5% ജിഎസ്ടി കേരളം നടപ്പാക്കില്ല; 7000 കോടി രൂപയുടെ നിക്ഷേപ വാഗ്ദാനം ലഭിച്ചെന്നും മുഖ്യമന്ത്രി
തിരുവനന്തപുരം: നിത്യോപയോഗ സാധനങ്ങൾക്ക് 5% ജി എസ് ടി എന്ന കേന്ദ്ര നയം കേരളം നടപ്പാക്കില്ലെന്ന് മുഖ്യമന്ത്രി പിണറായി വിജയന്. ആഡംബര വസ്തുക്കളുടെ നികുതി വർധിപ്പിക്കാനാണ് ജി എസ് ടി കൌണ്സിലില് സംസ്ഥാനം ആവശ്യപ്പെട്ടത്. എന്നാല് നിത്യോപയോഗ സാധനങ്ങള്ക്കുള്പ്പടെ 5% ജി എസ് ടി ഏർപ്പെടുത്തുകയാണ് കേന്ദ്രം ചെയ്തതെന്നും മുഖ്യമന്ത്രി പറഞ്ഞു. സംസ്ഥാനങ്ങളുടെ വായ്പ പരിധിക്ക് നിയന്ത്രണം ഏർപ്പെടുത്തുന്ന കേന്ദ്ര നിലപാടിനെതിരേയും മുഖ്യമന്ത്രി രൂക്ഷമായ ഭാഷയില് വിമർശനം ഉന്നയിച്ചു. കിഫ്ബി വായ്പ സർക്കാർ കടമായി കാണുന്ന കേന്ദ്ര നയം തെറ്റാണെന്നും ഇത് തിരുത്തണമെന്നും മുഖ്യമന്ത്രി ആവശ്യപ്പെട്ടു.
കേരളത്തിന്റെ വ്യവസായ മേഖല ഗണ്യമായ നിലയില് പുരോഗമിക്കുകയാണ്. വ്യവസായ വളര്ച്ചയുടെ നയമായി ڇഉത്തരവാദ വ്യവസായം ഉത്തരവാദ നിക്ഷേപംڈ സ്വീകരിക്കുന്ന ആദ്യ ഇന്ത്യന് സംസ്ഥാനമാണ് നമ്മുടേത്. മീറ്റ് ദി ഇന്വസ്റ്റര് പരിപാടിയിലൂടെ 7000 കോടി രൂപയുടെ നിക്ഷേപവാഗ്ദാനമാണ് ലഭിച്ചത്. കഴിഞ്ഞയാഴ്ച (ജൂലായ് ഇരുപതിന്) നെസ്റ്റോ ഗ്രൂപ്പ് 700 കോടി രൂപയുടെ നിക്ഷേപം പ്രഖ്യാപിച്ചു. 75 കോടി രൂപയുടെ നിക്ഷേപ പദ്ധതിക്ക് ടാറ്റ എലക്സിയുമായി ഒപ്പ് വച്ച് 10 മാസം കൊണ്ട് 2.17 ലക്ഷം ചതുരശ്ര അടി കെട്ടിടം കൈമാറി.
കാക്കനാട് 2 ഘട്ടങ്ങളിലായി 1200 കോടി രൂപ നിക്ഷേപമുള്ള, 20000 പേര്ക്ക് തൊഴില് ലഭിക്കുന്ന പദ്ധതിക്ക് ടി സി എസുമായി ഒപ്പുവച്ചു. ദുബായ് വേള്ഡ് എക്സ്പോയില് പങ്കെടുത്തതിലൂടെയും നിക്ഷേപങ്ങള് കേരളത്തിലേക്ക് വന്നു. കൊച്ചി -ബംഗളൂരു വ്യവസായ ഇടനാഴിക്കായുള്ള 2220 ഏക്കര് ഭൂമിയുടെ 70% ഭൂമി 10 മാസം കൊണ്ട് ഏറ്റെടുത്തു.ഒരു വര്ഷം ഒരു ലക്ഷം സംരംഭങ്ങളാരംഭിക്കുന്നതിനായി ആരംഭിച്ച സംരംഭക വര്ഷം പദ്ധതിയില് മൂന്നര മാസം കൊണ്ട് (ജൂലായ് 21വരെ) 42372 സംരംഭങ്ങളാരംഭിച്ചു. നാല് ശതമാനം പലിശയ്ക്കാണ് പദ്ധതിയില് വായ്പ നല്കുന്നത്. 3 ലക്ഷം മുതല് 4 ലക്ഷം വരെ തൊഴില് ലഭ്യമാകുമെന്നും മുഖ്യമന്ത്രി പറഞ്ഞു.
