യുഎഇയില് ഊഷ്മളമായ സ്വീകരണം ലഭിച്ചു, പ്രവാസികള്ക്ക് നന്ദി പറഞ്ഞ് മുഖ്യമന്ത്രി
തിരുവനന്തപുരം: അഞ്ചു ദിവസത്തെ സന്ദര്ശനത്തിനായി യുഎഇയില് എത്തിയപ്പോള് ഊഷ്മളമായ സ്വീകരണമാണ് യുഎഇ ഭരണാധികാരികളില് നിന്നും മലയാളി പ്രവാസികളില് നിന്നും ലഭിച്ചത്. അവരോട് നന്ദി അറിയിക്കുന്നുവെന്ന് മുഖ്യമന്ത്രി പിണറായി വിജയന്. ദുബായ് എക്സ്പോ 2020ന്റെ വേദിയില് യു.എ.ഇ വൈസ ്പ്രസിഡണ്ടും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിന് റാഷിദ് അല് മഖ്തൂം സ്വീകരണം നല്കി. കേരളത്തിന്റെ വികസനത്തില് യുഎഇ നല്കി വരുന്ന പിന്തുണയ്ക്ക് അദ്ദേഹത്തോട് നന്ദി അറിയിച്ചു. കേരളത്തില് കൂടുതല് നിക്ഷേപങ്ങള് നടത്താന് മുന്കൈയ്യെടുക്കണമെന്ന് അദ്ദേഹത്തോട് അഭ്യര്ഥിക്കുകയും ചെയ്തെന്നും മുഖ്യമന്ത്രി പറഞ്ഞു.
യു എ ഇ സാമ്പത്തിക വകുപ്പ് മന്ത്രി അബ്ദുല്ല ബിന് തൗഖ് അല് മാരിയ അടക്കമുള്ള മന്ത്രിമാരുമായികൂടിക്കാഴ്ച്ച നടത്തി. നിക്ഷേപകരെ കേരളത്തിലേക്ക് സ്വാഗതം ചെയ്തിട്ടുണ്ട്. ഇന്ത്യയില് ഏറ്റവും നന്നായി മെച്ചപ്പെടുന്ന വ്യവസായ അന്തരീക്ഷമാണ് കേരളത്തിലുള്ളത്. യുഎഇ സര്ക്കാര് മേഖലയില് നിന്നും സ്വകാര്യ മേഖലകളില് നിന്നുള്ള നിക്ഷേപകരെ കേരളത്തിലേക്ക് സ്വാഗതം ചെയ്തിട്ടുണ്ട്. ഇതിനായി സര്ക്കാര് എല്ലാവിധ പിന്തുണയും നല്കുമെന്നറിയിച്ചിട്ടുണ്ട്. യുഎഇയുടെ വികസനത്തില് മലയാളികള് വഹിച്ച പങ്കിനെ ഷെയ്ഖ് നഹ്യാന് പ്രകീര്ത്തിച്ചു. കേരളത്തില് തുടര്ഭരണം ഉണ്ടായത് സംസ്ഥാനത്തിന്റെ വികസന പ്രവര്ത്തനങ്ങള്ക്ക് കൂടുതല് ഗുണകരമാകുമെന്ന് ഷെയ്ഖ് നഹ്യാന് കൂടിക്കാഴ്ചയില് എടുത്തു പറഞ്ഞുവെന്നും മുഖ്യമന്ത്രി വ്യക്തമാക്കി.
വാണിജ്യ വ്യവസായ രംഗത്തെ സഹകരണം കൂടുതല് ശക്തിപ്പെടുത്തുന്നതിന്റെ ഭാഗമായി അബുദാബി ചേംബറിന്റെ ഉന്നത തല സംഘം കേരളം സന്ദര്ശിക്കുന്നുണ്ട്. അബുദാബി ചേംബര് ചെയര്മാന് അബ്ദുള്ള മുഹമ്മദ് അല് മസ്രോയിയുമായി നടത്തിയ കൂടിക്കാഴ്ചയിലാണ് ഈ തീരുമാനം. കോവിഡ് വ്യാപനം കുറയുന്ന മുറയ്ക്ക് കേരളത്തിലെത്താനാണ് അബുദാബി ചേംബറിന്റെ തീരുമാനം. കേരളത്തില് വ്യവസായ മേഖലയില് നിക്ഷേപം നടത്തുന്നതിന് എല്ലാ പിന്തുണയും യുഎഇയിലെ വിവിധ വ്യവസായികള് വാഗ്ദാനം ചെയ്തിട്ടുണ്ട്. ഹോട്ട്പാക്ക് 200 കോടിയുടെ നിക്ഷേപം, ട്രാന്സ് വേള്ഡ്, ഷറഫ് ഗ്രൂപ്പ് എന്നിവരും നിക്ഷേപം നടത്താന് സന്നദ്ധത അറിയിച്ചിട്ടുണ്ട്.
നോര്ക്ക വകുപ്പിന്റെ ഭാഗമായി യു എ ഇ യിലെ മലയാളികള് ഒരുക്കിയ പരിപാടിയില് പങ്കെടുക്കുകയുണ്ടായി. യുഎഇയിലെ എല്ലാ കൂടിക്കാഴ്ചകളിലും ഒപ്പമുണ്ടായിരുന്ന ലുലു ഗ്രൂപ്പ് ചെയര്മാനും നോര്ക്ക വൈസ് ചെയര്മാനുമായ എംഎ യൂസഫലി, യുഎഇയിലെ
ഇന്ത്യന് സ്ഥാനപതി സഞ്ജയ് സുധീര് എന്നിവര്ക്കും നന്ദി രേഖപ്പെടുത്തുന്നു.നമ്മുടെ സംസ്ഥാനത്തിന്റെ പുരോഗതിക്കുള്ള തടസ്സങ്ങള് മിറകടക്കാനുള്ള സര്ക്കാരിന്റെ ശ്രമങ്ങള്ക്ക് വലിയ ഊര്ജമാണ് യു.എ.ഇയില് ലഭിച്ച പ്രതികരണങ്ങള്. അതിനു ചാലകശക്തിയായി പ്രവര്ത്തിക്കുന്നത് പ്രവാസി സഹോദരങ്ങളാണ്. സ്വന്തം നാടിനോടുള്ള സ്നേഹ വായ്പും നാടിനുവേണ്ടി പ്രവര്ത്തിക്കാനുള്ള അവരുടെ സന്നദ്ധതയും വിലമതിക്കാനാവാത്തതാണെന്ന് മുഖ്യമന്ത്രി പറഞ്ഞു.
Click it and Unblock the Notifications
Sign in with Google