'നാളെ മുതൽ മധുസൂദനൻ മാഷും, ശ്രീകുമാരൻ തമ്പി സാറും, ജോൺ ഓണക്കൂറ് മാഷും സംഘികളാവും'; അഖിൽ മാരാർ
തനിക്കെതിരായ നിരന്തര സൈബർ ആക്രമണത്തിൽ ഇടത് അനുഭാവികളെയും എസ്ഡിപിഐ പ്രവർത്തകരെയും ഉൾപ്പെടെ വിമർശിച്ച് ബിഗ് ബോസ് താരം കൂടിയായ അഖിൽ മാരാർ രംഗത്ത്. ഫേസ്ബുക്കിൽ പങ്കുവച്ച കുറിപ്പിലൂടെയാണ് അഖിൽ മാരാർ പ്രതികരിച്ചത്. കഴിഞ്ഞ രണ്ട് വർഷമായി സംഘി എന്ന് വിളിച്ചു ആക്ഷേപിച്ചവർ എമ്പുരാൻ ഇറങ്ങിയ ശേഷം മുന്ന എന്ന് വിളിച്ചു നടന്നവർ ഇപ്പോൾ നിലവിളിച്ചു പോസ്റ്റ് ഇട്ട് നടക്കുകയാണെന്ന് അഖിൽ പറയുന്നു.
അന്നും ഇന്നും ഇടത് അനുഭാവികൾക്ക് ഒറ്റ ലക്ഷ്യമേയുള്ളു താൻ പിണറായി സർക്കാരിനെതിരെ പറയുന്ന വിഷയങ്ങളിൽ ജനത്തെ തെറ്റിദ്ധരിപ്പിക്കുകയാണ് അതെന്നും തന്റെ അറിവിൽ അവസാനമായി സംഘിയാക്കപ്പെട്ടത് ഉസ്താദ് കാന്തപുരമാണെന്നും നാളെ മുതൽ മധുസൂദനൻ മാഷും, ശ്രീകുമാരൻ തമ്പി സാറും, ജോൺ ഓണാക്കൂറു മാഷും സംഘികളാവുമെന്നും അഖിൽ മാരാർ ചൂണ്ടിക്കാട്ടി.
അഖിൽ മാരാരുടെ വാക്കുകൾ
എന്നെ ഇത്രയേറെ സ്നേഹിച്ചിരുന്ന അന്തം കമ്മികളും സുഡാപ്പികളും ഉണ്ടായിരുന്നോ എന്ന വിഷമത്തിലാണ് ഞാൻ.. കഴിഞ്ഞ രണ്ട് വർഷമായി സംഘി എന്ന് വിളിച്ചു ആക്ഷേപിച്ചവർ എമ്പുരാൻ ഇറങ്ങിയ ശേഷം മുന്ന എന്ന് വിളിച്ചു നടന്നവർ....ഞാൻ NDAയുടെ ഭാഗമായപ്പോൾ നില വിളിച്ചു എനിക്കെതിരെ പോസ്റ്റ് ഇട്ട് നടക്കുവാണ്..
അന്നും ഇന്നും ഈ കമ്മികൾക്ക് ഒറ്റ ലക്ഷ്യമേയുള്ളു ഞാൻ പിണറായി സർക്കാരിനെതിരെ പറയുന്ന വിഷയങ്ങളിൽ ജനത്തെ തെറ്റിദ്ധരിപ്പിക്കുക.. പറയുന്ന വ്യക്തിയെ മറ്റുള്ളവരിൽ നിന്നും എതിർക്കാൻ ഇവനൊക്കെ പടച്ചു വിടുന്ന ഈ തന്ത്രമാണ് ഈ സംഘി വിളി തന്ത്രം... ഇവന്മാർ കാരണം മതേതര വാദികൾ ആയ ഹിന്ദുവും ക്രിസ്ത്യാനീയും എന്തിന് ബോധമുള്ള മുസ്ലിങ്ങൾ വരെ പലപ്പോഴായി സംഘി ആയി..
എന്റെ അറിവിൽ അവസാനമായി സംഘിയാക്കപ്പെട്ടത് ഉസ്താദ് കാന്തപുരം ആണ്..
നാളെ മുതൽ മധുസൂദനൻ മാഷും, ശ്രീകുമാരൻ തമ്പി സാറും, ജോൺ ഓണാക്കൂറു മാഷും സംഘിയാണ്.. കഴിഞ്ഞ ദിവസം ഡൽഹിയിൽ മോദിജിയെ കണ്ട് ഇവർ പങ്ക് വെച്ച കാര്യങ്ങൾ കമ്മികൾ അധികം അറിഞ്ഞിട്ടില്ല...
കോൺഗ്രസ് അനുഭാവികളോ പ്രവർത്തകരോ ഞാൻ അവരുടെ ഭാഗമായിരുന്നു എന്ന് ചിന്തിക്കുന്നതിലോ ഞാൻ മറ്റൊരു രാഷ്ട്രീയം തിരഞ്ഞെടുത്തപ്പോൾ അതിന്റെ വിഷമത്തിൽ ആക്ഷേപിക്കുന്നതോ ഞാൻ മനസിലാക്കാം...
പക്ഷെ ഇന്നലെ വരെ ഞാൻ തെറി പറഞ്ഞ അന്തം കമ്മികളെയും, സുഡാപ്പികളെയും,വിജയനെയും ആവശ്യത്തിൽ അധികം ഞാൻ ഇപ്പോഴും പറയുന്നുണ്ട്..നിലപാട് മാറി എന്ന് പറഞ്ഞു ഒരു കമ്മിയും കമന്റ് ബോക്സിൽ വന്ന് കരയണ്ട കമ്മികളും സുഡുക്കളും ഈ നാടിന്റെ ശാപമാണ് എന്ന നിലപാടിൽ എനിക്ക് അന്നും ഇന്നും ഒരു മാറ്റവുമില്ല...
Click it and Unblock the Notifications
Sign in with Google