സംവിധായകൻ ഷാഫിയുടെ ആരോഗ്യനില ഗുരുതരമായി തുടരുന്നു; ശസ്ത്രക്രിയ നടത്തിയെന്ന് ബി ഉണ്ണികൃഷ്ണൻ
കൊച്ചി: സംവിധായകന് ഷാഫിയുടെ ആരോഗ്യനില മാറ്റമില്ലാതെ തുടരുന്നുവെന്ന് ഫെഫ്ക ജനറൽ സെക്രട്ടറിയും സംവിധയകനുമായ ബി ഉണ്ണികൃഷ്ണന്. ഇപ്പോഴും വെന്റിലേറ്ററില് ചികിത്സ തുടരുകയാണെന്നും ശസ്ത്രക്രിയ നടത്തിയെന്നും ബി ഉണ്ണികൃഷ്ണന് അറിയിച്ചു. സാധ്യമായ എല്ലാ ചികിത്സയും ഷാഫിക്ക് നൽകി വരുന്നുണ്ടെന്നാണ് ഉണ്ണികൃഷ്ണൻ മാധ്യമങ്ങളോട് പറഞ്ഞത്.
നിലവിൽ വെന്റിലേറ്റര് സഹായമുണ്ടെന്നും രോഗം ഉടന് ഭേദമാകുമെന്നാണ് പ്രതീക്ഷിക്കുന്നതെന്നും അദ്ദേഹം മാധ്യമങ്ങളോട് പ്രതികരിച്ചു. ഞങ്ങള് ഡോക്ടര്മാരുമായി സംസാരിച്ചു. ഏറ്റവും ഫലപ്രദമെന്ന് കരുതുന്ന എല്ലാ ചികിത്സയിലും നൽകാനാണ് ശ്രമം. ആരോഗ്യനില മെച്ചപ്പെടുമെന്നാണ് കരുതുന്നതെന്നും ബി ഉണ്ണികൃഷ്ണൻ പറഞ്ഞു.
ആന്തരിക രക്തസ്രാവത്തെ തുടര്ന്ന് ഈ മാസം 16നാണ് ഷാഫിയെ ആശുപത്രിയില് പ്രവേശിപ്പിച്ചത്. ഷാഫിയെ നടന് മമ്മൂട്ടി ആശുപത്രിയിലെത്തി സന്ദര്ശിച്ചിരുന്നു. നിര്മ്മാതാക്കളായ രജപുത്ര രഞ്ജിത്ത്, ആന്റോ ജോസഫ് എന്നിവരും മമ്മൂട്ടിക്കൊപ്പമുണ്ടായിരുന്നു. ഇന്ന് വൈകീട്ടോടെയാണ് മമ്മൂട്ടി ആശുപത്രിയിൽ എത്തി ഷാഫിയെ കണ്ടത്.
കൊച്ചി ആസ്റ്റര് മെഡിസിറ്റി ആശുപത്രിയിലാണ് അദ്ദേഹത്തിന്റെ ചികിത്സ തുടരുന്നത്. അർബുദ ബാധിതനായി ചികിത്സയിലായിരുന്നു ഷാഫി. തുടർന്ന് തലവേദന വന്നതോടെ കഴിഞ്ഞയാഴ്ച ആശുപത്രിയിൽ എത്തിയപ്പോഴാണ് ആന്തരിക രക്തസ്രാവം കണ്ടെത്തിയത്. മമ്മൂട്ടിക്ക് പുറമേ എംവി ഗോവിന്ദൻ അടക്കമുള്ളവരും ആശുപത്രിയിൽ എത്തിയിരുന്നു.
മലയാള സിനിമയിലെ കോമഡി ചിത്രങ്ങൾക്ക് പുതിയ രൂപവും ഭാവവും നൽകിയ സംവിധായകരിൽ പ്രധാനിയായിരുന്നു ഷാഫി. 1995-ല് ജയറാം-രാജസേനൻ ചിത്രമായ ആദ്യത്തെ കണ്മണിയിലൂടെ സഹസംവിധായകനായാണ് അദ്ദേഹം തന്റെ സിനിമാ ജീവിതം ആരംഭിച്ചത്. 2001-ല് പുറത്തിറങ്ങിയ ജയറാം ചിത്രം വണ്മാന് ഷോയിലൂടെയാണ് സ്വതന്ത്ര സംവിധായകനായി ഷാഫി മാറിയത്.
