മാലിന്യം തള്ളുന്നവര് ജാഗ്രതൈ; വയനാട് ചുരത്തില് സിസിടിവി വരുന്നു
കോഴിക്കോട്: താമരശേരി ചുരത്തില് മാലിന്യങ്ങള് തള്ളുന്നത് തടയാനും സുരക്ഷാ സംവിധാനങ്ങളുടെ ഭാഗമായും സിസിടിവി ക്യാമറകള് സ്ഥാപിക്കുമെന്ന് ജില്ലാ പഞ്ചായത്ത് പ്രസിഡന്റ് ബാബു പറശേരി. ചുരത്തില് നിയമലംഘനം കാരണമുള്ള ഗതാഗതക്കുരുക്കള് തടയാനും ഒരു പരിധിവരെ ക്യാമറകള് ഉപകരിക്കും. മാലിന്യങ്ങള് തള്ളുന്നത് പതിവായ ചുരത്തില് സിസിടിവി സ്ഥാപിക്കണമെന്ന് ഏതാനും മാസങ്ങളായി വിവിധ സംഘടനകളും രാഷ്ട്രീയപ്പാര്ട്ടികളും ആവശ്യപ്പെട്ടു വരുന്നുണ്ട്. ഈ ആവശ്യം അംഗീകരിച്ചാണ് ജില്ലാ വികസന സമിതി യോഗത്തില് ജില്ലാ പഞ്ചായത്ത് പ്രസിഡന്റ് ഇക്കാര്യം അറിയിച്ചത്.
ജില്ലയെ മാലിന്യ മുക്തമാക്കുന്നതിനുള്ള സമഗ്ര പദ്ധതി നടപ്പാക്കുന്നതുമായി ബന്ധപ്പെട്ട് ഉയരുന്ന എതിര്പ്പുകള് രമ്യമായി പരിഹരിക്കാനും ജനങ്ങളെ ബോധവത്ക്കരിക്കാനും എം.എല്.എമാര് നേതൃത്വം നല്കണമെന്ന് ജില്ലാ കലക്ടര് യുവി ജോസ് യോഗത്തില് ആവശ്യപ്പെട്ടു. പദ്ധതിക്കായി മിക്ക പഞ്ചായത്തുകളും ഫണ്ട് വെക്കുകയും പല സ്ഥലത്തും മാലിന്യ ശേഖരണവും നിര്മാണ പ്രവൃത്തികളും ആരംഭിക്കുകയും ചെയ്തെങ്കിലും നാട്ടുകാരുടെ തെറ്റിദ്ധാരണ മൂലം ചിലയിടങ്ങളില് പദ്ധതി മുന്നോട്ടു കൊണ്ടുപോകാന് കഴിയാത്ത അവസ്ഥയാണ്.
ഇക്കാര്യത്തില് ജില്ലയിലെ മുഴുവന് എംപിമാരെയും എംഎല്എമാരെയും പ്രശ്നമുള്ള പ്രദേശങ്ങളിലെ തദ്ദേശ സ്ഥാപന പ്രതിനിധികളെയും എല്ലാ രാഷ്ട്രീയ പാര്ട്ടി പ്രതിനിധികളെയും ഉള്പ്പെടുത്തി മാര്ച്ച് 17 ന് ജില്ലാ കലക്ടറുടെ നേതൃത്വത്തില് യോഗം വിളിച്ചു ചേര്ക്കും. പദ്ധതി നടത്തിപ്പിനായി 60 ലക്ഷം രൂപ ശുചിത്വ മിഷനില് നിന്ന് ഇതിനകം വിവിധ പഞ്ചായത്തുകള്ക്ക് നല്കിയിട്ടുണ്ട്.
വടകര ജില്ലാ ആശുപത്രിയിലെ പുതിയ കെട്ടിട നിര്മാണം സ്തംഭിക്കാനിടയായ സാഹചര്യം കലക്ടര് യു.വി. ജോസ് നേരിട്ട് പരിശോധിക്കാനും പ്രശ്നത്തിന് അടിയന്തര പരിഹാരം കാണാനും യോഗത്തില് തീരുമാനമായി. പൊതുമരാമത്ത് കെട്ടിട വിഭാഗം മേല്നോട്ടം വഹിക്കുന്ന നിര്മാണ പ്രവൃത്തി രണ്ട് വര്ഷമായി മുടങ്ങിക്കിടക്കുന്നത് ആശുപത്രിയുടെ നടത്തിപ്പിനെ തന്നെ ബാധിച്ചിരിക്കുകയാണെന്നും രോഗികള്ക്ക് കിടക്കാന് സ്ഥലമില്ലെന്നും ജില്ലാ പഞ്ചായത്ത് പ്രസിഡന്റ് ബാബു പറശ്ശേരിയാണ് യോഗത്തില് ചൂണ്ടിക്കാ'ിയത്. കരാറുകാര് കോടതിയെ സമീപിച്ചതുമായി ബന്ധപ്പെട്ടത് ഉള്പ്പെടെയുള്ള ഫയലുകള് കലക്ടറുടെ നേതൃത്വത്തില് പരിശോധിക്കും.
