കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

നിസാം കേസില്‍ ഡിജിപിയുടെ ഇടപെടല്‍; ജോര്‍ജിന് തെളിവുകള്‍ നല്‍കിയത് ജേക്കബ് ജോബ്?

  • By Gokul
Google Oneindia Malayalam News

തൃശൂര്‍: ശോഭാ സിറ്റിയിലെ സെക്യൂരിറ്റി ജീവനക്കാരന്‍ ചന്ദ്രബോസിനെ വാഹനം ഇടിച്ചും മര്‍ദ്ദിച്ചും ക്രൂരമായി കൊലപ്പെടുത്തിയ കേസിലെ പ്രതി വിവാദ വ്യവസായി മുഹമ്മദ് നിസാമിനെ രക്ഷിക്കാന്‍ ഡിജിപി ഇടപെട്ടുവെന്ന കാര്യത്തില്‍ ചീഫ് വിപ്പ് പിസി ജോര്‍ജിന് തെളിവുകള്‍ നല്‍കിയത് സസ്‌പെന്‍ഷനിലായ മുന്‍ തൃശൂര്‍ പോലീസ് കമ്മീഷണര്‍ ജേക്കബ് ജോബ് ആണെന്ന് റിപ്പോര്‍ട്ട്.

നിസാം കേസില്‍ ഇടപെടാന്‍ ശ്രമിച്ചെന്ന പേരിലായിരുന്നു ജേക്കബ് ജോബിനെ സസ്‌പെന്‍ഡ് ചെയ്തത്. എന്നാല്‍, ഡിജിപിയുടെ നിര്‍ദ്ദേശം അനുസരിച്ച് നിസാം കേസ് അട്ടിമറിക്കാന്‍ കൂട്ടു നില്‍ക്കാത്തതിനെ തുടര്‍ന്നാണ് ജേക്കബ് ജോബിനെതിരായ നടപടിയെന്നാണ് പിസി ജോര്‍ജിന്റെ ആരോപണം. ജേക്കബ് ജോബ് നിരപരാധിയാണെന്നും ജോര്‍ജ് പറയുന്നു.

pc-george-jacob-job

സസ്‌പെന്‍ഷനിലായ ഉടന്‍ ജേക്കബ് ജോബ് പിസി ജോര്‍ജിനെ രഹസ്യമായി സന്ദര്‍ശിച്ച് താനുമായി ഡിജിപി നടത്തിയ ഫോണ്‍ സംഭാഷണങ്ങള്‍ കൈമാറിയതായാണ് വിവരം. ഈ തെളിവുകളാണ് സിഡിയിലാക്കി ജോര്‍ജ് ആഭ്യന്തരമന്ത്രിക്കും മുഖ്യമന്ത്രിക്കും കൈമാറിയത്. ഡിജിപി ബാല സുബ്രമണ്യത്തില്‍ പൂര്‍ണ വിശ്വാസമാണെന്ന് ആഭ്യന്തരമന്ത്രി പറഞ്ഞിട്ടുണ്ടെങ്കിലും ജോര്‍ജ് നല്‍കിയ തെളിവിന്റെ അടിസ്ഥാനത്തില്‍ നടപടിയുണ്ടാകാന്‍ സാധ്യതയുണ്ട്. സര്‍ക്കാര്‍ നടപടി ഉണ്ടായില്ലെങ്കില്‍ തെളിവുകള്‍ മാധ്യമങ്ങള്‍ക്ക് നല്‍കാനാണ് ജോര്‍ജിന്റെ തീരുമാനം.

നിസാമുമായി ഡിജിപിക്ക് നേരത്തെ തന്നെ അടുത്ത ബന്ധമുണ്ടെന്ന് തെളിയിക്കുന്നതാണ് പിസി ജോര്‍ജിന്റെ കൈയ്യിലുള്ള തെളിവുകള്‍. ഉതോടെ നിസാമിനെതിരെ കാപ്പാ ചുമത്താതിരിക്കാന്‍ ഡിജിപി ഇടപെട്ടതായും ആരോപണം ഉയര്‍ന്നിട്ടുണ്ട്. നിസാമിന്റെ ഭാര്യയെ കേസില്‍ നിന്നും പൂര്‍ണമായും ഒഴിവാക്കിയതും ഡിജിപിയുടെ ഇടപെടല്‍ മൂലമാണെന്നാണ് സൂചന.

English summary
Chandrabose murder case; P.C George gets evidence from Jacob Job
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X