പത്തോളം സിനിമകളാണ് ഷാഫി സംവിധാനം ചെയ്തത്. അതിൽ ഭൂരിഭാഗവും സൂപ്പർഹിറ്റുകളും മലയാളികൾ എന്നും ഓർക്കുന്ന ചിത്രങ്ങളുമാണ്. ദിലീപിന്റെ കോമഡി ഹിറ്റ് ചിത്രം കല്യാണ രാമന്, ജയസൂര്യ ചിത്രം പുലിവാല് കല്യാണം, മമ്മൂട്ടി ചിത്രങ്ങളായ തൊമ്മനും മക്കളും, മായാവി, ചട്ടമ്പിനാട്, ദിലീപ് നായകനായ ടു കണ്ട്രീസ് എന്നിവ ഷാഫിയുടേതായിരുന്നു. ഇവയെല്ലാം തിയേറ്ററിൽ വൻ ഹിറ്റായിരുന്നു.
ഷറഫുദീനെ നായകനാക്കി ഒരുക്കിയ ആനന്ദം പരമാനന്ദം എന്ന ചിത്രമാണ് അദ്ദേഹം സംവിധാനം ചെയ്ത് തിയേറ്ററുകളിൽ എത്തിയ അവസാന ചിത്രം. പിന്നീട് ആരോഗ്യ കാരണങ്ങളാൽ വിട്ടു നിൽക്കുകയായിരുന്നു. റാഫി-മെക്കാർട്ടിൻ കൂട്ടുകെട്ടിലെ റാഫിയുടെ സഹോദരനും സിദ്ദിഖ്-ലാൽ കൂട്ടുകെട്ടിലെ സിദ്ദിഖ് ഷാഫിയുടെ അമ്മവാനുമാണ്.
-
ശബരി റെയിൽപാതയ്ക്ക് ഇനി എത്ര കാത്തിരിക്കണം? 2032ൽ അങ്കമാലി-എരുമേലി റൂട്ടിൽ ട്രെയിനുകൾ ഓടി തുടങ്ങും..! -
"എന്റെ യോഗ്യത ചർച്ച ചെയ്തത് കൊണ്ടാണ് പിഷാരടിയുടെ കാര്യം എടുത്തിട്ടത്, തൃക്കാക്കരക്കാർ മാറി ചിന്തിക്കണം" -
പ്രധാനമന്ത്രി ഒരുപാടു കാര്യങ്ങള് പറഞ്ഞു; ഓമിക്ക് കൊടുത്ത ചോക്ലേറ്റ് നിധി പോലെ സൂക്ഷിച്ചുവച്ചിട്ടുണ്ട് -
പാൻ കാർഡ് നിയമങ്ങളിൽ വൻ മാറ്റം; ഏപ്രിൽ മുതൽ പണമിടപാടുകളിൽ ജാഗ്രത, ഇല്ലെങ്കിൽ പണി കിട്ടും! -
സ്വര്ണം തിരിച്ചുകയറി; എണ്ണ വീണു, ട്രംപിന്റെ ഒറ്റ പ്രഖ്യാപനത്തോടെ വിപണിയില് ട്വിസ്റ്റ്, ചര്ച്ചയില് പ്രതീക്ഷ -
സ്വര്ണം ഊരി നല്കി സ്ത്രീകള്; ഒരു മാസത്തെ ശമ്പളം നല്കി എംഎല്എ, ഇന്ത്യയോട് നന്ദി പറഞ്ഞ് ഇറാന് -
ശുക്രൻ തെളിയും വൈകാതെ; ഈ രാശിക്കാർ പുതിയ കാറും വീടും വാങ്ങും, സ്വത്ത് തർക്കങ്ങൾ പരിഹരിക്കും! -
പൊന്നും പണവും കൈയിലേക്ക്...; ഈ രാശിക്കാര്ക്കിനി രാജയോഗത്തിന് സമാനമായ നേട്ടം -
ഏപ്രില് 1 മുതല് ശമ്പള ഘടന മാറും..! കൈയില് കിട്ടുന്ന ശമ്പളം കുറയുമോ? അറിയേണ്ടതെല്ലാം -
ഹണി റോസിനെ വിട്ട് മൊണാലിസയെ എത്തിച്ച ബോച്ചെയുടെ തന്ത്രം ജയിച്ചു; എന്നാല് സര്ക്കാര് പെടുമോ? -
കേരളത്തിലെ ഈ ജില്ലയ്ക്ക് പറയാനുള്ളത് 'നാണക്കേടിന്റെ' തിരഞ്ഞെടുപ്പ് ചരിത്രം; ഇത്തവണ മാറുമോ -
അഖില് ഇന്ന് പറയുന്നത് നാളെ മാറ്റിപ്പറയും.. മറുപടി രണ്ട് വര്ഷം കഴിഞ്ഞ് തരാം; പരിഹസിച്ച് പിഷാരടി
Click it and Unblock the Notifications
Sign in with Google