രഞ്ജിത്തിന്റെ ഔദ്യോഗിക വാഹനത്തിന്റെ ബോര്ഡ് നീക്കി; ചെയര്മാന് സ്ഥാനം രാജിവെക്കാന് സമ്മര്ദം
തിരുവനന്തപുരം: ബംഗാളി നടിയില് നിന്നുള്ള ആരോപണത്തിന് പിന്നാലെ ചലച്ചിത്ര അക്കാദമി ചെയര്മാന് രഞ്ജിത്തിനെ കൈവിട്ട് സര്ക്കാര്. രഞ്ജിത്തിന്റെ ഔദ്യോഗിക വാഹനത്തിന്റെ ബോര്ഡ് നീക്കം ചെയ്തിരിക്കുകയാണ്. ഔദ്യോഗിക വാഹനം രഞ്ജിത്തിന്റെ വയനാട്ടിലെ റിസോര്ട്ടില് നിന്നും കൊണ്ടുപോയി.
രഞ്ജിത്തിനെതിരെ വ്യാപക പ്രതിഷേധമാണ് ഉയര്ന്നിരിക്കുന്നത്. ഇടതുകേന്ദ്രങ്ങളില് നിന്നും രഞ്ജിത്തിനെ നീക്കം ചെയ്യണമെന്ന് സമ്മര്ദമുണ്ടായിരുന്നു. സിപിഐ നേതാക്കളും പ്രതിപക്ഷ നേതാവ് വിഡി സതീശനുമെല്ലാം രഞ്ജിത്ത് ചലച്ചിത്ര അക്കാദമി ചെയര്മാന് സ്ഥാനം രാജിവെക്കണമെന്ന് ആവശ്യപ്പെട്ടിരുന്നു.
ലൈംഗികാരോപണങ്ങള്ക്ക് പിന്നാലെ രഞ്ജിത്ത് താമസിക്കുന്ന വയനാട്ടിലെ റിസോര്ട്ടിലേക്ക് യൂത്ത് കോണ്ഗ്രസ് പ്രവര്ത്തകര് പ്രതിഷേധ മാര്ച്ച് നടത്തിയിരുന്നു. രഞ്ജിത്ത് സ്ഥാനമൊഴിയണമെന്നായിരുന്നു ഇവരുടെ ആവശ്യം. ആരോപണം ഉയര്ന്ന സാഹചര്യത്തില് സ്ഥാനത്ത് നിന്ന് മാറി നില്ക്കണം.
സര്ക്കാര് നിയമപരമായ നടപടിയെടുക്കണമെന്നും പ്രതിഷേധക്കാര് ആവശ്യപ്പെട്ടു. അതേസമയം ഇന്ന് രാവിലെയുള്ള പ്രതികരണത്തില് രഞ്ജിത്തിനെ പിന്തുണച്ച സാംസ്കാരിക മന്ത്രി സജി ചെറിയാന് നിലപാട് മയപ്പെടുത്തിയിട്ടുണ്ട്. രഞ്ജിത്തിനെതിരെ വെളിപ്പെടുത്തല് നടത്തിയ നടിക്ക് നേരിട്ടെത്തി പരാതി നല്കാന് സാധിക്കില്ലെങ്കില് ഏത് തരത്തില് പരാതി സ്വീകരിക്കാന് കഴിയുമെന്ന് ചിന്തിക്കുമെന്ന് മന്ത്രി പറഞ്ഞു.
നിയമവിദഗ്ധരുമായി ആലോചിച്ച് ഇക്കാര്യത്തില് തീരുമാനമെടുക്കും. അന്വേഷണം നടത്തി ആരോപണവിധേയന് കുറ്റക്കാരനെന്ന് കണ്ടാല് ഒരു വിട്ടുവീഴ്ച്ചയും ഇല്ലാതെ നടപടി സ്വീകരിക്കുമെന്നും മന്ത്രി പറഞ്ഞു. അതേസമയം ചലച്ചിത്ര അക്കാദമി ചെയര്മാന് സ്ഥാനത്ത് നിന്ന് രാജിവെക്കണോ എന്ന് തീരുമാനിക്കേണ്ടത് രഞ്ജിത്ത് തന്നെയാണെന്നും സജി ചെറിയാന് വ്യക്തമാക്കി.
കേരളത്തില് നിന്ന് ആരെങ്കിലും സഹായിച്ചാല് നടപടിയുമായി മുന്നോട്ട് പോകാം. ബംഗാളില് നിന്ന് കേസുമായി മുന്നോട്ട് പോകാന് ബുദ്ധിമുട്ടുണ്ടെന്നും നടി നേരത്തെ പറഞ്ഞിരുന്നു. അതേസമയം അക്കാദമി ചെയര്മാന് സ്ഥാനം രാജിവെക്കാന് രഞ്ജിത്തില് കടുത്ത സമ്മര്ദമുണ്ട്. എല്ഡിഎഫില് ഒരു വിഭാഗം രാജിക്കായി സമ്മര്ദം ചെലുത്തുന്നുണ്ട്.