കോവിഡ് കാരണം പ്രതിസന്ധിയിലായ എം എസ് എം ഇ മേഖലയ്ക്ക് കൈത്താങ്ങായി 1416 കോടി രൂപയുടെ പാക്കേജ് നടപ്പിലാക്കി. 50 കോടിയില് അധികം മൂലധന നിക്ഷേപമുള്ള വ്യവസായങ്ങള്ക്ക് ഏഴ് ദിവസങ്ങള്ക്കുള്ളില് അനുമതി നല്കുകയാണ്. 50 കോടി രൂപ വരെയുള്ള വ്യവസായങ്ങള്ക്ക് അതിവേഗ അനുമതി നല്കുന്നതിന് കെസ്വിഫ്റ്റ് പ്രവര്ത്തിക്കുന്നുണ്ട്. സംരംഭകരുടെ പരാതികളില് സമയബന്ധിതമായി തീര്പ്പുകല്പ്പിക്കുന്നില്ലെങ്കില് ഉദ്യോഗസ്ഥരില് നിന്ന് പിഴ ഈടാക്കും. വ്യവസായ സ്ഥാപനങ്ങളിലെ പരിശോധനകൾ സുതാര്യമാക്കുന്നതിനായി കേന്ദ്രീകൃത പരിശോധനാ സംവിധാനം(കെസിസ്) നിലവില് വന്നു. വ്യവസായങ്ങളുമായി ബന്ധപ്പെട്ട കാലഹരണപ്പെട്ട നിയമങ്ങളും ചട്ടങ്ങളും പരിഷ്കരിക്കുന്നതിനും നടപടി ക്രമങ്ങളും ലഘൂകരിക്കുന്നതിനുമുള്ള നടപടികള് നല്ല രീതിയിൽ പുരോഗമിക്കുകയാണ്.
എന്തൊരഴകാണ്.... തൂ വെള്ളയില് തിളങ്ങി മാളവിക മോഹനന്; വൈറലായി പുതിയ ചിത്രങ്ങള്
പല തലത്തില് വരുന്ന പ്രയാസങ്ങളെ അതിജീവിച്ച് സര്ക്കാര് മുന്നോട്ടു പോവുകയാണ്. പശ്ചാത്തല സൗകര്യ വികസനത്തിലുണ്ടായ പ്രകടമായ മാറ്റം അതിന്റെ ഒരു ഭാഗമാണ്. ദേശീയപാതാ വികസനത്തില് കഴിഞ്ഞ ആറ് വര്ഷം കൊണ്ട് ഗണ്യമായ മുന്നേറ്റമാണ് ഉണ്ടാക്കിയത്. പാലക്കാട്, മലപ്പുറം, കോഴിക്കോട് (എന്എച്ച് 966), കൊച്ചി, മൂന്നാര്, തേനി (എന്എച്ച് 85), കൊല്ലം, ചെങ്കോട്ട (എന്എച്ച് 744) എന്നീ ദേശീയപാതകളുടെ വികസനം നാഷണല് ഹൈവേ അതോറിറ്റിയുടെ പരിഗണനയില് വന്നതുതന്നെ സര്ക്കാരിന്റെ നിരന്തരമായ ഇടപെടലിന്റെ ഫലമായാണ്. തലസ്ഥാനനഗരത്തിന്റെ വികസനത്തിന് വലിയ തോതില് ഉതകുന്ന തിരുവനന്തപുരം ഔട്ടര് റിങ് റോഡ് പദ്ധതി സംസ്ഥാനത്തിന് അനുവദിച്ചുകിട്ടിയതും ദേശീയപാതാവികസനത്തിലെ നിര്ണ്ണായകനേട്ടമാണെന്നും മുഖ്യമന്ത്രി വ്യക്തമാക്കുന്നു.
ദേശീയപാതാ വികസനത്തിനായി ഭൂമി ഏറ്റെടുക്കുമ്പോള് കേന്ദ്രസര്ക്കാരാണ് മറ്റു സംസ്ഥാനങ്ങളില് നഷ്ടപരിഹാരത്തുക നല്കുന്നത്. കേരളത്തിലെ ഉയര്ന്ന ഭൂമിവില ചൂണ്ടിക്കാട്ടി കേന്ദ്രസര്ക്കാര് അതില് നിന്ന് പിന്മാറി. അതോടെ ഭൂമിവിലയുടെ 25 ശതമാനം സംസ്ഥാനം വഹിക്കുകയും ആ തുക മുന്കൂറായി ദേശീയ പാതാ അതോറിറ്റിക്ക് കൈമാറുകയും ചെയ്താണ് എല്ഡിഎഫ് സര്ക്കാര് ദേശീയ പാതാ വികസനം സാധ്യമാക്കിയത്.
ദേശീയപാത 66ന്റെ വികസനത്തിനായി 1081 ഹെക്ടര് ഭൂമിയാണ് ഏറ്റെടുക്കേണ്ടിയിരുന്നത്. ഇതില് 1065 ഹെക്ടര് ഏറ്റെടുത്തുകഴിഞ്ഞു. 98.51 ശതമാനം ഭൂമി ഏറ്റെടുക്കലാണ് പൂര്ത്തിയാക്കിയത്. 2020 ഒക്ടോബര് 13 ന് ദേശീയപാതാ 66 ന്റെ ഭാഗമായുള്ള 11,571 കോടിയുടെ ആറ് പദ്ധതികളാണ് കേന്ദ്രമന്ത്രി നിധിന് ഗഡ്കരി ഉദ്ഘാടനം ചെയ്തത്. സംസ്ഥാനത്ത് ദേശീയപാതാ വികസനത്തിന്റെ ഭാഗമായി ആകെ 21,940 കോടിയുടെ നഷ്ടപരിഹാര പാക്കേജാണ് തയ്യാറാക്കിയത്. 2022 ജൂലൈ 16 ന്റെ കണക്കനുസരിച്ച് 19,878 കോടി രൂപ വിതരണം ചെയ്തുവെന്നും മുഖ്യമന്ത്രി കൂട്ടിച്ചേർത്തു.
Click it and Unblock the Notifications
Sign in with Google