കന്നിവോട്ടറായ സാന്ദ്രയ്ക്ക് തിരുവനന്തപുരത്ത് 18 വോട്ടുകള്‍, വോട്ട് വന്ന വഴി അറിയാതെ കോണ്‍ഗ്രസ്

തിരുവനന്തപുരം: ഈ തിരഞ്ഞെടുപ്പില്‍ കന്നിവോട്ടിന് ഒരുങ്ങുകയാണ് സാന്ദ്ര. വീറുറ്റ പോരാട്ടം നടക്കുന്ന തിരുവനന്തപുരത്താണ് സാന്ദ്രയ്ക്ക് വോട്ട്. എന്നാല്‍ സാന്ദ്രയ്ക്ക് ഇത്തവണയുള്ളത് 18 വോട്ടുകളാണ്. പരിശോധനയില്‍ തിരഞ്ഞെടുപ്പ് കമ്മീഷനും ഞെട്ടിയിരിക്കുകയാണ്. വോട്ടര്‍ പട്ടികയില്‍ ഉള്ളത് ഗുരുതര പിഴവുകളാണെന്ന് വ്യക്തമാകുകയാണ്. കന്നിവോട്ടറാണ് സാന്ദ്രയുടെ പേരിലാണ് ഒരേ മണ്ഡലത്തില്‍ പതിനെട്ട് വോട്ടുകളുള്ളത്. ഓണ്‍ലൈനായിട്ടാണ് സാന്ദ്ര അപേക്ഷ നല്‍കിയത്. വോട്ടുകള്‍ എങ്ങനെ വന്നുവെന്ന കാര്യം കുട്ടിയുടെ വീട്ടുകാര്‍ക്കും അറിയില്ല.

വിഎസ് ശിവകുമാറും ആന്റണി രാജുവും ജി കൃഷ്ണകുമാറുമാണ് ഈ മണ്ഡലത്തില്‍ ഏറ്റുമുട്ടത്. പാര്‍ട്ടി പ്രവര്‍ത്തകര്‍ ഈ മണ്ഡലത്തിലെ വോട്ടര്‍ പട്ടിക പരിശോധിച്ചപ്പോഴാണ് സാന്ദ്രയുടെ പേര് പതിനെട്ടിടത്ത് കണ്ടെത്തിയത്. സാന്ദ്ര എസ് പെരേര എന്നാണ് പെണ്‍കുട്ടിയുടെ പേര്. ബൂത്ത് നമ്പര്‍ മുപ്പതിലും 134ലും 129ലും എല്ലാം സാന്ദ്രയുടെ പേരുണ്ട്. ഇവരെ അന്വേഷിച്ച് ഒടുവില്‍ പ്രവര്‍ത്തകര്‍ കണ്ടെത്തി. എന്നാല്‍ ഇവര്‍ക്ക് കാര്യങ്ങള്‍ പരസ്യമായി പറയാന്‍ പേടി. വലിയതുറ സ്വദേശിയും നഴ്‌സിംഗ് വിദ്യാര്‍ത്ഥിയുമാണ് പത്തൊമ്പതുകാരിയായ സാന്ദ്ര.

കന്നവോട്ടിനായി അഞ്ച് മാസം മുമ്പ് മൊബൈല്‍ ആപ്പ് വഴിയാണ് വോട്ടര്‍ പട്ടികയില്‍ പേര് ചേര്‍ക്കാന്‍ സാന്ദ്ര അപേക്ഷ നല്‍കിയത്. തനിക്ക് മറ്റൊന്നും അവര്‍ക്കറിയില്ലെന്ന് സാന്ദ്ര പറയുന്നു. കുടുംബവും ഇക്കാര്യം സ്ഥിരീകരിക്കുന്നു. ഇത്രയും ഇടത്ത് പേരുകള്‍ എങ്ങനെ വന്നുവെന്നത് അജ്ഞാതം. സാന്ദ്രയുടെ കുടുംബം ആരോടും പ്രത്യേകം രാഷ്ട്രീയ ആഭിമുഖ്യമുള്ളവരല്ല. ഇവര്‍ ഫോട്ടോയ മറ്റ് രേഖകളോ ആര്‍ക്കും നല്‍കിയിട്ടുമില്ല. അപേക്ഷ നല്‍കിയപ്പോള്‍ അത് ആവര്‍ത്തിച്ച് നല്‍കിയിട്ടുമില്ല. അതുകൊണ്ട് തന്നെ വോട്ട് ആവര്‍ത്തിച്ചത് എങ്ങനെയെന്ന് ഉദ്യോഗസ്ഥര്‍ തന്നെ വിശദീകരണമെന്നാണ് കുടുംബത്തിന്റെ നിലപാട്.

അതേസമയം പതിനെട്ടിടത്ത് പേരുണ്ടെങ്കിലും ഒരു തിരിച്ചറിയാല്‍ കാര്‍ഡ് മാത്രമാണ് നല്‍കിയതെന്നും, ആ മേല്‍വിലാസത്തില്‍ മാത്രമാണ് വോട്ട് ചെയ്യാനാവുകയെന്നും തിരഞ്ഞെടുപ്പ് കമ്മീഷന്‍ പറയുന്നു. ബാക്കിയുള്ളതെല്ലാം റദ്ദാക്കി. ഇതിനിടെ പ്രതിപക്ഷ നേതാവിനെതിരെ തിരഞ്ഞെടുപ്പ് കമ്മീഷന്‍ രംഗത്തെത്തി. ചെന്നിത്തലയുടെ പരാതി പതിനൊന്നാം മണിക്കൂറിലെന്ന് തിരഞ്ഞെടുപ്പ് കമ്മീഷന്‍ ആരോപിച്ചു. പിഴവ് തിരുത്താനുള്ള അവസരങ്ങള്‍ ഉപയോഗപ്പെടുത്തിയില്ലെന്നും സത്യവാങ്മൂലത്തില്‍ പറയുന്നു.

English summary

18 votes for a first time voter in thiruvanathapuram, she doesnt know about it