ജപ്പാന് കുടിവെള്ള പദ്ധതി പ്രവര്ത്തനങ്ങള് മന്ദഗതിയിലാണ് നീങ്ങുന്നതെന്നും പദ്ധതി ഉടന് കമ്മിഷന് ചെയ്ത് ജനങ്ങള്ക്ക് കുടിവെള്ളമെത്തിക്കാന് സാഹചര്യം ഒരുക്കണമെന്നും ബാബു പറശ്ശേരി യോഗത്തില് ആവശ്യപ്പെട്ടു. പദ്ധതി നടത്തിപ്പുമായി ബന്ധപ്പെട്ട് ജില്ലാ കലക്ടര് ഉടന് റിവ്യൂ മീറ്റിംഗ് നടത്തും. കോഴിക്കോട് നഗരത്തെയും ഒളവണ്ണയെയും ബന്ധിപ്പിക്കുന്ന തൊണ്ടിലക്കടവ് പാലത്തിനുള്ള സ്ഥലമെടുപ്പ് വേഗത്തില് പൂര്ത്തിയാക്കണമെന്നും അദ്ദേഹം ആവശ്യപ്പെട്ടു.
-
സ്വർണ വില ഗ്രാമിന് 6000 വരെ ആകണമെന്ന് വ്യാപാരികൾ; വില കുറയാൻ ആഗ്രഹിക്കുന്നത് ഇക്കാര്യം കൊണ്ടെന്ന് -
അധികാരസ്ഥാനങ്ങളില് എത്തിച്ചേരും, സുഹൃത്തുക്കളുമായി അകലും, അവിചാരിതമായ ആപത്തുകള്, വാരഫലം -
സ്വർണ വില താഴേക്ക് തന്നെ; പവൻ വില കേരളത്തിൽ 17,000 രൂപയെങ്കിലും ഇടിയും..പുതിയ പ്രവചനങ്ങൾ ഇങ്ങനെ -
അച്ഛനും അമ്മയും എന്നും വഴക്ക്, എന്നെ ഷൂട്ടിംഗിന് കൊണ്ടുപോകുന്നത് ഇഷ്ടമല്ലായിരുന്നു; കിച്ചു പറയുന്നു -
സ്വർണം വിറ്റ് കൂട്ടുന്ന കേന്ദ്രബാങ്കുകൾ..ഇനിയും സ്വർണ വില താഴേക്ക് പോകുമോ? വില ഇനി ഉയരണമെങ്കിൽ.. -
സ്വർണക്കുതിപ്പ് തത്കാലത്തേക്ക് അവസാനിച്ചു; ഇനി ഇടിഞ്ഞ് താഴോട്ട്, ഗ്രാം വില 11000 ആയി കുറയും? -
സ്വര്ണം ഞെട്ടിച്ചു; ഇന്ന് സ്വര്ണവിലയില് വന് കുതിപ്പ്, രൂപ തകര്ന്നടിഞ്ഞു, ഇന്നത്തെ പവന് വില -
വൈപ്പിൻകാരുടെ ചിരകാല സ്വപ്നം; തീരദേശ പാത വൈകുന്നു, അഴിക്കോട്-മുനമ്പം പാലം വന്നാൽ ഗതാഗത കുരുക്കേറും -
സ്വര്ണവില 27000 രൂപ കുറഞ്ഞു; പിന്നീട് സംഭവിച്ചത് അപ്രതീക്ഷിതം, രാത്രി പോലും വില കുതിച്ച വാരം -
സ്വർണ വില 75000ത്തിലേക്ക് എത്തുമെന്നാണോ പ്രതീക്ഷ? ശുദ്ധ മണ്ടത്തരം..ഇപ്പോൾ വാങ്ങിയാൽ ലക്ഷപ്രഭു -
സന്തോഷ് പണ്ഡിറ്റിന്റെ 500 കോടി പടം! ഹോർമുസ് കടലിടുക്ക് നീന്തിക്കടക്കാൻ 'പണ്ഡിറ്റ് കപൂർ ഐപിഎസ്' -
ഇടവം രാശി: പദ്ധതികൾ തയ്യാറാക്കാൻ ഇന്ന് നല്ല ദിവസം, മുടങ്ങിക്കിടന്ന പല കാര്യങ്ങളും വീണ്ടും ആരംഭിക്കും
Click it and Unblock the Notifications
Sign in with Google