'റിമി ടോമിക്ക് ഒരു ഷോയ്ക്ക് പത്ത് ലക്ഷം, 2 വര്ഷം ഷോയില്ലെങ്കിലും കുഴപ്പമില്ല'; പരിഹാസങ്ങള്ക്ക് മറുപടി
കൊച്ചി : പുതിയ സിനിമകളുടെ അഡ്വാന്സ് തുക കിട്ടുമ്പോള് അതില് നിന്നും രണ്ട് ലക്ഷം രൂപ മിമിക്രി കലാകാരന്മാരുടെ സംഘടനയ്ക്ക് നല്കുമെന്ന് സുരേഷ് ഗോപി അറിയിച്ചിരുന്നു . ഇക്കഴിഞ്ഞ ഓണക്കാലത്ത് നടന്ന ഒരു ടെലി വിഷന് ചാനല് പരിപാടിയിലാണ് സുരേഷ് ഗോപി മിമിക്രി കലാകാരന്മാര്ക്കുള്ള സഹായം പ്രഖ്യാപിച്ചത് . ദിവസങ്ങള്ക്ക് മുമ്പ് ഏറ്റവും പുതിയ ചിത്രത്തിന്റെ അഡ്വാന്സ് തുക ലഭിച്ചപ്പോള് സംഘടനയ്ക്കുള്ള രണ്ട് ലക്ഷം രൂപ താരം നല്കിയിരുന്നു .
മാൽദ്വീവ്സ് ചിത്രങ്ങൾ അവസാനിക്കുന്നില്ല: അടിപൊളി ലുക്കിൽ അഹാന, വൈറൽ ചിത്രങ്ങൾ
എന്നാല് ഇപ്പോഴിതാ തന്റെ പ്രവര്ത്തിയെ പരിഹസിക്കുന്നവര്ക്ക് ചുട്ടമറുപടിയുമായി രംഗത്തെത്തിയിരിക്കുകയാണ് സുരേഷ് ഗോപി. റിമി ടോമിയെ പോലുള്ള കലാകാരന്മാര്ക്ക് ഒരു പരിപാടിക്ക് മൂന്ന് ലക്ഷവും അഞ്ച് ലക്ഷവും പത്ത് ലക്ഷവും കിട്ടുന്നതുകൊണ്ട് അവര്ക്ക് രണ്ട് വര്ഷം ഷോയില്ലെങ്കിലും കുഴപ്പമില്ല. എന്നാല് ഒരു പരിപാടിക്ക് രണ്ടായിരമോ ആയിരമോ കിട്ടുന്നവരുടെ അവസ്ഥ അങ്ങനെയല്ലെന്നും അദ്ദേഹം ചൂണ്ടിക്കാട്ടി.
കൊവിഡ് സാഹചര്യത്തില് ഉത്സവപ്പറമ്പിലെ വാദ്യമേളവും ഗാനമേളകള് അടക്കം നിന്നുപോയപ്പോള് കലാകാരന്മാര് ഒരു നേരത്തെ അന്നത്തിനായി ബുദ്ധിമുട്ടുകയാണ്. അങ്ങനെയുള്ളവരുടെ പ്രശ്നങ്ങള് മനസിലാക്കിയാണ് ഞാന് സഹായിച്ചത്. അന്നത്തിനായി ബുദ്ധിമുട്ടുന്നവര്ക്കാണ് ആ പണം ചെന്നു ചേരാന് പോകുന്നത്. തന്റെ പ്രവര്ത്തിയെ കുറ്റപ്പെടുത്തുമ്പോള് വേദനയുണ്ടെന്നും സുരേഷ് ഗോപി പറഞ്ഞു. റിപ്പോര്ട്ടര് ടിവിയോടായിരുന്നു സുരേഷ് ഗോപിയുടെ പ്രതികരണം.
