എകെജി സെന്റർ ആക്രമണക്കേസ്; രണ്ടാം പ്രതിയായ യൂത്ത് കോൺഗ്രസ് നേതാവ് ഡൽഹിയിൽ പിടിയിൽ
തിരുവനന്തപുരം: എകെജി സെന്റര് ആക്രമണക്കേസില് ഒളിവിലായിരുന്ന രണ്ടാം പ്രതി പിടിയിൽ. യൂത്ത് കോണ്ഗ്രസ് തിരുവനന്തപുരം മുന് ജില്ലാ സെക്രട്ടറി സുഹൈല് ഷാജഹാനാണ് പിടിയിലായത്. ഡല്ഹി വിമാനത്താവളത്തില് നിന്നാണ് ഇയാൾ പിടിയിലായത്. കഴിഞ്ഞ രണ്ട് വർഷമായി വിദേശത്ത് ഒളിവിൽ കഴിയുകയായിരുന്നു സുഹൈൽ.
ഇന്ന് തന്നെ കേസിലെ അന്വേഷണ സംഘം ഡല്ഹിയിലെത്തി സുഹൈലിനെ തിരുവനന്തപുരത്ത് എത്തിക്കും. എകെജി സെന്റര് ആക്രമണത്തിന്റെ മുഖ്യസൂത്രധാരന് സുഹൈലാണെന്നാണ് ക്രൈം ബ്രാഞ്ച് റിപ്പോര്ട്ടിൽ പറയുന്നത്. എന്നാൽ സംഭവത്തിന് പിന്നാലെ ഇയാൾ വിദേശത്തേക്ക് കടന്നു കളയുകയായിരുന്നു. ഇയാള്ക്കെതിരെ ബ്ലൂ കോര്ണര് നോട്ടീസ് ഉൾപ്പെടെ പുറപ്പെടുവിച്ചിരുന്നു.
കേരളത്തിൽ ഏറെ രാഷ്ട്രീയ വിവാദങ്ങൾക്ക് വഴിയൊരുക്കിയ സംഭവത്തിലാണ് പ്രതി പിടിയിലായത്. ആക്രമണം നടന്ന് രണ്ട് വര്ഷം തികയുമ്പോഴാണ് മുഖ്യആസൂത്രകന് പിടിയിലായിരിക്കുന്നത്. ഡൽഹി വിമാനത്താവളത്തിൽ വച്ചാണ് സുഹൈൽ അറസ്റ്റിലായത്.
2022 ജൂലൈ ഒന്നിനാണ് എകെജി സെന്ററിന് നേരെ ആക്രമണം നടന്നത്. എറിഞ്ഞയാളെ കണ്ടുപിടിക്കാൻ കഴിയാതെ വന്നതോടെ ചോദ്യങ്ങൾ ഒരുപാട് ഉയരുകയും ചെയ്തിരുന്നു. ഒടുവിൽ എറിഞ്ഞയാള് സഞ്ചരിച്ച ഡിയോ സ്കൂട്ടറിന് പിന്നാലെ കറങ്ങി നടന്ന ക്രൈം ബ്രാഞ്ച് 85-ാം ദിവസമാണ് കഴക്കൂട്ടം ആറ്റിപ്രയിലെ യൂത്ത് കോണ്ഗ്രസ് മണ്ഡലം പ്രസിഡന്റ് വി ജിതിനെ കേസുമായി ബന്ധപ്പെട്ട് അറസ്റ്റ് ചെയ്യുന്നത്.
ഇതിന് പിന്നാലെ ജിതിന് സ്കൂട്ടറെത്തിച്ചു നല്കിയ സുഹൃത്ത് നവ്യയും അറസ്റ്റിലായിരുന്നു. അന്നത്തെ യൂത്ത് കോണ്ഗ്രസ് ജില്ലാ സെക്രട്ടറിയായിരുന്ന സുഹൈല് ഷാജഹാനാണ് ആക്രമണത്തിന്റെ മുഖ്യ സൂത്രധാരനെന്ന് ക്രൈംബ്രാഞ്ച് കണ്ടെത്തിയിരുന്നു. സുഹൈലിന്റെ ഡ്രൈവറായ സുധീഷിന്റേതാണ് അക്രമി സഞ്ചരിച്ച സ്കൂട്ടറെന്നും ക്രൈം ബ്രാഞ്ച് അറിയിച്ചിരുന്നു.
എന്നാൽ അപ്പോഴേക്കും ഇരുവരും വിദേശത്തേക്ക് കടക്കുകയായിരുന്നു. തുടർന്ന് വിദേശത്തുള്ള സുഹൈല് ഷാജഹാനെയും സുധീഷിനെയും പിടികൂടാന് പോലീസ് ലുക്കൗട്ട് നോട്ടിസ് ഉൾപ്പെടെ പുറത്തിറക്കിയെങ്കിലും ഫലമുണ്ടായില്ല. അതിന് ശേഷമാണ് പോലീസ് ബ്ലൂ കോർണർ നോട്ടീസ് ഉൾപ്പെടെ പുറത്തിറക്കിയത്.
കെപിസിസി ഓഫീസിനെതിരെ ഡിവൈഎഫ്ഐ പ്രതിഷേധം നടത്തിയതിന്റെ വൈരാഗ്യത്തിലായിരുന്നു ഇവർ ആക്രമണം നടത്തിയത് എന്നായിരുന്നു കണ്ടെത്തൽ. അടുത്തിടെയാണ് കേസിൽ ക്രൈം ബ്രാഞ്ച് കുറ്റപത്രം തയ്യാറാക്കിയത്. യൂത്ത് കോൺഗ്രസ് പ്രാദേശിക നേതാക്കളെ പ്രതികളാക്കിയാണ് ക്രൈം ബ്രാഞ്ചിന്റെ കുറ്റപത്രം.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google