ഇന്ത്യാവിഷന് വീണ്ടും നിലച്ചു... പുറത്തിറങ്ങിയവരുടെ സ്ഥാപനം തുടങ്ങി
കൊച്ചി: ജീവനക്കാരുടെ ശമ്പളം മുടങ്ങുന്നത് തുടര്ച്ചയായതോടെ മലയാളത്തിലെ ആദ്യ വാര്ത്താ ചാനലായ ഇന്ത്യാവിഷന്റെ പ്രവര്ത്തനം നിലച്ചു. മാധ്യമ പ്രവര്ത്തകരും സാങ്കേതിക വിദഗ്ധരും ഒരുപോലെ സമരത്തിലായതോടെ വാര്ത്താ സംപ്രേഷണം പൂര്ണമായി നിലച്ചിരിക്കുകയാണ്. മുമ്പ് റെക്കോര്ഡ് ചെയ്ത പരിപാടികളാണ് ഇപ്പോള് ചാനലിലൂടെ സംപ്രേഷണം ചെയ്യുന്നത്.
Read More: ഇന്ത്യാവിഷന്: 24മണിക്കൂര് മുതല് സീറോ ന്യൂസ് വരെ
ശമ്പള പ്രശ്നത്തിന്റെ പേരില് പ്രതിഷേധിച്ചതിന്റെ പേരില് ഇന്ത്യാവിഷനില് നിന്ന് പുറത്താക്കപ്പെട്ടവരും പുറത്ത് പോയവരും ചേര്ന്ന് തുടങ്ങിയ സൗത്ത് ലൈവ് ന്യൂസ് എന്ന വാര്ത്താ പോര്ട്ടല് പ്രവര്ത്തനം തുടങ്ങിയ ദിവസം തന്നെയാണ് ചാനല് പ്രവര്ത്തനം നിലച്ചത് എന്നതും ശ്രദ്ധേയമാണ്.
ഡിസംബര് 1 ന് വൈകീട്ട് അഞ്ച് മണിയുടെ വാര്ത്താ ബുള്ളറ്റിന് ശേഷം തുടര്ന്നുള്ള സംപ്രേഷണം മുഴുവനും റെക്കോര്ഡ് ചെയ്തവയായിരുന്നു. ഇന്ത്യാവിഷന്റെ വെബ്സൈറ്റിലും പുതിയതായി വാര്ത്തകളൊന്നും അപ്ഡേറ്റ് ചെയ്യപ്പെടുന്നില്ല.
ശമ്പളം കിട്ടാതെ ജോലി ചെയ്യില്ലെന്ന ഉറച്ച നിലപാടിലാണ് ജീവനക്കാര്. നവംബര് 28 ന് തൊഴിലാളികള് സമരത്തിലേക്ക് നീങ്ങിയപ്പോള് റസിഡന്റ് ഡയറക്ടര് ജമാലുദ്ദീന് ഫറൂഖിയുടെ നേതൃത്വത്തില് നടന്ന ചര്ച്ചകള്ക്കൊടുവിലാണ് സംപ്രേഷണം പുനരാരംഭിച്ചത്. ഡിസംബര് 1 ന് ശമ്പളം നല്കുമെന്നായിരുന്നു വാഗ്ദാനം. എന്നാല് തിങ്കളാഴ്ചയും ശമ്പളം ലഭിക്കാതെ വന്നതോടെ ചാനലിന്റെ പ്രവര്ത്തനം നിലച്ചു.
അടുത്ത പേജില് വായിക്കാം: ഇന്ത്യാവിഷന്: ശന്പളം കിട്ടിയില്ലെങ്കില് പിന്നെന്ത് ജോലി