സ്ഥാനാര്ത്ഥി നിര്ണയത്തില് അതൃപ്തി; കുറ്റ്യാടിയിലും പൊന്നാനിയിലും സിപിഎം പ്രവര്ത്തകരുടെ പരസ്യ പ്രതിഷേധം
കുറ്റ്യാടി: കുറ്റ്യാടി മണ്ഡലം എല്ഡിഎഫ് സീറ്റ് കേരള കോണ്ഗ്രസിന് നല്കിയതില് പ്രതിഷേധിച്ച് മണ്ഡലത്തില് സിപിഎം പ്രതിഷേധ പ്രകടനം നടത്തി. ജോസ് കെ മാണി വിഭാഗത്തിന് സീറ്റ് നല്കിയതില് പ്രതിഷേധിച്ച് മണ്ഡലത്തിന്റെ വിവിധയിടങ്ങളില് പ്രതിഷേധം ഉയര്ന്നിരുന്നു. കെപി കുഞ്ഞഹമ്മദ് കുട്ടി മാസ്റ്ററെ സ്ഥാനാര്ത്ഥിയാക്കണമെന്ന് ആവശ്യപ്പെട്ടാണ് കുറ്റ്യാടിയില് പ്രവര്ത്തകര് പരസ്യ പ്രതിഷേധം നടത്തിയത്.
കേരള കോണ്ഗ്രസിന്റെ കൊടി പോലും മണ്ഡലത്തിലെ പാര്ട്ടി പ്രവര്ത്തകര്ക്ക് അറിയുക പോലുമില്ലെന്ന് പ്രവര്ത്തകര് പറയുന്നു. ഇതോടെയാണ് സിപിഎം പ്രവര്ത്തകര് പരസ്യ പ്രതിഷേധവുമായി രംഗത്തെത്തിയത്. വരും ദിവസങ്ങളില് പ്രതിഷേധം തുടരുമെന്നാണ് പ്രവര്ത്തകര് പറയുന്നത്.
അതേസമയം, പൊന്നാനിയിലെ സ്ഥാനാര്ത്ഥി നിര്ണയത്തില് പ്രതിഷേധം ശക്തമാകുകയാണ്. പൊന്നാനിയില് പി നന്ദകുമാറിനെ സ്ഥാനാര്ത്ഥിയാക്കിയതില് പ്രതിഷേധിച്ചാണ് പ്രകടനം. നന്ദകുമാറിന് പകരം ടിഎം സിദ്ദിഖിനെ സ്ഥാനാര്ത്ഥിയാക്കണമെന്നാണ് പ്രതിഷേധക്കാര് ആവശ്യപ്പെടുന്നത്. സ്ത്രീകളും കുട്ടികളും അടങ്ങുന്ന നൂറുകണക്കിന് പേരാണ് പ്രകടനവുമായി തെരുവില് ഇറങ്ങിയത്.
അമിത് ഷാ വര്ഗീയതയുടെ ആള്രൂപം; കേരളത്തില് വന്ന് നീതി ബോധം പഠിപ്പിക്കേണ്ടെന്ന് പിണറായി വിജയന്
നേതാക്കളെ പാര്ട്ടി തിരുത്തും, പാര്ട്ടിയെ ജനം തിരുത്തുമെന്ന മുദ്രാവാക്യത്തോടെയായിരുന്നു പ്രകടനം. പൊന്നാനിയിലെ മുൻ ഏരിയ സെക്രട്ടറിയും ജില്ലാ സെക്രട്ടറിയേറ്റ് അംഗവുമാണ് ടിഎം സിദ്ദിഖ്. നേരത്തെ സിദ്ദിഖിനെ മത്സരിപ്പിക്കുമെന്ന റിപ്പോര്ട്ടുകളുണ്ടായിരുന്നു. എന്നാല് പിന്നീട് സി്ഐടിയു ദേശീയ സെക്രട്ടറി പി നന്ദകുമാറിനെ മത്സരിപ്പിക്കാന് തീരുമാനിച്ചത്. രണ്ട് തവണ ടിഎം സിദ്ദിഖ് ശ്രീരാമകൃഷ്ണന് വേണ്ടി മാറി നിന്നതാണെന്ന് പ്രവര്ത്തകര് പറയുന്നു.
അന്താരാഷ്ട്ര വനിതാ ദിനാശംസകള്, ചിത്രങ്ങള് കാണാം
അതേസമയം, സംസ്ഥാന സമിതിയാണ് നന്ദകുമാറിന്റെ പേര് നിര്ദ്ദേശിച്ചത്. ഇതിനെതിരെ ജില്ലാ സെക്രട്ടറിയേറ്റില് എതിരഭിപ്രായം ഉയര്ന്നെങ്കിലും സംസ്ഥാന സമിതി അംഗീകരിക്കുകയായിരുന്നു. രണ്ട് തവണ മത്സരിച്ചവരെ മാറ്റി നിര്ത്തണമെന്ന മാനദണ്ഡം നടപ്പിലാക്കുന്നതിന്റെ ഭാഗമായാണ് സിറ്റിംഗ് എംഎല്എയായ പി ശ്രീരാമകൃഷ്ണനെ മാറ്റി നിര്ത്താന് തീരുമാനിച്ചത്.
ശശീന്ദ്രനെ ചൊല്ലി എന്സിപിയില് പൊട്ടിത്തെറി; പ്രമുഖ നേതാവ് പാര്ട്ടി വിട്ടു, ഇനി യുഡിഎഫിനൊപ്പം
കേരളത്തില് ഇടതുതരംഗം തന്നെ; യുഡിഎഫിന് 56 സീറ്റ്, ടൈംസ് നൗ-സി വോട്ടര് സര്വ്വെ ഫലം
ഞെട്ടിത്തരിച്ച് സൗദി അറേബ്യ; മിസൈലുകള് എത്തിയത് റാസ് തനുറയില്... ലോകം തകിടം മറിയും!!
അഞ്ജു കുര്യന്റെ ലേറ്റസ്റ്റ് ഫോട്ടോകള്