Alappuzha Result LIVE: ആലപ്പുഴ ഫലം: കെസി വേണുഗോപാലിന് വെല്ലുവിളികളില്ല, വൻ മുന്നേറ്റം, ആരിഫ് പിന്നിൽ

Alappuzha Result LIVE: ആലപ്പുഴ ഫലം: സംസ്ഥാനത്ത് ജാതി സമവാക്യങ്ങൾ ഒരു കാലത്തും വിലപ്പോവാത്ത, ശക്തമായ രാഷ്ട്രീയം ചർച്ച ചെയ്യപ്പെടുന്ന ചുരുക്കം മണ്ഡലങ്ങളിൽ ഒന്നാണ് ആലപ്പുഴ. ഇടതിന് കൃത്യമായ വളക്കൂർ ഉള്ളപ്പോഴും വലതിനെയും തുണച്ചിട്ടുള്ള ആലപ്പുഴയുടെ മനസ് ഇത്തവണ ആർക്കൊപ്പം നിൽക്കുന്നുവെന്നതാണ് എല്ലാവരും ഉറ്റുനോക്കുന്ന കാര്യം.

ഇക്കുറി ആലപ്പുഴ ഒരു ഗ്ലാമർ പോരാട്ടം നടക്കുന്ന മണ്ഡലമായി മാറാൻ പ്രധാന കാരണം കോൺഗ്രസ് കേന്ദ്ര നേതൃത്വത്തിൽ നിന്ന് കെസി വേണുഗോപാൽ സ്ഥാനാർത്ഥിയായി എത്തിയത് തന്നെയാണ്. കെസിയുടെ വരവ് യുഡിഎഫ് ക്യാമ്പിന്റെ ആവേശം തെല്ലൊന്നുമല്ല വർധിപ്പിച്ചതെന്ന് അവരുടെ പ്രചരണ വേളയിലെ വർധിത വീര്യത്തിൽ നിന്ന് കൃത്യമായും പ്രകടമാണ്.

മറുവശത്ത് സിറ്റിങ് എംപി ആരിഫ് ഒട്ടും മോശക്കാരനല്ല. എംപി എന്ന നിലയിൽ മികച്ച ട്രാക്ക് റെക്കോർഡ് ആണുള്ളതെന്ന് കാട്ടിയാണ് ആരിഫിന്റെ പ്രചരണം. രണ്ടാമൂഴം തന്നെയാണ് ആരിഫ് ഇവിടെ തേടുന്നത്. കെസി വേണുഗോപാലിനെ പോലെയൊരു അതികായന്റെ വരവ് ബാധിക്കില്ലെന്ന് ഇടതുമുന്നണി പലകുറി ആവർത്തിച്ചു പറഞ്ഞു കഴിഞ്ഞു.

എന്നാൽ ആലപ്പുഴയുടെ മണ്ണിലേക്ക് ശോഭ സുരേന്ദ്രനിലൂടെ എൻഡിഎ ബ്രഹ്മാസ്ത്രമാണ് തൊടുത്തു വിട്ടത്. തീപ്പൊരി പ്രാസംഗിക കൂടിയായ ശോഭ വോട്ടർമാരെ കൈയിലെടുത്തു എന്നാണ് മുന്നണിയുടെ കണക്ക് കൂട്ടൽ. ഈ ജനപിന്തുണ വോട്ടായി മാറിയാൽ തിരഞ്ഞെടുപ്പ് ഫലത്തിൽ അത്ഭുതം നടക്കുമെന്നാണ് എൻഡിഎ അവകാശപ്പെടുന്നത്.

ആലപ്പുഴ ലോക്‌സഭ മണ്ഡലത്തിലെ തിരഞ്ഞെടുപ്പ് ഫലം വണ്‍ഇന്ത്യ മലയാളത്തോടൊപ്പം തത്സമയം അറിയാം.

English summary

A M Ariff Vs K C Venugopal Vs Sobha Surendran Who Wins, Lost & Total Votes