രാഹുൽ മാങ്കൂട്ടത്തിൽ കടന്നുകളഞ്ഞത് സിനിമാ താരത്തിന്റെ ചുവന്ന കാറിൽ? അന്വേഷണം ഊർജിതമാക്കി പോലീസ്

പാലക്കാട്: ലൈംഗിക പീഡന കേസിൽ പ്രതി ചേർത്തതിന് പിന്നാലെ രാഹുൽ മാങ്കൂട്ടത്തിൽ എംഎൽഎ പാലക്കാട് നിന്ന് മുങ്ങിയത് സിനിമ താരത്തിന്റെ കാറിലാണെന്ന സംശായത്തിൽ പോലീസ്. കഴിഞ്ഞ വ്യാഴാഴ്‌ച രാഹുൽ മാങ്കൂട്ടത്തിൽ പാലക്കാട് നിന്ന് രക്ഷപ്പെട്ടത് ചുവന്ന പോളോ കാറിലാണെന്ന വിവരം പോലീസിന് നേരത്തെ തന്ന ലഭിച്ചിരുന്നു. രാഹുലിന്റെ ഔദ്യോഗിക വാഹനം ഫ്ലാറ്റിന് പുറത്ത് നിർത്തിയിട്ട നിലയിൽ ആയിരുന്നു.

രാഹുൽ മാങ്കൂട്ടത്തിൽ രക്ഷപെടാൻ ഉപയോഗിച്ച കാർ ഒരു സിനിമ താരത്തിന്റേതാണെന്നാണ് പോലീസിന് ലഭിച്ച വിവരം. ഈ കാര്‍ കേന്ദ്രീകരിച്ചും അന്വേഷണം വ്യാപിപ്പിച്ചിട്ടുണ്ട്. നിലവിൽ കേരളത്തിന് പുറത്തേക്കും രാഹുലിനായുള്ള അന്വേഷണം നടത്തുന്നുണ്ട്. നേരത്തെ രാഹുൽ മാങ്കൂട്ടത്തിലിന്റെ പരിപാടിയിൽ പങ്കെടുക്കാൻ ഒരു സിനിമ താരവും എത്തിയിരുന്നു. അവരുടെ കാറിലാണ് രാഹുൽ മുങ്ങിയതെന്നാണ് പോലീസിന് ലഭിച്ച വിവരം.

ഇതിന് പിന്നാലെ പാലക്കാട് എംഎൽഎയുടെ സ്‌റ്റാഫിനെയും ഡ്രൈവറെയും ഉൾപ്പെടെ ചോദ്യം ചെയ്തെങ്കിലും ആരുടെ കാറിലാണ് രാഹുൽ കടന്ന് കളഞ്ഞതെന്ന് വെളിപ്പെടുത്താൻ തയ്യാറായിരുന്നില്ല. എങ്കിലും ഇവരിൽ നിന്ന് ചില നിര്‍ണായക വിവരങ്ങൾ പോലീസിന് ലഭിച്ചിട്ടുണ്ടെന്നാണ് റിപ്പോർട്ടുകൾ വ്യക്തമാക്കുന്നത്. കൂടാതെ രാഹുലമായി ബന്ധമുള്ള അടുത്ത സുഹൃത്തുക്കളെക്കുറിച്ചും അന്വേഷണം നടത്തുന്നുണ്ട്.

നിലവിൽ പാലക്കാട് കേന്ദ്രീകരിച്ച് തന്നെയാണ് അന്വേഷണ സംഘം പ്രധാനമായും രാഹുലിന് വേണ്ടിയുള്ള തിരച്ചിൽ നടത്തുന്നത്. എങ്കിലും പുറത്തേക്ക് കടന്ന് കളയാനുള്ള സാധ്യത കണക്കിലെടുത്ത് നിലവിൽ ബെംഗളൂരുവിലും തമിഴ്‌നാട്ടിലും അന്വേഷണം നടക്കുന്നുണ്ട്. രാഹുലിന്റെ മുൻ‌കൂർ ജാമ്യാപേക്ഷ ബുദ്ധനാഴ്ച്ചയാണ് കോടതി പരിഗണിക്കുന്നത്.

നിലവിൽ രാഹുൽ മാങ്കൂട്ടത്തിലിനെ അറസ്‌റ്റ് ചെയ്യാൻ യാതൊരു തടസ്സവുമില്ല. ഈ സാഹചര്യത്തിലാണ് പല കോണുകളിൽ നിന്നും അറസ്‌റ്റിനുള്ള മുറവിളി ഉയരുന്നുണ്ട്. എന്നാൽ സിസിടിവി കേന്ദ്രീകരിച്ചുള്ള അന്വേഷണം ഇതുവരെ എവിടെയും എത്തിയിട്ടില്ല. സിസിടിവി ഇല്ലാത്ത മേഖലകൾ കൃത്യമായി മനസിലാക്കിയാണ് രാഹുൽ കടന്നുകളഞ്ഞതെന്നാണ് വിവരം.

അതിനിടെ രാഹുല്‍ മാങ്കൂട്ടത്തിലിന്റെ അറസ്‌റ്റ് വേഗത്തിലാക്കാൻ കൂടുതല്‍ സംഘം രൂപീകരിക്കാനാണ് പോലീസ് നീക്കം. എല്ലാ ജില്ലകളിലും സംഘങ്ങള്‍ രൂപീകരിക്കാന്‍ എഡിജിപി കര്‍ശന നിര്‍ദേശം നല്‍കിയിട്ടുണ്ട്. ജില്ലാ പോലീസ് മേധാവിമാരുടെ നേതൃത്വത്തിലാകണം സംഘങ്ങള്‍. സംശയമുളളവരെ ചോദ്യം ചെയ്യാം. സംശയമുളള സ്ഥലങ്ങളില്‍ പരിശോധന നടത്താമെന്നും എഡിജിപി നിർദ്ദേശിച്ചിട്ടുണ്ട്.

രാ​ഹു​ലിന്റെ​ ​പാ​ല​ക്കാ​ട് ​കു​ന്ന​ത്തൂ​ർ​ ​മേ​ട്ടി​ലെ​ ​ഫ്ലാ​റ്റി​ൽ​ ​അ​​ന്വേ​ഷ​ണ​ ​സം​ഘം​ ഇന്നലെ ​പ​രി​ശോ​ധ​ന​ നടത്തിയിരുന്നു. എങ്കിലും ​യു​വ​തി​ ​എ​ത്തി​യ​ ​ദി​വ​സ​ത്തെ​ ​സിസി​ടി​വി​ ​ദൃ​ശ്യം​ ​ല​ഭി​ച്ചി​ട്ടില്ലെന്നാണ് വിവരം. ഇവി​ടെ​യെ​ത്തിച്ച്​ ​പീ​ഡി​പ്പി​ച്ചു​വെ​ന്ന​ ​യു​വ​തി​യു​ടെ​ ​മൊ​ഴി​യു​ടെ​ ​അ​ടി​സ്ഥാ​ന​ത്തി​ലാ​യി​രു​ന്നു​ ​പ​രി​ശോ​ധ​ന നടന്നത്. ​എന്നാൽ ഡിവിആ​റി​ൽ​ ​യു​വ​തി​ ​പ​റ​ഞ്ഞ​ ​സമയത്തെ​ ​ദൃ​ശ്യം​ ​ഉ​ണ്ടാ​യി​രു​ന്നി​ല്ല. ഇതിൽ പരിശോധന തുടരുകയാണ്.

English summary

Did Rahul Mankootathil escaped in a movie star's red car? Investigation outside Kerala.