'ഇളം കാറ്റിൽ തേങ്ങാ കുലകൾ ആടും, അപ്പോ തെങ്ങും ആടും', സംവിധായകൻ ജൂഡ് ആന്തണിക്ക് ട്രോൾ
കൊച്ചി: ഒരു തെങ്ങിന്റെ ആട്ടം കൊണ്ട് പുലിവാൽ പിടിച്ചിരിക്കുകയാണ് സംവിധായകനും നടനുമായ ജൂഡ് ആന്തണി ജോസഫ്. റോഡരികിൽ ഉളള ഒരു തെങ്ങ് കാറ്റിൽ വല്ലാതങ്ങ് ആടുന്നത് കണ്ട് ജൂഡ് ഒരു അപകട സൂചനയെന്നോണം വീഡിയോ ചിത്രീകരിച്ചു, ഫേസ്ബുക്കിൽ പോസ്റ്റ് ചെയ്യുകയും ചെയ്തു.
ഇതോടെ ആളുകൾ ജൂഡിനെ ട്രോളി രംഗത്ത് വന്നിരിക്കുകയാണ്. ഉയരമുളള തെങ്ങ് ആടുന്നത് ഇതുവരെ കണ്ടിട്ടില്ലേ എന്നാണ് കമന്റുകളിലെ പരിഹാസം.
ജൂഡ് ആന്തണി ജോസഫ് ഫേസ്ബുക്കിലിട്ട കുറിപ്പ് ഇങ്ങനെ: ' വൈക്കം പോകുന്ന വഴിയിൽ ഇന്ന് കണ്ട കാഴ്ചയാണ്. എപ്പോൾ വേണമെങ്കിലും വീഴാവുന്ന രീതിയിൽ ആടി നിൽക്കുന്ന ഈ തെങ്ങു. അജിമന്ദിരം എന്ന വീട്ടുകാരുടെയാണ് തെങ്ങു , ഞാൻ അവിടെ കയറിയപ്പോൾ ആളില്ലായിരുന്നു . അയൽവീട്ടിലും സമീപത്തെ കടയിലും കാര്യം പറഞ്ഞിട്ടുണ്ട് . സമീപവാസികൾ ആരേലും ഇതൊന്ന് ഫോളോ അപ് ചെയ്യണമെന്ന് അപേക്ഷിക്കുന്നു'.
ജൂഡിന്റെ പോസ്റ്റിന് ലഭിച്ച ചില കമന്റുകൾ ഇങ്ങനെ:
* 'ഈ മുൻകരുതൽ നിരീക്ഷണത്തെ തള്ളിക്കളയുന്നതല്ല. സാധാരണ ഇത്രയുമധികം ഉയരമുള്ള തെങ്ങുകൾക്ക് ഇങ്ങനെ ഒരു ആട്ടം സ്വാഭാവികമല്ലേ?'
* 'ഏറെക്കുറെ, തെങ്ങും തേങ്ങാക്കുലകളും കരിക്കിൻകുലകളുമൊക്കെ ആടാനുള്ളതാണ്. തലേൽ തേങ്ങയോ തെങ്ങോ വീഴാതെ എത്ര ആടിയാലും സാരോല്ല. വീട്ടാരെ കാണാഞ്ഞ സ്ഥിതിക്ക് ജൂഡേട്ടൻ തെങ്ങിനെ ഒന്ന് ഫീഷണിപ്പെടുത്തിയാൽ മതിയായിരുന്നു തേങ്ങ വല്ലോം തലേലിട്ടിട്ടുണ്ടേൽ തട്ടിക്കളേം പന്നീന്ന്...'
* 'ഞാൻ ആദ്യമായി കാണുകയാ ആടുന്ന തെങ്ങ്. വാഴയുടെ പവറിൽ തെങ്ങിനെ കണ്ടതാണ്.. മൂപ്പര്'
* 'ഇളം കാറ്റിൽ തേങ്ങാ കുലകൾ ആടും, ഞാൻ പറഞ്ഞതല്ല കല്യാണരാമൻ സിനിമയിൽ ഇന്നസെൻ്റ് പാടിയത് ആണ്, അപ്പോൾ സ്വാഭാവികമായും തെങ്ങും ആടും'
* 'അയൽവീട്ടിൽ കയറി 'കാര്യം' പറഞ്ഞപ്പോൾ അവരുടെ മുഖം ശ്രദ്ധിച്ചാരുന്നോ'?
* 'നിങ്ങള് ആദ്യമായിട്ടാണോ ഉയരമുള്ള തെങ്ങ് കാണുന്നത് ? -ഇത്രയും ഉയരം ഉള്ള തെങ്ങ് ആടുന്നത് കണ്ടിട്ട് എന്തോ അത്ഭുതം പോലെ തോന്നുന്നതില് ആണ് അത്ഭുതം. NB: അതിന്റെ ചുവടു ദുര്ബലം ആണ് വീണേക്കും എന്ന് തോന്നി എന്ന പരാമര്ശമോ വിഡിയോയോ ആയിരുന്നെങ്കില് പറയുന്നത് ഒരിത് ഉണ്ടായേനെ'
ഇങ്ങനൊരു ജോലി മഷിയിട്ടാല് പോലും കിട്ടില്ല, മാലിദ്വീപില് ഒരു വര്ഷം... ചെയ്യേണ്ടത് ഇത്ര മാത്രം!!
* 'ആ തെങ്ങ് നല്ല പച്ച തെങ്ങാണ്... പേടിക്കാനില്ല എന്ന് പറയാൻ പറ്റില്ല... അതും പറഞ്ഞിട്ട് അത് കെട്ടിമറിഞ്ഞ് വീണാൽ ജൂഡ് പറയും "ഞാനപ്പഴേ പറഞ്ഞില്ലേന്ന്. ഏതായാലും എന്റെ നിരീക്ഷണത്തിൽ തെങ്ങ് പവറാണ് ; വീഴാറായിട്ടില്ല - പക്ഷേ തേങ്ങ പലപ്പോഴുമായി കാറിന്റെ മെയിൻ ഗ്ലാസ് പൊട്ടിക്കാൻ ചാൻസ് ഉണ്ട്'.
* 'ആദ്യമായിട്ട് പുറത്തിറങ്ങിയത് കൊണ്ട് തോന്നുന്നതാ.. വേറെയും മരങ്ങൾ ഉണ്ട് ഇത് പോലെ ആടുന്നത് but അവയൊന്നും നമ്മൾ വിചാരിക്കുമ്പോൾ വീഴില്ല'