കെസി ജോസഫിനെ സുധാകരന് അപമാനിച്ചു, പരാതിയുമായി എ ഗ്രൂപ്പ്; കോണ്ഗ്രസില് പുതിയ തര്ക്കം
തിരുവനന്തപുരം: സംസ്ഥാന കോണ്ഗ്രസില് പുതിയ തര്ക്കം. ബി ജെ പിയുടെ ക്രൈസ്തവ സഭകളോടുള്ള പുതിയ സമീപനത്തെ പ്രതിരോധിക്കാന് കച്ചക്കെട്ടിയിറങ്ങിയതിന് പിന്നാലെയാണ് ഇതേ വിഷയത്തില് കോണ്ഗ്രസിന് ഉള്ളില് ഭിന്നത മൂര്ച്ഛിച്ചത്. മുതിര്ന്ന നേതാവ് കെ സി ജോസഫിനെ കെ പി സി സി അധ്യക്ഷന് കെ സുധാകരന് പരസ്യമായി അപമാനിച്ചു എന്നാണ് എ ഗ്രൂപ്പിന്റെ പരാതി.
ബി ജെ പിയുടെ സഭാ നയതന്ത്രത്തെ ഗൗരവമായി കാണണം എന്ന് ചൂണ്ടിക്കാട്ടി കെ സി ജോസഫ് നേതൃത്വത്തിന് കത്ത് നല്കിയിരുന്നു. ഇതിന് പിന്നാലെയാണ് ബി ജെ പിയുടെ സഭാ നയതന്ത്രത്തിന് മറുമരുന്നുമായി അരമനകള് കയറിയിറങ്ങാന് കോണ്ഗ്രസ് തീരുമാനിച്ചത്. എന്നാല് ഇതിന് പിന്നാലെ കെ സുധാകരന് കെ സി ജോസഫിന് എതിരെ പരോക്ഷമായി നടത്തിയ പരാമര്ശമാണ് എ ഗ്രൂപ്പിനെ ചൊടിപ്പിച്ചത്.
കെ സി ജോസഫിന്റെ കത്തിന്റെ പശ്ചാത്തലത്തിലാണ് ബിഷപ്പുമാരെ കാണുന്നത് എന്നിരിക്കെ അദ്ദേഹത്തെ അപമാനിച്ചത് ശരിയായില്ല എന്നാണ് എ ഗ്രൂപ്പ് പറയുന്നത്. തലശ്ശേരി അതിരൂപതാ ആര്ച്ച് ബിഷപ്പ് മാര് ജോസഫ് പാംപ്ലാനിയുമായി കെ സുധാകരന് കഴിഞ്ഞ ദിവസം കൂടിക്കാഴ്ച നടത്തിയിരുന്നു. ഇതിന് പിന്നാലെയാണ് കെ സുധാകരന് കെ സി ജോസഫിനെതിരെ പരാമര്ശം നടത്തിയത്.
കെ സി ജോസഫിന്റെ കത്തില് ബി ജെ പി നേതാക്കളുടെ സന്ദര്ശനത്തെക്കുറിച്ച് ചില പരാമര്ശങ്ങള് ഉണ്ടായിരുന്നു. ഇതിനെ കുറിച്ച് ചോദിച്ചപ്പോള് ആണ് ഈ പരാമര്ശം അപക്വമായിപ്പോയി എന്ന് കെ സുധാകരന് പറഞ്ഞത്. പാര്ട്ടിക്ക് അകത്ത് ആരും കുത്തിത്തിരിപ്പുണ്ടാക്കിയില്ലെങ്കില് ആശങ്കയില്ല എന്നും കെ സുധാകരന് വ്യക്തമാക്കിയിരുന്നു. ഇതോടെയാണ് എ ഗ്രൂപ്പ് എതിര്പ്പുമായി രംഗത്തെത്തിയത്.
കെ സി ജോസഫ് കത്ത് നല്കി 24 മണിക്കൂര് പിന്നിടും മുന്പേ മത മേലധ്യക്ഷന്മാരെ കാണാന് തീരുമാനിച്ച കെ പി സി സി പ്രസിഡന്റ്, പിന്നെ എന്തിനാണ് കെ സി ജോസഫിനെ അപമാനിക്കുന്ന തരത്തില് സംസാരിച്ചത് എന്നാണ് എ ഗ്രൂപ്പ ഉന്നയിക്കുന്ന ചോദ്യം. ന്യൂനപക്ഷ സമുദായത്തെ പ്രീണിപ്പിക്കാന് ബി ജെ പി നടത്തുന്ന ശ്രമങ്ങളും അതിനോടുള്ള ബിഷപ്പുമാരുടെ പ്രതികരണവും ഗൗരവമായി കാണണം എന്നാണ് കെ സി ജോസഫ് കത്തില് പറഞ്ഞിരുന്നത്.
