കൂടുതല്‍ ദയനീയമായി. ഒന്നര മാസം മുമ്പ്, 85 ലധികം സ്കൂളില്‍ പോകുന്ന പെൺകുട്ടികളും കൗമാരക്കാരും കൊല്ലപ്പെട്ടു. ഐസ് അതിന്‍റെ ഉത്തരവാദിത്തം ഏറ്റെടുത്തു. യുഎസ്, നാറ്റോ സേനകളുടെ സാന്നിധ്യത്തിൽ അവർ പ്രഖ്യാപിച്ച ദൗത്യത്തിനെതിരായിട്ടാണ് ഈ തീവ്രവാദം ഇവിടെ വളര്‍ന്ന് വന്നതെന്നും കര്‍സായി പറയുന്നു.

താലിബാൻ നമ്മുടേതിന് സമാനമായ രാജ്യമാണ്. ഞങ്ങള്‍ ഒരേ രാജ്യത്തിൽ പെട്ടവരാണ്, അതിനാൽ ഞങ്ങൾ ഒരുമിച്ച് ഇരുന്ന് പ്രശ്നങ്ങള്‍ ചര്‍ച്ച ചെയ്യണം. ഞങ്ങള്‍ അഫ്ഗാനികൾ മരിക്കുന്നത് ഒരു വിദേശ ഗൂഢാലോചനയുടെ ഇരകളായിട്ടാവരുത്. മറ്റുള്ളവർ ഇതിലൂടെയൊക്കെ ലാഭം കൊയ്യുകയാണ്. അതിനാൽ തന്നെ, അഫ്ഗാനിസ്ഥാനിൽ സമാധാനവും നമ്മുടെ രാജ്യത്തിന് സ്ഥിരതയും നൽകുന്ന ഏതൊരു സംവിധാനത്തിനും പരിഹാരം അഫ്ഗാൻ ജനത പൂർണ്ണഹൃദയത്തോടെ പ്രവർത്തിക്കുമെന്നും കര്‍സായി പറയുന്നു.

ഇന്ത്യ അഫ്ഗാനിസ്ഥാന്റെ പഴയ സുഹൃത്താണ്. ഞാൻ ഇന്ത്യൻ വിദ്യാഭ്യാസത്തിന്റെ ഒരു ഉൽപ്പന്നമാണ്, അതിൽ ഞാൻ അഭിമാനിക്കുന്നു, അതിൽ ഞാൻ വളരെ സന്തുഷ്ടനുമാണ്. ഇന്ത്യ വളരെ നല്ലൊരു സഖ്യകക്ഷിയാുമാണ്. അഫ്ഗാനിസ്ഥാനിൽ ഇന്ത്യ മുന്‍കൈ എടുത്ത് നടപ്പാക്കിയ വിവിധ പുനർനിർമ്മാണ, വികസന പദ്ധതികൾ ഉണ്ട്. ദക്ഷിണേഷ്യ സമാധാനപരമായിരിക്കണമെന്നും നാമെല്ലാവരും ഒരുമിച്ച് ജീവിക്കണം എന്ന കാഴ്ചപ്പാട് വളരെക്കാലമായി എനിക്കുണ്ട്.

യൂറോപ്യൻ യൂണിയൻ ഇപ്പോൾ അവിടത്തെ രാജ്യങ്ങള്‍ക്കിടയില്‍ വളരെ ലാഭകരവും സ്വതന്ത്രവുമായ ആശയവിനിമയം നടത്തുന്നത് ഒരു മികച്ച ഉദാഹരണമാണ്. അത് ഇവിടേയും സംഭവിക്കാന്‍ സമാധാനം വേണം. ഇന്ത്യ അതിന് മുന്‍കൈ എടുക്കുന്നത് സ്വാഗതം ചെയ്യുന്നു. താലിബാനുമായി ഇന്ത്യ നടത്തിയ ചർച്ചകളെ ഞാൻ സ്വാഗതം ചെയ്യുന്നു. ഇത് വളരെ വൈകിയെന്നാണ് ഞാൻ കരുതുന്നു. ചര്‍ച്ചയെ പറ്റി എനിക്ക് ഇന്ത്യാ സർക്കാരിൽ നിന്നോ താലിബാനിൽ നിന്നോ പ്രാഥമിക വിവരങ്ങൾ ഇല്ലെന്നും അദ്ദേഹം കൂട്ടിച്ചേര്‍ക്കുന്നു.

ഹോട്ട് ലുക്കില്‍ ആരാധകരെ ഞെട്ടിച്ച് യഷിക ആനന്ദ്; വൈറലായി പുതിയ ഫോട്ടോഷൂട്ട്