Click it and Unblock the Notifications
Just In
Don't Miss
-
IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ് -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
കോണ്‍ഗ്രസ് വര്‍ഗീയ ശക്തികളുടെ ബീ ടീമായി മാറി: എം.വി ഗോവിന്ദന്‍
തലശേരി: ജാഥ നടത്തിയത് കൊണ്ട് മാത്രം ഒരു രാഷ്ട്രീയ പാര്‍ട്ടിക്ക് നിലനില്‍കാനാവില്ലെന്നും രാഷ്ട്രീയ നിലപാടാണ് പ്രധാനമെന്നും സി.പി.എം സംസ്ഥാന സെക്രട്ടറി എം വി ഗോവിന്ദന്‍. മതനിരപേക്ഷ ഉള്ളടക്കത്തെ അടിസ്ഥാനമാക്കിയുള്ള ജനാധിപത്യ സംവിധാനത്തിനായി പൊരുതാന്‍ കോണ്‍ഗ്രസിന് സാധിക്കുന്നില്ല.
വര്‍ഗീയ ശക്തിയുടെ ബി ടീമായി മാറിയ കോണ്‍ഗ്രസിന് രാജ്യം നേരിടുന്ന വെല്ലുവിളിയെ എങ്ങനെ നേരിടാനാവുമെന്നും എം വി ഗോവിന്ദന്‍ ചോദിച്ചു. എരഞ്ഞോളി തച്ചോളിമുക്കില്‍ സിപിഐഎം നിര്‍മച്ച സ്നേഹവീട് കൈമാറി സംസാരിക്കുകയായിരുന്നു അദ്ദേഹം. ബിജെപിയെ ശക്തമായി എതിര്‍ക്കുന്ന, മതനിരപേക്ഷ ഉള്ളടക്കത്തോടെയുള്ള ബദല്‍ കേരളവും എല്‍ഡിഎഫ് സര്‍ക്കാറുമാണ്.
ഇടതുപക്ഷ സ്വഭാവമുള്ള രാജ്യത്തെ ഒരേയൊരു സര്‍ക്കാറാണിത്. ബാക്കി ഓരോ സര്‍ക്കാറിനെയും വിലക്കെടുത്ത് തകര്‍ക്കുകയാണ്. സര്‍ക്കാറുകളെ അസ്ഥിരീകരിക്കാന്‍ പണവും ഭരണസംവിധാനവും ഉപയോഗിക്കുന്നു. അതാണ് മഹാരാഷ്ട്രയില്‍ കണ്ടത്. തകര്‍ക്കാനുളള ശ്രമത്തെ മുന്‍കൂട്ടി മനസിലാക്കി ബിഹാറില്‍ നിതീഷിന് പിടിച്ചുനില്‍ക്കാനായി.
ഡല്‍ഹിയിലും എംഎല്‍എമാരെ വിലക്കുവാങ്ങി സര്‍ക്കാറിനെ തകര്‍ക്കാനുള്ള നീക്കം ആരംഭിച്ചു. എല്‍ഡിഎഫ് സര്‍ക്കാറിനെ തകര്‍ക്കാന്‍ ആവനാഴിയിലെ സകല അസ്ത്രവും പ്രയോഗിക്കുന്നു. ബിജെപിയും കോണ്‍ഗ്രസും ജമാഅത്തെ ഇസ്ലാമിയും ആര്‍എസ്എസും വര്‍ഗീയപാര്‍ടികള്‍ മുഴുവന്‍ ഇതിനായ ഒരേ പ്ലാറ്റ്ഫോമില്‍ പ്രവര്‍ത്തിക്കുന്നു.
ഓണാഘോഷം കഴിഞ്ഞില്ലേ..? സാരിയില്‍ തിളങ്ങി പാര്‍വതി, വൈറല്‍ ചിത്രങ്ങള്‍
എല്ലാ പിന്തിരിപ്പന്‍ ശക്തികളും ഇതിനായി നിരന്തരം ശ്രമിക്കുകയാണെന്നും എം വി ഗോവിന്ദന്‍ പറഞ്ഞു. ഓരോ ലോക്കലിലും ഒരു കുടുംബത്തിന് വീട് നിര്‍മ്മിച്ച് നല്‍കാനാണ് സിപിഎം തീരുമാനിച്ചത്. എരഞ്ഞോളിയില്‍ ഏഴ് വീട് നിര്‍മിച്ച് എട്ടാമത്തെ വീടിന്റെ പ്രവൃത്തിയിലാണ്. വലിയ മുന്നേറ്റമാണ് എരഞ്ഞോളി ലോക്കലില്‍ ഉണ്ടായത്.
അഭിമാനകരമായ നേട്ടമാണിത്. ഏഴ് വീടെടുത്ത ലോക്കല്‍ കമ്മിറ്റികള്‍ സംസ്ഥാനത്ത് അപൂര്‍വമായിരിക്കും. ലോകത്തെ കമ്യൂണിസ്റ്റ് സാന്ദ്രതയേറിയ പ്രധാന കേന്ദ്രങ്ങളിലൊന്നാണ് എരഞ്ഞോളിയെന്നും എം വി ഗോവിന്ദന്‍ പറഞ്ഞു. തലശേരി ഏരിയാസെക്രട്ടറി എം.സി രമേശന്‍ ചടങ്ങില്‍ അധ്യക്ഷനായി.
