'ഷൂ നക്കീ, പണിയില്ലാതിരിക്കുമ്പോൾ വിഷമം കൂടും'; വിനായകനെതിരെ കടുത്ത സൈബർ ആക്രമണം

കൊച്ചി; മരയ്ക്കാർ അറബിക്കടലിന്റെ സിംഹം ഉൾപ്പെടെ ആശിർവാദ് സിനിമാസിന്റെ അഞ്ച് സിനിമകളും ഒടിടിയിലാകും പ്രദർശിപ്പിക്കുകയെന്ന് ആന്റണി പെരുമ്പാവൂർ കഴിഞ്ഞ ദിവസം വ്യക്തമാക്കിയിരുന്നു. മരയ്ക്കാർ ഇനി തീയറ്ററിൽ പ്രദർശിപ്പിക്കില്ലെന്ന് വ്യക്തമാക്കി കൊണ്ടുള്ള വാർത്താസമ്മേളനത്തിലായിരുന്നു ആന്റണി പെരുമ്പാർ ഇക്കാര്യം സ്ഥിരീകരിച്ചത്.

തിരുമാനത്തിൽ അനുകൂലിച്ചും പ്രതികൂലിച്ചുമുള്ള ചർച്ചകൾ സോഷ്യൽ മീഡിയയിൽ കൊഴുക്കുകയാണ്.അതിനിടെ കഴിഞ്ഞ ദിവസം വിഷയത്തിൽ പ്രതികരിച്ച് നടൻ വിനായകൻ രംഗത്തെത്തിയിരുന്നു. ഇപ്പോഴിതാ ഇതിന് കടുത്ത സൈബർ ആക്രമാണ് നടൻ നേരിടുന്നത്.

പൃഥ്വിരാജിന്‍റെ ബ്രോ ഡാഡി , ജീത്തു ജോസഫിന്‍റെ 12 ത്ത് മാന്‍ , ഷാജി കൈലാസിന്‍റെ എലോണ്‍ ,​ പ്രിയദർശന്റെ ബോക്സർ,​ 'പുലിമുരുകന്' ശേഷം മോഹന്‍ലാലിനെ നായകനാക്കി വൈശാഖ് സംവിധാനം ചെയ്യുന്ന ചിത്രം എന്നിവയുമാണ് ഒ ടി ടിയിലൂടെ പ്രദർശിപ്പിക്കുകയെന്ന് ആന്റണി പെരുമ്പാവൂർ വ്യക്തമാക്കിയത്.

ഇതിന് പിന്നാലെയായിരുന്നു നടൻ വിനായകന്റെ കമന്റ്. തന്റെ സ്ഥിരം ശൈലിയിൽ പ്രത്യേകിച്ച് കമന്റുകൾ ഒന്നും എഴുതാതെ സ്ക്രീന്‍ ഷോട്ട് പങ്കുവെച്ചാണ് വിനായകന്‍ രംഗത്തെത്തിയത്.ഒരു ഒ ടി ടി അപാരത എന്ന് എഴുതിയ മീഡിയ വൺ വാർത്തയുടെ സ്ക്രീൻ ഷോട്ടായിരുന്നു വിനായകൻ പങ്കുവെച്ചത്.

നേരത്തെ മരക്കാര്‍ സിനിമയുടെ റിലീസുമായി ബന്ധപ്പെട്ട് അനിശ്ചിതത്വം തുടരുന്നതിനിടെ 'ആശങ്കപ്പെടേണ്ട ഇവന്‍മാര്‍ ആരുമില്ലെങ്കിലും കേരളത്തില്‍ സിനിമയുണ്ടാകും' എന്ന തരത്തില്‍ പരോക്ഷ വിമര്‍ശനവുമായി വിനായകന്‍ രംഗത്തെത്തിയിരുന്നു.അന്ന് കടുത്ത സൈബർ ആക്രമണമായിരുന്നു താരം നേരിട്ടത്.

ഇപ്പോഴിതാ പുതിയ പോസ്റിന് താഴെയും കടുത്ത അസഭ്യ വർഷങ്ങളും ഭീഷണികളുമാണ് ഉയരുന്നത്.മോഹൻലാൽ പടത്തിൽ വിളിക്കാത്തതിന്റെ കൊതിക്കുറവാണെന്നും കഞ്ചാബ് അബുവിന്റെ ടീമിൽ ഉൾപ്പെട്ടവനല്ലേ നീയെന്നുമൊക്കൊയാണ് കമന്റുകൾ. ഒരു പണിയും ഇല്ലാതെ വീട്ടില്‍ ഇരിക്കുമ്പോള്‍ മറ്റുള്ളവരെ കാണുമ്പോള്‍ വിഷമം കൂടും, ഷൂ നക്കി എന്നിങ്ങനെയുള്ള കമന്റുകളും ഉണ്ട്.

അതേസമയം ഒടിടി റിലീസിനെ പിന്തുണച്ച് കൊണ്ടുള്ള ചില കമന്റുകളും ചിലർ പങ്കുവെച്ചിട്ടുണ്ട്.'അയാൾ നിർമ്മിച്ച സിനിമ അയാൾക്ക് ഇഷ്ടമുള്ള രീതിയിൽ റിലീസ് ചെയ്യും അതിലെ ശരിയും തെറ്റും ന്യായം അന്യായങ്ങൾക്ക് പ്രസക്തി ഇല്ല. മോഹൻലാൽ സിനിമകൾ നന്നായി ഓടിച്ചു കാശ് ഉണ്ടാക്കിയവർ തന്നെയാണ് തിയേറ്റർ മുതലാളിമാർ ഈയൊരു വിഷയത്തിൽ കുരുപ്പൊട്ടേണ്ട കാര്യം ആർക്കാ. പിന്നെ തിയേറ്ററിൽ ആയാലും ഒടിടിയിൽ ആയാലും മോഹൻലാൽ സൂപ്പർസ്റ്റാർ തന്നെയാണ്. നാല്പതു കോലി ക്ലബിന് വേണ്ടി കൊച്ചു പിള്ളേരോട് മത്സരിക്കേണ്ട ഗതികേട് ഉള്ള കുന്നംകുളം മെഗാസ്റ്റാർ ഫാനസിനാണ് ഇപ്പോൾ ചൊറിച്ചിൽ കൂടുതൽ', എന്നായിരുന്നു ഒരാളുടെ കമന്റ്.

English summary

Actor vinayakan faces harsh criticism for his new comment on kunjali marakkar movie