കൊവിഡ് കേസുകള് രൂക്ഷമായതോടെ കടലില് പോലും പോകാന് പറ്റാത്ത സാഹചര്യമുണ്ടായി. മത്സ്യബന്ധനമില്ല, മാര്ക്കറ്റ് ഇല്ല, ഗാനമേളകള് എല്ലാം നിന്നുപോയി. ഉത്സവപ്പറമ്പിലെ വാദ്യമേളക്കാര് അടക്കം നിന്നുപോയി. ഒരു പരിപാടിയില് രണ്ടായിരമോ ആയിരമോ അഞ്ഞൂറോ വാങ്ങുന്നവര്ക്ക്. സൗണ്ട് ഓപ്പറേറ്റര് അടക്കം മൈക്ക് എടുത്തുകൊടുക്കുന്നവര്ക്ക് വരയെയുള്ളവരുടെ അന്നും മുട്ടിപ്പോവില്ലേ. അങ്ങനെയുള്ളവരുടെ പ്രശ്നങ്ങള് മനസിലാക്കി ഞാന് സഹായിച്ചു.
ജയറാമോ ദിലീപോ ജയസൂര്യയോ നാദിഷര്യോ ഒന്നുമല്ല ഞാന് കൊടുത്ത പണം കൊണ്ടുപോകുന്നത്. ഒരു നേരം അന്നത്തിനായി ബുദ്ധിമുട്ടുന്നവര്ക്കാണ് ആ പണം ചെന്നു ചേരാന് പോകുന്നത്. അതിവിടെ കൊടുത്തിട്ട് കാര്യമില്ല അവിടെ കൊടുക്കൂ എന്ന് പറയുന്നവരോട് താന് പോകൂ എന്നേ എനിക്ക് പറയാന് ഉള്ളൂ.
അതിനെ സംബന്ധിച്ച് പറയുമ്പോള് വേദനയാണ്. എന്റെ അടുത്ത് വരുന്ന എല്ലാവരെയുമൊന്നും ഞാന് സുഖിപ്പിച്ച് വിട്ടിട്ടില്ല. എനിക്ക് തീരാത്ത ഒരു ലിസ്റ്റ് ഉണ്ടെന്നും സുരേഷ് ഗോപി വ്യക്തമാക്കി. അതേസമയം, താരത്തിന്റെ ഏറ്റവും പുതിയ ചിത്രം എസ് ജി 255 എന്ന ചിത്രത്തിന്റെ അഡ്വാന്സ് തുക ലഭിച്ചപ്പോള് രണ്ട് ലക്ഷം രൂപ സംവിധായകന് നാദിര്ഷയെ ഏല്പ്പിച്ചിരുന്നു.
സുരേഷ് ഗോപി തന്നെയാണ് സോഷ്യല് മീഡിയയിലൂടെ ഇക്കാര്യം അറിയിച്ചത്. ഇതുവരെ ഏകദേശം ആറ് ലക്ഷം രൂപ സുരേഷ് ഗോപി സംഘടനയ്ക്ക് നല്കിക്കഴിഞ്ഞു. കഴിഞ്ഞ വര്ഷം ഡിസംബറിലും ഈ വര്ഷം ഏപ്രിലിലും സുരേഷ് ഗോപി രണ്ട് ലക്ഷം വീതം കൈമാറിയിരുന്നു.
മിമിക്രി ആര്ട്ടിസ്റ്റ് അസോസിയേഷന് സംഘടനയുടെ ഉന്നമനത്തിനായി താന് ചെയ്യുന്ന ഓരോ സിനിമയുടെ പ്രതിഫലത്തില് നിന്നും രണ്ട് ലക്ഷം രൂപ സംഘടനയ്ക്ക് നല്കുമെന്നാണ് സുരേഷ് ഗോപി അറിയിച്ചത്. അതേസമയം, സുരേഷ് ഗോപിയുടെ ഈ തീരുമാനത്തെ രണ്ട് കയ്യും നീട്ടിയാണ് സോഷ്യല് മീഡിയ സ്വീകരിച്ചത്.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google