Marriage Tips: വിവാഹത്തിന് എന്തിന് സമ്മതിക്കണം..? ഇതാ ചില കാരണങ്ങള്
പുതിയ രാഷ്ട്രീയ നീക്കങ്ങളുടെ പശ്ചാത്തലത്തില് രാഷ്ട്രീയകാര്യ സമിതി യോഗം വിളിക്കണം എന്നും കെ സി ജോസഫ് കെ സുധാകരന് നല്കിയ കത്തില് ആവശ്യപ്പെട്ടിരുന്നു. ക്രൈസ്തവ വിഭാഗത്തെ ഒപ്പം നിര്ത്താനുള്ള ബി ജെ പി നീക്കത്തില് കോണ്ഗ്രസിലെ മറ്റ് ചില നേതാക്കള്ക്കും ആശങ്കയുണ്ട്. കേരള കോണ്ഗ്രസ് എം യു ഡി എഫ് വിട്ടതോടെ ഈ വോട്ട് ബാങ്കില് വിള്ളലുണ്ടായിട്ടുണ്ട് എന്നാണ് നേതാക്കളുടെ വിലയിരുത്തല്.
-
1 ലക്ഷം രൂപക്ക് 2 പവൻ സ്വർണം കിട്ടുമോ? സ്വർണ പ്രേമികൾക്ക് ആഘോഷം..വില ഇനിയും കുത്തനെ താഴോട്ട് -
സ്വർണ വില കുറഞ്ഞിട്ടും മലയാളികൾ വാങ്ങുന്നില്ല, ഒരേയൊരു കാരണം; പ്രതിസന്ധി പങ്കുവെച്ച് വ്യാപാരികൾ -
സ്വർണ വില തകർന്ന് താഴെ: ഗ്രാം വില 12,000ത്തിനും താഴേക്ക്? പവൻ വിലയിൽ വമ്പൻ ട്വിസ്റ്റ് ഉണ്ടാകും? -
ഇനി ഒരു മാസത്തേക്ക് തിരിഞ്ഞുനോക്കേണ്ട.. വിഷു വരെ ഈ രാശിക്കാര്ക്ക് നല്ലകാലം -
വിലപിടിപ്പുള്ള ഗൃഹോപകരണങ്ങള് വാങ്ങിക്കും, സ്ഥലം മാറ്റത്തിന് ഉത്തരവ് ലഭിക്കും, വിവാഹകാര്യത്തിൽ തീരുമാനം -
സമ്മർ ഇൻ ബെത്ലഹേമിലെ 'ആ രഹസ്യം' പുറത്ത്..';ഡിലീറ്റഡ് വീഡിയോ പങ്കിട്ട് അണിയറക്കാർ..മോഹൻലാലും മഞ്ജു വാര്യരും' -
73 മിനുറ്റ് കൊണ്ട് ബുള്ളറ്റ് ട്രൈയിനിൽ ബെംഗളൂരുവിലെത്താം, ഇതൊക്കെ നടക്കുന്ന കാര്യമാണോ? സോഷ്യൽ മീഡിയാ ചർച്ച -
സ്വർണ വിലയിൽ ഇന്ന് വൻ തകർച്ച; പവന് 2000ത്തിന് മേലെ വീണ്ടും കുറഞ്ഞു,22 കാരറ്റിന് 60,000 രൂപയെങ്കിലും ആകുമോ? -
ശനിയും ചൊവ്വയും ഒരുമിക്കുന്നു; ഈ രാശിക്കാർക്ക് പണം ഒരു പ്രശ്നമാവില്ല, ദാമ്പത്യ ജീവിതം സുഖകരം..! -
സ്വർണ നിക്ഷേപത്തിൽ ചൈനയ്ക്ക് വൻ ജാക്ക്പോട്ട്; കണ്ടെത്തിയത് 1100 ടണ് സ്വർണം,ഇനി ചൈനയെ പിടിച്ചാൽ കിട്ടില്ല -
ബെംഗളൂരു രണ്ടാം എയർപോർട്ട്: ഇത്തവണ കർണാടക രണ്ടും കൽപ്പിച്ച്, പരിഗണനയിൽ ഈ 3 സ്ഥലങ്ങൾ -
ദൈവീകം ഈ ബന്ധം; ഓമിയെ താലോലിച്ച് പ്രധാനമന്ത്രി; ചിത്രങ്ങള് പങ്കുവെച്ച് കൃഷണകുമാര്
Click it and Unblock the Notifications
Sign in with Google