Click it and Unblock the Notifications
Just In
Don't Miss
-
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
യമണ്ടൻ സൂപ്പർബൈക്കുകൾക്ക് ഇടയിലേക്ക് ഒരു കുഞ്ഞൻ അപ്രീലിയ കൂടെ; RS 457 സ്വന്തമാക്കി ജോൺ ഏബ്രഹാം -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര.. -
ഒന്നിലും തളരില്ല; മനസ്സില് കരുത്തുള്ള സ്ത്രീകളില് മാത്രം കാണുന്ന 7 പ്രത്യേകതകള് -
IPL 2024: ജയം തുടരാന് ഗുജറാത്തും ഡല്ഹിയും, വേദി അഹമ്മദാബാദ്-ടോസ് 7 മണിക്ക് -
നാണമില്ലാത്ത സ്ത്രീ, മകനോട് ഇങ്ങനെയൊക്കെ ചോദിക്കാമോ?, മലൈക അറോറക്കെതിരെ രൂക്ഷ വിമര്ശനം -
ഓഹരി വില 454 രൂപ മുതൽ, വ്യാഴാഴ്ച വാങ്ങാൻ രണ്ട് ഓഹരികൾ നിർദ്ദേശിച്ച് സാഗർ ദോഷി, കൂടെക്കൂട്ടുന്നോ
സിഇടിയില്‍ തെസ്‌നിയുടെ ഘാതകനായ കാലന്‍ ജീപ്പിന് രേഖകളില്ല?
തിരുവനന്തപുരം: സി ഇ ടി കാമ്പസിനുള്ളില്‍ വിദ്യാര്‍ഥിനിയെ ഇടിച്ചുകൊന്ന ജീപ്പിന് മതിയായ രേഖകളില്ലെന്ന് റിപ്പോര്‍ട്ട്. സിവില്‍ എന്‍ജിനീയറിങ് അഞ്ചാം സെമസ്റ്റര്‍ വിദ്യാര്‍ഥിനിയുമായ തെസ്‌നി ബഷീറിനെ ഇടിച്ച കെ ബി എഫ് 7268 നമ്പര്‍ ജീപ്പ് സംഭവത്തിന് പിന്നാലെ പോലീസ് കസ്റ്റഡിയില്‍ എടുത്തിരുന്നു. തുടര്‍ന്ന് നടത്തിയ അന്വേഷണത്തിലാണ് ജീപ്പിന് മതിയായ രേഖകളില്ല എന്ന കാര്യം വ്യക്തമായത്.
രണ്ട് ജീപ്പുകളാണ് സി ഇ ടി കാമ്പസിലെ ഓണാഘോഷ പരിപാടികള്‍ക്ക് ഉണ്ടായിരുന്നത്. ഈ രണ്ട് ജീപ്പുകളും പോലീസ് കസ്റ്റഡിയിലാണ്. ഇതിനൊപ്പം ഉണ്ടായിരുന്ന ചെകുത്താന്‍ എന്ന് പേരെഴുതിയ ലോറിയും പോലീസ് കഴിഞ്ഞ ദിവസം പിടിച്ചെടുത്തിരുന്നു. കാമ്പസിലെ എസ് എഫ് ഐ പ്രവര്‍ത്തകരാണ് ജീപ്പുകള്‍ കൈവശം വെച്ചിരുന്നത് എന്നാണ് റിപ്പോര്‍ട്ട്. ലോറി കോളേജിലെ കുട്ടികള്‍ വാടകയ്ക്ക് എടുത്തതായിരുന്നു.
തെസ്‌നിയെ ഇടിച്ച വാഹനത്തിന് ഇന്‍ഷുറന്‍സ് അടക്കമുള്ള മതിയായ രേഖകളില്ലെങ്കില്‍ കുടുംബത്തിന് നഷ്ടപരിഹാരം കിട്ടാന്‍ പ്രയാസമാകും എന്നാണ് അറിയുന്നത്. തൃപ്പാദപുരത്തിനടുത്ത് ഒളിപ്പിച്ച നിലയിലാണ് ഈ ജീപ്പ് പോലീസിന് കിട്ടിയത്. സി ഇ ടി കാമ്പസിലെ കുട്ടികള്‍ കൈമാറി വന്നതായിരുന്നത്രെ ഈ ജീപ്പ്. തെസ്‌നിയെ ഇടിച്ച ജീപ്പ് ഓടിച്ച ബൈജു കഴിഞ്ഞ ദിവസം പോലീസില്‍ കീഴടങ്ങിയിരുന്നു.
സി ഇ ടിയില്‍ നാലാം വര്‍ഷ മെക്കാനിക്കല്‍ എഞ്ചിനീയറിംഗ് വിദ്യാര്‍ഥിയാണ് ബൈജു. 21കാരനായ ബൈജുവിനെ പോലീസ് തിങ്കളാഴ്ച കോടതിയില്‍ ഹാജരാക്കും. ബുജുവിനെ കസ്റ്റഡിയില്‍ കിട്ടണമെന്ന് പോലീസ് ആവശ്യപ്പെട്ടേക്കും. കാമ്പസിലെ ഓണാഘോഷത്തിന്റെ വീഡിയോ ദൃശ്യങ്ങളുടേയും ഫോട്ടോയുടേയും അടിസ്ഥാനത്തില്‍ എട്ട് പേര്‍ക്കെതിരെയാണ് പോലീസ് കേസെടുത്തിരിക്കുന്നത്.
