• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Elections 2019

പെര്‍മിറ്റ് റദ്ദാക്കും വീട്ടുവീഴ്ചയുമില്ല, സ്വകാര്യ ബസുകള്‍ക്കെതിരെ നടപടി ഉറപ്പെന്ന് സര്‍ക്കാര്‍

തിരുവനന്തപുരം: സ്വകാര്യ ബസ് സമരം തുടരുന്ന സാഹചര്യത്തില്‍ നിലപാട് കടുപ്പിച്ച് സംസ്ഥാന സര്‍ക്കാര്‍. നാലുദിവസമായി തുടരുന്ന സമരം പൊതുജനത്തെ ബുദ്ധിമുട്ടിച്ചെന്നാണ് സര്‍ക്കാര്‍ വിലയിരുത്തുന്നത്. ഇനി പെര്‍മിറ്റ് റദ്ദാക്കലടക്കമുള്ള നടപടികളിലേക്ക് പോകുമെന്നാണ് സര്‍ക്കാര്‍ മുന്നറിയിപ്പ് നല്‍കിയിരിക്കുന്നത്.

ആദ്യം ബസ് ഉടമകള്‍ക്ക് കാരണം കാണിക്കല്‍ നോട്ടീസ് നല്‍കും. പെര്‍മിറ്റ് റദ്ദാക്കാതിരിക്കാന്‍ കൃത്യമായ കാരണം ബോധിപ്പിക്കണമെന്നും ആവശ്യപ്പെടും. ഇതില്‍ മറുപടി തൃപ്തികരമല്ലെങ്കില്‍ കടുത്ത നടപടിയിലേക്ക് പോകുമെന്ന് സര്‍ക്കാര്‍ വ്യക്തമാക്കിയിട്ടുണ്ട്. ഇതുസംബന്ധിച്ച നിര്‍ദേശം ഗതാഗത മന്ത്രിക്കും ലഭിച്ചിട്ടുണ്ട്. ബസ് പിടിച്ചെടുക്കുന്നതടക്കമുള്ള കാര്യങ്ങളും സര്‍ക്കാരിന്റെ പരിഗണനയിലുണ്ട്. സമരത്തിന്റെ പേരില്‍ ജനങ്ങളെ ബുദ്ധിമുട്ടിക്കുന്നത് ഒരിക്കലും അംഗീകരിക്കാന്‍ സാധിക്കില്ലെന്നാണ് സര്‍ക്കാരും ഗതാഗത മന്ത്രിയും പറയുന്നത്.

പെര്‍മിറ്റ് റദ്ദാക്കാനുള്ള നടപടികള്‍ ആരംഭിക്കാന്‍ ട്രാന്‍സ്‌പോര്‍ട്ട് സെക്രട്ടറിക്ക് നിര്‍ദേശം നല്‍കിയിട്ടുണ്ട്. ട്രാന്‍സ്‌പോര്‍ട്ട് സെക്രട്ടറി ഓരോ ജില്ലയിലെയും കളക്ടര്‍മാരുമായി ബന്ധപ്പെട്ടായിരിക്കും നോട്ടീസ് നല്‍കുക. മിനിമം ചാര്‍ജ് എട്ടുരൂപയെന്നത് വളരെ കൂടുതലാണെന്ന് സര്‍ക്കാര്‍ പറയുന്നു. വര്‍ധിപ്പിച്ചിട്ടും സര്‍ക്കാരിനെ സമ്മര്‍ദത്തിലാക്കിയുള്ള ഈ സമരം അനാവശ്യമാണെന്നും ഗതാഗത മന്ത്രി പറഞ്ഞിട്ടുണ്ട്. അതേസമയം കഴിഞ്ഞ ദിവസം സ്വകാര്യ ബസുടമകളുമായി നടന്ന ചര്‍ച്ച പരാജയമായതാണ് സര്‍ക്കാരിനെ പ്രകോപിപ്പിച്ചത്. വിദ്യാര്‍ഥികളുടെ മിനിമം ചാര്‍ജ് വര്‍ധിപ്പിക്കണമെന്ന ആവശ്യം സര്‍ക്കാര്‍ തള്ളിയിരുന്നു. 12 സംഘടനകളുമായിട്ടായിരുന്നു ചര്‍ച്ച. എന്നാല്‍ ചില സ്ഥലങ്ങളില്‍ സമരത്തെ മറികടന്ന് ബസുടമകള്‍ സര്‍വീസ് നടത്തിയിട്ടുണ്ട്.

English summary
government to suspend private buses license
വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more