അതേസമയം പരാതിയൊന്നും സര്ക്കാരിന് മുന്നില് വന്നിട്ടില്ലെന്ന് മന്ത്രി എംബി രാജേഷ് പറഞ്ഞു. പരാതി തന്നാല് നിയമനടപടി ഉണ്ടാവുമെന്നും മന്ത്രി പറഞ്ഞു. നിയമത്തിന് മുകളില് ഒന്നും പറക്കില്ല. നിയമപ്രകാരമുള്ള നടപടികള് സര്ക്കാരിന്റെ ഭാഗത്ത് നിന്നുണ്ടാകുമെന്നും രാജേഷ് വ്യക്തമാക്കി. മുഖ്യമന്ത്രി നിലപാട് എന്താകുമെന്ന് കാത്തിരിക്കുകയാണ് എല്ഡിഎഫ്. അതിന്റെ അടിസ്ഥാനത്തിലായിരിക്കും രഞ്ജിത്തിന്റെ രാജിയുണ്ടാവുക.
ചലച്ചിത്ര അക്കാദമി ചെയര്മാന് സ്ഥാനത്ത് നിന്ന് രഞ്ജിത്തിനെ നീക്കണമെന്ന് സിപിഐ നേതാവ് ആനി രാജ ആവശ്യപ്പെട്ടിരുന്നു. സംസ്ഥാനത്തത്തിന്രെ അഭിമാനം സംരക്ഷിക്കാന് സര്ക്കാര് നടപടി സ്വീകരിക്കണമെന്നും ആനി രാജ ആവശ്യപ്പെട്ടു. ആരോപണം ഗൗരവമുള്ളതാണെന്ന് ചലച്ചിത്ര അക്കാദമിയിലെ അംഗങ്ങളായ മനോജ കാനയും, എന് അരുണും പറഞ്ഞു.
-
മോഹൻലാലിനെ ആര് പിടിച്ച് അഭിനയിപ്പിച്ചു എന്ന് തോന്നി;മമ്മൂട്ടിയുടെ സ്വഭാവമാണത്; ഗോപകുമാർ -
6500 വർഷം പഴക്കമുള്ള കല്ലറയിൽ 1.5 കിലോ സ്വർണം..! മൂവായിരത്തിൽ അധികം ആഭരണങ്ങൾ, ഇതാണ് വർണ -
യുഡിഎഫ് അധികാരത്തിലേക്ക്: രമേശ് ചെന്നിത്തല മുഖ്യമന്ത്രിയാകും! വൻ പ്രഖ്യാപനം -
ഇറാന് കടുത്ത ഉപാധികള് വച്ചു; യുഎസ് താവളങ്ങള് പൂട്ടണം, നിങ്ങള് സ്വയം ചര്ച്ച നടത്തുകയാണോ -
ബെംഗളൂരു നിവാസികളുടെ ശ്രദ്ധയ്ക്ക്; പാർക്കിംഗ് ഇനി കരുതലോടെ മതി, ഇല്ലെങ്കിൽ വൻ പിഴ, കാറിന് 1000, ബൈക്കിന് 650! -
ഇറാൻ ആണവായുധങ്ങൾ വികസിപ്പിക്കില്ലെന്ന് സമ്മതിച്ചു; സംഘർഷം വിജയകരമായി അവസാനിച്ചെന്ന് ട്രംപ് -
ഗുജറാത്ത് ഏകസിവില് കോഡ് ബില്ല് പാസാക്കി; മുസ്ലിം വിരുദ്ധം എന്ന് കോണ്ഗ്രസ്, എതിര്ത്ത് എഎപി -
ശ്രേയ ഘോഷാലിന്റെ ലൈവ് ഷോയുടെ പ്രതിഫലം ലക്ഷങ്ങളല്ല; അമ്പരന്ന് ആരാധകര്: തൊട്ടുമുകളില് എആര് റഹ്മാന് -
'ഇതെന്റെ അവസാനത്തെ വീഡിയോ..'; മൊണാലിസയുടെ ആരോപണത്തില് സനോജ് മിശ്രയുടെ മറുപടി -
യു പ്രതിഭയെ അപമാനിച്ച് ലീഗ് നേതാവ്, കണ്ണീരോടെ ഇടത് സ്ഥാനാർത്ഥി, അപലപിച്ച് മുഖ്യമന്ത്രി പിണറായി വിജയൻ -
യുഡിഎഫ് ആവശ്യപ്പെട്ടു, എസ്ഡിപിഐ പിന്മാറുന്നു? മഞ്ചേശ്വരത്ത് ബിജെപിയെ തോൽപിക്കുക ലക്ഷ്യം -
അവധികാലത്ത് വെറും 24,000 രൂപയ്ക്ക് റെയിൽവേ ഒരുക്കുന്ന അത്ഭുത യാത്ര; ടിക്കറ്റ് ബുക്കിംഗ് തുടങ്ങിക്കഴിഞ്ഞു
Click it and Unblock the Notifications
Sign in with Google