ഗോപീകൃഷ്ണന് ഒരാഴ്ച്ചത്തേക്കുള്ളത് വയറ് നിറച്ച് കിട്ടിയിട്ടുണ്ട്: പരിഹാസവുമായി പിഎസ് പ്രശാന്ത്

Updated: Thursday, February 10, 2022, 14:26 [IST]

മലമ്പുഴയിലെ ചെറാട് മലയില്‍ കുടുങ്ങിയ ബാബുവിനെ രക്ഷപ്പെടുത്തിയതുമായി ബന്ധപ്പെട്ട വിഷയമായിരുന്നു വിവിധ ന്യൂസ് ചാനലുകള്‍ ഇന്നലെ ചർച്ചയ്ക്ക് എടുത്തത്. ഇതില്‍ 24 ന്യൂസ് ചാനലിലെ ചർച്ചയില്‍ രക്ഷാപ്രവർത്തനത്തിന് നേതൃത്വം നല്‍കിയ ഹേമന്തും പങ്കെടുത്തിരുന്നു. രക്ഷാപ്രവർത്തനത്തില്‍ സേനയെ അറിയിക്കുന്നത് അടക്കുള്ള കാര്യങ്ങളില്‍ 'സംസ്ഥാന സർക്കാറിന്റെ ഭാഗത്ത് നിന്നും വീഴ്ച പറ്റിയോ'' എന്ന തരത്തിലുള്ള ചോദ്യമായിരുന്നു 24 അവതാരകന്‍ ഗോപീകൃഷ്ണന്‍ ഹേമന്തിനോട് ചോദിച്ചിരുന്നത്.

സൈനികന്‍ കൃത്യയമായ ഉത്തരം നല്‍കിയെങ്കിലും പിന്നീട് സാമാനമായ ധ്വനിയുള്ള ചോദ്യമായിരുന്നു അവതാരകന്റെ ഭാഗത്ത് നിന്നും ഉണ്ടായത്. ഈ ഒരു രീതിക്കെതിരെ നിശിതമായ വിമർശനമാണ് സാമൂഹ്യ മാധ്യമങ്ങളിലൂടെ ഉയർന്ന് വരുന്നത്. മാധ്യമങ്ങളുടെ ഈ രീതി ഒരിക്കലും നല്ലതല്ലെന്നാണ് സിപിഎം നേതാവായ പിഎസ് പ്രശാന്ത് ഫേസ്ബുക്കില്‍ കുറിക്കുന്നത്. അദ്ദേഹത്തിന്റെ ഫേസ്ബുക്ക് കുറിപ്പിന്റെ പൂർണ്ണ രൂപം ഇങ്ങനെ..

24 ലെ ഗോപീകൃഷ്ണൻ്റെ ചൊറിച്ചിലിന് എത്ര ക്ലാസിക്കലായിട്ടാണ് കരസേനയ്ക്ക് വേണ്ടി ലെഫ്റ്റനൻ്റ് കേണൽ മറുപടി നൽകിയത്. ഗോപീകൃഷ്ണന് ഒരാഴ്ച്ചേത്തേക്കുള്ളത് വയറ് നിറച്ച് കിട്ടിയിട്ടുണ്ട്. കേരളത്തിലെ മാധ്യമങ്ങൾക്കിത് എന്താ പറ്റിയത്. ഇറങ്ങുന്ന എല്ലാ സിനിമയിലേയും കോലും പിടിച്ച് അബദ്ധം പറഞ്ഞ് നിൽക്കുന്ന ഹാസ്യ കഥാപാത്രങ്ങളായി മാധ്യമ പ്രവർത്തകർ അധ:പതിക്കുകയാണ്.

തെന്നിന്ത്യ കീഴടക്കിയ മലയാളി പെണ്‍ക്കൊടി: നിത്യ മേനോന്റെ പുതിയ ചിത്രങ്ങള്‍ വൈറലാവുന്നു

ഇങ്ങനെ പോകുകയാണെങ്കിൽ ഇത്തരം മാധ്യമ പ്രവർത്തകരെ പൊതുജനം വഴിയിൽ കൈകാര്യം ചെയ്യുന്ന കാലം അതി വിദൂരമല്ല. 24 മണിക്കൂറും പ്രേക്ഷകരെ പിടിച്ച് നിർത്തുവാനുള്ള എല്ലാം തികഞ്ഞൊരു മസാല പരിപാടിയാക്കി ദയവ് ചെയ്ത് നിങ്ങൾ മാധ്യമ പ്രവർത്തനത്തെ തരം താഴ്ത്തരുത് .. പ്ലീസ്..! എത്രയോ ജീവിതങ്ങൾക്ക് താങ്ങായി മാറേണ്ടതാണ് നിങ്ങളുടെ വാക്കുകൾ. പകരം നിങ്ങൾ ഇപ്പോൾ ചെയ്ത് കൊണ്ടിരിക്കുന്നതെന്താ..?

പ്രൊഫഷണൽ കരിയറിൻ്റെ ഡിമാൻഡ് ഉയർത്തുവാനുള്ള വ്യഗ്രതയിൽ കാട്ടിക്കൂട്ടുന്ന "മീഡിയ ടെററിസം"..!
ഇതിൽ തകർന്ന് പൊലിഞ്ഞ് പോകുന്ന ജീവിതങ്ങൾ എത്രയെന്ന് അറിയുമോ നിങ്ങൾക്ക്. ഒരു മണിക്കൂർ മാധ്യമ വിചാരണയിൽപ്പെട്ട് മാനം നഷ്ട്ടപ്പെട്ട് വീട്ടിലിരിപ്പായ എത്രയോ നിരപരാധികളായ പാവങ്ങളുണ്ട്.!
ആ നിരപരാധികളുടെ ജീവിതം പിന്നെ നിങ്ങർ തിരിഞ്ഞ് നോക്കിയിട്ടുണ്ടോ.? ഒരു വരി തിരുത്തി പറഞ്ഞിട്ടുണ്ടോ.? പ്രത്യേകിച്ച് വിഷ്വൽ മീഡിയ..!

ആധുനിക മാധ്യമ പ്രവർത്തനം ''ഇര തേടലായി " മാറുകയാണ്. അന്നത്തെ 24 മണിക്കൂർ നിറയ്ക്കാനുള്ള കേവലമൊരു ഇര തേടൽ.! ഒരു ' ഇര' കഴിഞ്ഞാൽ അടുത്ത 'ഇര'..! റേറ്റിംഗ് കൂട്ടാനുള്ള എന്തെല്ലാം കഥകൾ.. ഉപകഥകൾ.. അപസർപ്പകഥകൾ.. റ്റി എൻ ഗോപകുമാർ ,ഗൗരിദാസൻ നായർ, സണ്ണിക്കുട്ടി എബ്രഹാം,എൻ ആർ എസ്സ് ബാബു ,പി കെ രാജശേഖരൻ, എം സ് മണി ,ലീലാ മേനോൻ അങ്ങനെ ആധുനിക പത്രപ്രവർത്തന രംഗത്തെ എത്രയോ മഹത് വ്യക്തികൾ..